الله ياحلمٍ حلمته من سنيـــــــــــــــــــن *** مدري حقيقة او خياليٍ يجينـــــــــــــــــي
شفت السعاده كنها ظرف يوميـــــــــن *** وشفت المشاعر صادقة تحتوينــــــــــــي
عشنا بروحٍ تنقسم وسط جوفيــــــــــن *** مجبور افضح خاطري والحنينـــــــــــــي
ايام نسهر للصبح نوره يبيـــــــــــــــن *** وعاهدني بحبه وربك يعينـــــــــــــــــــي
كان الضحك شمعه تنور طريقيـــــــن *** وطاريه احبه واعشق اسمه ضنينـــــــــي
حتى المسن ينهار ويصير لونيــــــــن *** ولاقال احبك طاح قلبي بيدينــــــــــــــــي
قالت اخويه صادني قلت يازيــــــــــن *** بروح يمه يمكن يحس فينــــــــــــــــــــي
شفته وقلت اخطيت برد هالديــــــــــن *** وحس بكلامي وقال ابشر لعينــــــــــــــي
كلمت امي اخطبي قرت العيــــــــــــن *** ابغاها في بيتي تنور سنينــــــــــــــــــــي
تعسرت وارجي الوظيفه الى الحيــــن *** وعندي امل والحب يبقى سجينــــــــــــي
من حج لين الحج عامين عاميــــــــــن *** اشرب غلا والحب بينه وبينــــــــــــــــي
حبيتها واصبحت ضمن المجانيــــــــن *** مجنون شوق وصار عشقي مبينــــــــــي
دلعتها ومسكتها وقلت تكفيـــــــــــــــن *** عيشي بقلبي وهمس شوق احتوينـــــــــي
لاشفتها في نومتي قمت مسكيــــــــــن *** وارجف ويتساقط عرق من جبينــــــــــي
من غيرتي شبيت قلبي بناريــــــــــــن *** احرق خفوقي واطفي شوقي بونينــــــــي
سجني حبه وشفت ظلم المساجيـــــــن *** طعني بعده حيل وصحت اقتلينـــــــــــــي
رحت المكان اللي عشقناه الاثنيـــــــن *** وعلى جداره انكتب اذكرينـــــــــــــــــــي
جيتي بشوقك شايله الحب تمشيـــــــن *** وابوس يدك واطلبك توعدينــــــــــــــــــي
كلمات حبك تصدر الصوت صوتيــن *** صوت الغلا وصوته يعود رنينـــــــــــــي
بالحب نسهر ونزعج الناس ممسيـــن *** واطلب وفا واقول لاتخسرينــــــــــــــــــي
كنا برقم وصرنا نكلم برقميـــــــــــن *** ولاقال كلمه لخبطتني بحرفينــــــــــــــــي
عندي كلام الحب وعندي براهيـــــن *** غرقت في بحره وصحت انقذينـــــــــــــي
اعطيته بقلبي على العشق قصريــن *** ولامرني برد الحزن دثرينــــــــــــــــــــــي
حتى ضلوعي مابقى غير ضلعيــن *** ووفيت عهد الحب واصبح يقينــــــــــــــــي
اطير لا شفته واصير بجناحيــــــن *** واذا نسيت الود عودي ايقظينــــــــــــــــــي
لعينه اجند جيشي صفين صفيـــــــن *** احمي عيونه وياحياتي اطلبينــــــــــــــــــي
واليوم صار الجرح مرسوم جرحين *** واصبحت بعد الضحك والله حزينـــــــــــي
ابغى اعيد اللي مضى بس من ويـن *** اصيح واصفق في شمالي بيمينــــــــــــــــي
زرعت حبه وسط قلبي بساتيــــــــن *** والحين ورد الروح اصبح دفينـــــــــــــــي
ليته قطع قلبي وكل الشراييــــــــــن *** ولاراح عني كل عمري ونسينــــــــــــــــي
غير كلامه وصار عندي قراريــــن *** درب الهموم او موت كانك فطينـــــــــــــي
لا والذي الف قلوب المحبيـــــــــــن *** لولا غلاتك قلت روحي اتركينــــــــــــــــي
مادار في ذهني عليه بتقسيـــــــــــن *** يومك بقلبي الغاليه وتنكرينـــــــــــــــــــــي
قدرت وضعك واللي جيتي تقوليـــن *** وطفى شموعي قولتك تكرهينـــــــــــــــــي
انا وقلبي بالعهد دوم باقيـــــــــــــــن *** ووببقى احبه لين وضعه يزينـــــــــــــــــي
وبعد فتره انقسمنا بروحيــــــــــــــن *** والموت مايكفي تعالي اذبحينــــــــــــــــــي
بقولها مثلي ترى ماتلاقيـــــــــــــــن *** واذا لقيتي اعشقيه واهجرينــــــــــــــــــــي
عندي صكوك الحب ليتك تعوديـــن *** عشقك بقلبي وان قسيت اعذرينـــــــــــــــي
المواضيع المتشابهه
الله ياحلمٍ حلمته من سنيـــــــــــــــــــن *** مدري حقيقة او خياليٍ يجينـــــــــي
العرض المتطور
