كيف تحصلين ع عريس في أسرع وقت !!..<لا يفوووتكم ... ؛)

[أبو فيصل]

كيف تصطادين عريس دون اللجوء للأساليب المعهودة والسقيمة..؟؟
77
77
77
77777
7777
777
77
7[/

[للاجابة على هذا السؤال اليك مايلي ]..


أهم نقطة :انشبي بالعجوز اللي حاطه عينك على ولدها ثم نفذي مايلي :

1-خليك مع أمك لاتروحين مع البنات وتستهبلين اصبري عنهم كم شهر الى ان تتم العملية


2-امشي وانتي حاطة راسك بين كتوفك لاترفعينه أبدا..مهما يصير
(خلي الفكس دائما في متناول اليد ) علشان يقولون مؤدبة ومو متكبره


3- كلمة خاله خليها على لسانك وخاصة لأم العريس علشان تحس
بنوع من التميز عن بقية العجز .
لامانع تنادين وحدة ثانيه بخاله عشان إذا مانجحت الخطه مع العجوز نمبر ون
تنجح مع الثاني اتبعيها كخطة احتياطية


4-إذا بدت أمك تتكلم انغزيها بكوعك عشان تدخلك بالموضوع حتى لو
مالك داعي تطبيقا للمثل (كثر الطق يكسر الحديد)
أدري إن المثل ماله داعي بس مالقيت غيره ..

5-اخوانك الصغار لاحقيهم و وراهم وين مايروحون حتى لو مب عادتك بس تصرفي معهم كأنك أمهم

لأن هذا يوحي بما لايدعو مجال للشك عند العجوز بأنك حريصه على ذريتك (جعلهم عقبك) ..


6- مهما أكلت أمك من أكله زينه خليها تقول :
نفس الاكله اللي تسويها بنتي (حتى لو الاكل من المطعم الصيني أو المكسيكي )

7-اذا جيتي بتمدين ايدك >>>>
خلي أمك تقول :قايلة لك وأنا أمك لاتنظفين جدران الفيلا الخارجيه بس أنتي الله يهديك ذابحتك النظافه

(ايه طيب..أجل بتنظفين جدران الفله؟؟نظفي غرفتك أول اللي تقولين ثايره فيها قنبله ذريه

8-دايم ارتـزي كأنك بالعة قصبه علشان ماينقص من طولك ولا سنتيمتر (للقصيرات فقط)

-اذا تكلموا الحريم عن الزواج اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها

10-مهما كان موضوع الحوار حماسي لاتبدين رأيك وخليك مثل الطرما لأن اللقافه تجيب أجل الخطه ..

11-شعرك افرديه لين يتحسحس لاتخلينه طاير وشوشه مهما كانت الموضه
لأن العجز مايدورون الا اللي شعرها ناعم.. والا اللي شوشتها طايره ماحد يلتفت لها ..

12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي..

13- في العرس لاترقصين اربضي واقضبي ارضك واعتبري الرقص عيب وشق جيب ..

14-اذا جا طاري السوق وطبعا هو لازم يجي الطاري لأنه ملح الجلسه عند الحريم خلي أمك تقول:
بناتي مايطلعون للسوق أغراضهم أبوهم يجيبها (وانتي شكلك مقطعه السوق تقطيع )

احتمال وارد الحدوث :

ممكن تكون العجوز مخططه على بنت غيرك لكن بعد النقاط السابق ذكرها بتغير رايها وتخطط عليك
الحين بتكون العجوز وقعت باالفخ..



نرووووووووح للعريس الحين :.

مشخص بكرفته بعد مو سهل ههههه


اهجدي في بيت أهلك ولاعاد تطلعين
واذا جاء المعرس بيشوفك خلي أبوك يقول له :

والله ودي تشوف البنت بدون ماتدري عشان تأخذ راحتك وانا عمك

وبعدين تشوفها على الطبيعه علشان ماتقول بعدين غشيتوني

(ايه هين ياالشايب لو يحصل حطيت بدالها باسكال مشعلاني والا اليسا..

وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك )


من مشغل لمشغل (صبغه ،فرد،تنظيف بشره،...الخ) لاتخلين على روحك قاصر

ولما يجي العريس خلي أخوك يوقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة

بعدها عاد كيف بيشوفك هذي عليك مو كل شيء بعلمك اياه دبري عمرك

بس خلي أبوك في نهاية المشاهدة يقول:العذر والسموحه وأنا عمك


ترى البنت حوسه مع انك طاقه كل زينك بس يعني اني في هاللحظه الولد بينط على راس أبوك ويـبـوسـه ..لين..
يشفط مخه وبيقول متى العرس ياعم (اللهم ارحمه فقد كان ولدا بار بوالديه )


عاد الله يوفقك ولاتنسينا من حلاو العرس والكليجا واياني واياك تعلمين العريس حقك من اللي معلمك هالعلوم ..

**تحذير:

بعدي عن أمهات العيال اللي متعلمات راعيات الشنطه مثل لون الجزمه لأن هذولي يبيلهم خطط بعيدة المدى



**نصيحه:

ادري انه صاحباتك بيلاحظون التغيرات المفاجئه اللي صارت لك واذا سألوك قولي لهم :انك خلاص انسانه عرفتي درب السنع

تدرين ليه؟؟

خوفا من سرقة الفكرة الادبية

يا الله ابي النتايج الزينه ان شاء الله

لاتفشلونا عاد شدو حيلكم احسن ما تعنسووووون وتقعدون بالبيت وتغنون



دمتم بكل الود

[كورن فلكس]

هههههههههههههههههههههه


تسلم

[وردةالياسمين2]

يسلمووووووووووووووووووو أنا تزوجت وخلاص يمكن البنات يستفيدوا منها الله يعطيك الف عافيه,,,,,,

[صانع الإبداع]

هههههههههههههههههههههههه

[همس الشووق]

ههههههههههههههههههههههههههههاي
الله يعطيك العافيه
عاشق الغموض

[شمس الرائدية]

هههههههههههههههههههههههه
والله الطرق يبيلها صبر ..
يسسلمووو~ّّّّ~~..

[صمت المعاني]

افكار ماتخرش الميه

هههههههههههه

[نور الإسلام]

والله جبتها




يالله طبقوا يا بنات

[ابو جراح M]

اقتباس المشاركة الأصلية كتبت بواسطة عاشق الغموض 12-إذا أدلت العجوز (أم المتوهق)

هووك يآ آلنك خخخخ !


لك كل آلشكر : عآشق آلغموض !

[عاشق القمم]

...
ههههههههههههههههههه
يعطيك العافية ’’
...