بسم الله الرحمن الرحيم
السلام عليكم ورحمة الله وبركاته
سوف ابدا بهذه القصيده في المنتدي كاول قصيده
وهي مهداه لى من
المقدم الشاعر / سعد بن عبد العزيز الذيابي
ويقول فيها ::-
باسم الكريم أبين القول تبييان ---- الواحد العالي عليه أعتمادي
اللى بسط سبع على كل الألوان ---- واللى رفع سبع بليا عمادي
لو أزن الكلمات في وسط ميزان ---- اخاف اخلط الدراسه بالجدادي
قد اسبقوني بالقوافي والالحان ---- وانا الرديف إما تهئ الشدادي
إذا عطا الله الرجل قلب ولسان ---- وخلق وأدب وإيمان والله هادي
يعيش ويحصل على الخيرا عوان ---- متكفل ربه برزقه وكادي
يامهتوين الطيب للطيب ميدان ---- امثالها قصة قطير المهادي
يامادح أهل الجود منته بغلطان ---- والطيب بين الناس ماله حدادي
ومن لا يجاز الطيب بالطيب تعبان ---- هذاك سئ الحظ بين العبادي
يامنيف سلملي على كل الاخوان ---- سلم على كل الوجيه البوادي
ربعي رجال بالوفاء شأنهم شان ---- أهل الكرم والمجد من عصر عادي
ربعاً لهم في صفحة المجد عنوان ---- اهل الكرم والمجد غاية مرادي
عليهم البيضا عدد وبل الأمزان ---- عبر الصحف ونذيعها بالروادي
الطيب لو هو بالتمني لمن كان ---- كل يريد يصير منهم وغادي
واختامها صلوا على نسل عدنان ---- شفيع الامة في نهار التنادي
المقدم الشاعر / سعد بن عبد العزيز بن نايف الذيابي
ورديت عليه بالقصيده التاليه :-
بديت باسم اللى فرض خمسة أركام ---- اللى عطى الجنة شهيد الجهادي
منجي سفينة نوح من موج طوفان ---- عالم خفايا نيتي واعتقادي
بخط لفاني شتت الهم نسيان ----سر الشعور وزال هم الفؤادي
فرحتي به فرحت فلاح بركان ---- عقب طواه اليأس راكان عادي
من وافي قصده من القول عرفان ---- رد الجميل وفي هل الطيب أشادي
لاشك حملني الرسالة كحيلان ---- يبيني الغي في القصيد أقتصادي
ويابو فهد ملا أدرك الطيب خسران ---- الطيب بحراً كل ماميح زادي
خذ من تجارب الدهر خير برهان --- أنا سنادك وانته أيضاً سنادي
وهل الوفاء في عالى مثل رمان---- إلي بار بالرفقة خطآت الربادي
لوفرقت مابيننا بعد الأوطان ---- بالرواحنا وقت اللوازم نفادي
ومدام وضع اسمي في الابيات نيشان ---- والله لبذل طاقتي واجتهادي
حيث ربعك يافتى الجود سلفان ---- ناس قريب وناس باقصى البلادي
ولكم بعد ناس ومعارف وصدقان ---- يوم تجيهم مثل يوم العيادي
من بينهم كأنك تسولف بديوان --- لو كنت ساكن يالذيابي جيادي
اسبوع وانا ممرح الليل سهران ---- لجل لزومك ماتوانا زنادي
ادور بين الناس والناس شتان ---- ماقيم يوم ولاتريح جوادي
وبلغت نص إرسالتك دون نقصان ---- قول مثل نور القمر في السوادي
من غير أقول افلان وفلان وفلان ---- يستاهل المدح مأنته بغادي
وكتبتها وأرسلتها باسم عتبان ---- وختمتها عنبر ومسك وكادي
وعليك مثل اللى طلبته بالاتقان ---- من كل من له في ضميرك منادي
وأرجع واقول من أدرك الطيب كسبان ---- الطيب بحراً كل ماميح زادي
منيف بن مطلق عمار العتيبي
وسلامتكم
المواضيع المتشابهه
العرض المتطور
