--------------------------------------------------------------------------------
هذه القصيده للشاعر عايد الشمري
وقد أعجبتني فأحببت ان تتمتعو بها كما تمتعت انا بها
[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
راكب اللي لا ركبته كنّـك بغرفـة عـروس=
بين ميّـة مرحبـا بـك بيـن ياميّـة مسـا
مخملّي الفـرش فيهـا مايثمـن بالفلـوس=
تصفق كفوف التمني بس ,,ياليت,, وعسى
كم وكم امبير فيهـا ذا يقـوس وذا يقـوس=
تخترش منها نزول وشـيء بالعالـي رسـا
وشاشةٍ تعرض طريقك وانت والراكب جلوس=
كن حالك وانت راكب حال من شاف ونسـى
وسطها لك جو يفرق عن محيطات الطقوس=
انت في دنيا النعيـم وباقـي النـاس بقسـا
عيطموس ام المواتـر لعنبوهـا عيطمـوس=
فاتنة جيل المواتـر مـن رجاجيـل ونسـا
كنها بدر البدور وكنهـا شمـس الشمـوس=
بنت شيخ ٍ محتسيها الزين واسرفهـا حسـا
ميزوها فوق وصفـك يالكدالـك والجمـوس=
ولا يهون الجيب واللي بْصالة العرض جْلِسَا
شوفها يطرد عماس الوقت وادغاث الهجوس=
لونها كنـه ظـلام الليـل لامـن عسعسـا
وبديها مثل انسياب الرمل في حمر الطعوس=
لاكساه الماطر اللـي لابعـد حـدوده كسـا
واجهتها بين برق عيونها وصفرْ الكبـوس=
شيٍ اقرب للكلام بحضره اشخـاص خْرسَـا
ولامعات مؤشرات صطبهـا حمـرٍ تنـوس=
كنّها شّباب ضوء كـلاش والنـاس عْرِسَـا
حسها عكس انبعاث الكاف في نطق الدروس=
يوم تلّكن فيه بنت تذبـح الحكـي بـحتْسـا
او بعد مثل اندماج العلك مابيـن الضـروس=
في حنوك اللي تجر بصوتهـا ونـة أسـى
وش نوصّف لافتحنا قوس واغلقنـا لقـوس=
دام(( بي ام)) المواتر حلـم بعيـون فلسـا
واهنيّ اللي رفقها فـي حفيظـات النفـوس=
ملك يغني عن سنين الشح وعيـون تعسـا
وسعدْ حظ اللي عليها يقطع الخـط ويـدوس=
لين يمسي عند خرس عيون ورموش نْعَسَـا
في ديارٍ تجمـع اللـي مبعـداتٍ للنحـوس=
الربيع وجاري الماء واجمـل العالـم نسـا
المهم انك تعيش الجو في غرفـة عـروس=
وبس مية مرحبـا بـك بـس ياميـة مسـا [/poem]
المواضيع المتشابهه
عايد الشمري و B M W
العرض المتطور
