السلام عليكم ورحمة الله وبركاته
تشرفت بانظمامي لهذ الصرح لشامخ واتمنى له وللقائمين عليه مزيدا من التقدم والرفعه
مصافحه اولى اتمنى ان ترقاء الى ذائقتكم
[poem=font=",6,,bold,normal" bkcolor="transparent" bkimage="http://www.alraidiah.com/vb/mwaextraedit2/backgrounds/18.gif" border="double,4," type=1 line=0 align=center use=ex num="0,black""]
امطري ياغيمة المعنى علـى بـذر دفيـن=له سنينٍ ما نبت والشح هـو سبـت بـلاه
يالزمان الصلف جنب عن وجيه المستحين=لاتجي مثل اللذي يندس في عـود ولحـاه
القناعه هيجـة قـومٍ وصـاروا طامعيـن=والصبور اليا سكت قالوا لسانه في جمـاه
وين بلقاء اللي على نهج العصور الاوليـن=كاسبين الطيب بالميقـاف ولا فـي غـزاه
ليل الاول في منامي شفـت رجـال فطيـن=اقبل وسلم علينا ويتهقـوى فـي عصـاه
قال ماشاء الله وماشاء الله عساكم طيبيـن=وابتداء ينشد عن اللي شوف عينه له يراه
قام ينشدني عن اقـوام خلـت يامسلميـن=وقام يشرح لي عن الماضي وسيره بالحياه
لد لي في نظـرة ماكنهـا الا سهـم عيـن=والغضب متعلي وجه ولا ادري ويش جـاه
قالي يا ليه يـا لاجـواد منتـوا ملتحيـن=لحية الرجـال فيكـم كنهـا حيـدة صفـاه
ولبسكم هذا غريب ولا يقـره شيـخ ديـن=من يخالف قول ربي قلـل الله فـي حـلاه
قال عطني من علوم اجيالكم كانـك ذهيـن=ولاتخبي شي عني ضيـف يامـل الغنـاه
قلت تبشر بالسعد والعلم ما يخفـاك زيـن=غير ودك تاخذ اعلومـي ولا منـك نجـاه
حسب عرفي قلت له عن كل شي زين شين=حط يده فوق راسه قل وش هـذي السـواه
قلت ياضيف السعد في جييلنا ذا مبدعيـن=التطـور والتقـدم والمـزايـن والـرمـاه
وعندنا الرجال بالمجلس على مركا متيـن=ومن كرمنا تاجد المندوب في وسط الصفاه
وكل واحد شوره براسه ولا راسـه يليـن=وهرجنا ماهو قليل والشجـاع الـي عـلاه
قل جيلـك مـا يناسبنـي ولا لـي نيتيـن=وكل واحد بعـد موتـه مالقـاه الا جـزاه
عندكم نقص الصلاه ونقص بـر الوالديـن=والكبـود مورمـه بالحسدوافعـال الطغـاه
ويش ابين وايش اخلي شي يندى بالجبيـن=قام واقفاء ما عاطني علم ثانـي الا قفـاه
قمت انادي له وكن باذنيه ذي طين وعجين=قمت من نومي وانا مفزوع في شوف الدهاه
[/poem]
المواضيع المتشابهه
العرض المتطور
