بعد ثالث ثلاثه حل والوقت ليل
................
حبيّب العازمي
-
بعد ثالث ثلاثه حل والوقت ليل
كل عين من العبره سقت خدها
ارتعش واتثبت والعباير تسيل
لا اقدر اقول ليه ولا اقدر اردها
واقف موقف المحتار وقت طويل
نظر لواقعي بالعين واصدها
مااقدر اهب من الواقع على المستحيل
تقصر الرجل خطوة قبل لا امدها
حسبي الله على الفرقا ونعم الوكيل
هددتني وانا مجروح من ضدها
بين حزن الوداع وبين جور الرحيل
كل لحظة تمر بهم واعدها
واشهد الجدي في مبداه واشهد سهيل
قصتي تبني الاهرام وتهدها
ماشفالي جروح ولا برد لي غليل
صارت الروح روح بيحت سدها
كل ماقلت شده قلت يمكن تزيل
كلما قلت راحت قلت لا بدها
شرهة القلب عدل ونظرة العين ميل
اقنع النفس مير النفس ماودها
والمشاعر لها بين الحنايا صهيل
والخواطر تحز النفس وتحدها
واكتب الشعر من دمي ودمي ثقيل
كلما جيت امد القافيه شدها
اقربي يالقوافي واشربي حنظليل
من بحور يساقي جزرها مدها
واذعني للحقيقه واشربي سلسبيل
من نهر يذوب الذوب مع ندها
مايشح الكريم ولا يجود البخيل
كل نفس طبيعتها على قدها
.
منقول
المواضيع المتشابهه
العرض المتطور
