الأمر خطيرجدآ

[جني مسلم]

مراحب اخواني من جميع مناطق الخفجي بعد السلام
ياروحي يالخفجي أموت انا بالخفجي اذا جيت للطريق دايم مسكر ودايم مكسر ودايم تحويلات والله لو اشتري سياره آخر موديل اني انقهر حرام ياناس تكون بالخفجي
اذا فتحت محابس المويه دايم تنقط أو تقطر بالاصح يعني لازم ماتور مويه هذا اذا ماكانت مقطوعه احيانا والله ثم والله لو تشوفون منظر المحدود الظهر انه منظر مضحك حقيقه يعني شر البليه مايضحك ياخي كأنك بفلسطين الناس تتذابح على المويه والله اكثرهم شيبان شوي يتضاربون على شان وايت مويه حق المصلحه الله لايصلحها لاهي ولا التحليه ياخي هندي المصلحه مسكين بالظهر كانه ضب يعبي مويه حق هذا وهذا يجي يطالبه شوي يجيه شايب يتكلم عليه ياناس بالعربي نبغى حل !
اذ جيت للكهرباء والله احيانا تطفي بنص الله الناس نايمه على المكيف بعز الرطوبه وفجأه يطفي الكهرباء معقوله ياناس ّ!
اذا جيت حق البنوك ياخي نفسياتهم خايسه كلهم والعياذ بالله >
بالعربي ياناس نبغى حل تكفون نبغى ناس توصل اصواتها وين البلديه على الطرق وين الكهرباء عن قعطع الكهرباء وين المصلحه عن هلاك الناس من العطش ياخي على اساس حنا على بحر وعندنا اكبر تحليه بالشرقيه بعد الجبيل مش معقوله وين المجلس البلدي الي من اول ماحطوه والله ما تغير شي بالديره ...... ادري كلامي قوي شوي بس والله انه حقيقه






ارجوا الردود السريعه

[الدووووخي]

[mark=FFFFFF]والله انها حقيقة بس وش تسوي ’’’

بس ان شاء الله كلامك يوصل للمسؤولين ’’’

والرائدية سباقة في هذي الشيء ’’’

الله يعطيك العافية اخوي جني مسلم ’’’[/mark]

[ابومعاذ النافل]

هلا وغلا اخوي ...... مسلم !!

والله كلامك صحيح ....

كل مشكلة يبيلها موضوع لوحده ويبيلها وقفة رجال يقفون وقفة رجل واحد ...... انت جمعتها في موضوع واحد من القهر .....صح ؟؟؟

بس والله اني عارف انك مقهوووور .... لكن .......... انصحك ....... [blink]ردد يا ليل مطولك[/blink] ،،،،

اعتقد ان المسألة تحتاج الى سنوات حتى نرتقي الى مستوى المدن الاخرى ليس عيب في اهل البلد لا والله ولكن لوجود الفساد الاداري المنتشر في بعض الدوائر المعنية ....!!!!


كل مدير دائرة يضع المسئولية على الدائرة الاخرى .....!!!!

المصلحة تضع المسئولية على التحلية والتحلية تقول المصلحة هي السبب ....

والبلدية تقول المقاول هو السبب والمقاول يقول نبي فلوسنا من البلدية .....

والكهرباء تضع المسئولية على الاستهلاك الزائد منا وحنا نقول الحر ما ينطاق .....

والبنوك يقولون ذبحونا الهوامير من كثر الملايين المملينة والهوامير يقولون انت هنا لخدمتي .......


وانا وانت ضعنا بالطوشة (على ما يقولون ) ..............



لكن الله يعين ،،،،،

ردد معي ........ شف فوق ^^

[أدم]

مشكور اخوي ع هالموضوع الحساس والجرى والواقع يفرض نفسه وصدقنى هذى الحقيقه واللى قاعد نشوفه كل يوم بس مانقول الا حســـــــــبي الله ونعم الوكيل


اخوك بوتركي

[KHAFJAWY]

البعيد عن العين بعيد عن القلب .. والاولويه فى كل شى للى فى القلب و نحمد الله ان حصلنا على الفتات
حال ما ينسكت عليه .. وان قلت ما قلت ردد معها قولت اخونا ابو معاذ "يا ليييييل مطولك" .. الشق اكبر من الرقعه ووش ترقع ووش تخلى.
الشكوى لله بس .. والله لا يسامح من تسسب باذيه المسلمين
دمتم سالمين

[sweety]

والله انك صادق ياخوي جني مافي اليد حيله وش تبينا نسوي كل يوم وحنا شكاوي بس لا حياة لمن تنادي الله المستعااااااااااااان....

[نجم]

ممكن أنظم معاك أبو معاذ ::

(( يــــاليـــل مطـــولـــك ))

أحلى تحيه لدوائر الحكوميه ::

[الصخرة]

[align=center]باقي المستشفيات وخاصه الأهلي ما مريت عليهم وهم برضك دابغينا دبغ [/align]

[أبو رائد]

أخونا جني مسلم

صحيح أن هناك أمور كثيرة تحتاج لتصحيح

لكن بإذن الله سوف تتحسن هذه الامور بالقريب

ولكن لابد لنا من المطالبة وحث المسؤولين على إنجاز أعمالهم

هناك بعد المسؤولين نشيطين ولكن يحتاجون إلى دعم وصوت المواطن


ولكم التحية،،

[محمد الفدعاني]

بسم الله الرحمن الرحيم


السلام عليكم ورحمة الله وبركاته



هلا وغلا



يعطيك العافية على الموضوع الحساس والواقعي ونرجوا أن يتحرك المسولين



بالنسبه للمحدود حدث ولا حرك



سلالالالالالالالالام