الى متى ياعيال تلعبون في مشاعرنا ؟

[محمد القاضي]

الى متى ياعيال تلعبون في مشاعرنا ؟؟؟

السلام عليكم ورحمه الله وبركاته
مسائكم /صباحكم خير
<<مدري من وين ابدا
موضوع في بالي وابي رايكم فيه


كثير من البنات جربو هذا الشي والكل عض اصابع الندم وقليل من امتدح حب النت
في البدايه نقول علاقه شريفه وعلاقه اخوان لين يبدا الشاب ويلعب على وتر الحب والمشاعر
طبعا البنت في البدايه ترفض هذا الشي الا ان كثر الدق يفك اللحام
كل يوم تسولف معه اغلب وقتها معه اذا حست انها متضايقه تفضفض له اذا كان مزاجها متعكر وشافته تنسى كل شي
اذا غاب كم يوم عنها تشيل همه وتقول يارب عسى ماصابه مكروه وعلى هذا الموال لين ماتتعلق فيه لدرجه لو يقول لها انا بتركك ولا بهجرك احتمال من قو الصدمه تدش المستشفى
والله ماابالغ تدرون ليش ؟؟؟ لانها حبته من قلب واخلصت له لو يبي عيونها عطته
طبعا الولد ميت احساس وشعور ويتسلى وهي المسكينه تموت في اليوم الف مره
ينزل وزنها ماتاكل وجهها ذبلان حالتها حاله وهو مادرى عنها والله قهر
تكنسل دوامها او سفرها عشان تم وياه وهو لو كان عنده شي سحب عليها اكبر سيفووون ...لاتعليق

الى متى والبنت ضعيفه الى متى والبنت تعطي من الحب الصادق وتلقى الخيانه ؟؟؟
خلونا صريحين واقعيين واضحين
اغلب الخيانه في العلاقات ذي تكون من الشاب
طيب ياخي هي تحبك وانت تعرف الشي ذا ليش تسبب لها الضرر في النهايه
كل مره تدمح خطاك وتقول مايقصد وتقول مهما كان ذا اول شخص حبيته وحسيت معه بالحب الصادق بسامحه ...والله مساكين حنا ملعوب علانا


يقول لها بررب مشغول شوي ....مشغول بغيرك يتسذب علاها مثل ماتسذب عليس
ويستمر الكــــــــــــــــــذب الى متى بلله ؟؟؟؟

خلاص عفتها ماتبيها اتركها بس لاتسبب لها ضرر
بيصبرها الله وبتنسى

طيب شي ثاني عالن تسبدي
ليش تسوي فيها رجال قدام ربعك وتقول والله انا اعرف عشر طعشر بنت على بالك ذي مرجله مثلا ؟؟؟
شي ثاني بعد...
حركه انك تفتح السبيكر وانت تكلمها طيب ياخي شالفايده شتحس فيه سويت انجاز مثلا ؟؟
انا ماراح اقول ترضاها على اختك لاني اعرف ان الاجابه لالالالا
طيب ليش ترضاها على قلب صادق قلب يحبك ؟؟

اوك والي يقول ماعندي خوات
طيب ماراح تتزوج ماراح يجيك بنات ولا بعد بتقول مابي يجوني بنات بكيفك مثلا
طيب والاهم زوجتك ماتخاف تخونك مع غيرك ؟؟؟
ترى الدنيا دواره ومشاعر خلق الله ماهيب لعبه

ارجو منكم التفاعل مع الموضوع لاني اشوف ناس واجد يعانون من ذا الشي
طبعا ادري اول نقد راح يتوجه لي ان حتى البنات يخونون بس راح ارد واقول
نسبه بسيطه لكن الاكثر والاغلب في الخيانه هم الشباب

[أستغفرالله.]

يعطيك العافيه.

[راجي الفردوس]

ليش الشاب دائما ه الملوم وهو الي لازم بالضرورة يمثل دور الصياد والفتاة هي الفريسة ؟

[راجي الفردوس]

اقصد هل في احتمال ولو بسيط ان الادوار تنعكس ؟

[المتوكلة بالله]

. ههههههه
ليس لدي ما اقوله لان السوال موجه للشباب
لكني ادعو الله ان لا يجمعني الله بأمثال هاؤلاء
والله يريح قلوب المسلمين جميعها
بما يحبه الله ويرضاه
مودتي