حلآ الشريطه ~

يارب افرجها · 29-09-2009, 03:58 PM

نبدأ بالمقادير ::
رقاق سويتز او لوزين
قرفة مطحونة
سكر ناعم
قشطة أي نوع تحبين
علبة نستلة + 6حبات جبن كيري
شيرة
زيت للقلي

( )

الطريقة ::
أول شي نجيب الرقاق ونأخذ منه كمية ونقسم الرقاق من النص بالعرض طبعا ونغطيه مانخليه مكشوف عشان ماينشف ويتكسر
بعدين نأخذ شريحة من الرقاق وندهنها شوية قشطة مو نكثر مجرد دهن بس

ونرشها سكر مطحون وشوي قرفة ونلفها زي الشكل اللي في الصورة ونقفلها من الجوانب والأطراف زي مانقفل السمبوسة

ونبدأ نرصها في صينية التشيز كيك بالطول
إلى أن تتعبى الصينية بهالشكل

نبدأ نقليها في زيت حامي ونقلبها بسرعة عشان ماتنحرق
ونرشها شوية شيرة مانكثر
وهذي بعد ماطلعناها من الزيت ورشيناها شيرة

نخلط النستلة والكيري في الخلاط ونصب نص الكمية في قاع الصينية لازم نفس الصينية اللي رصينا فيها الرقاق في البداية
وندخلها شوي الفرن لحد ماتجمد الخلطة

ونبدأ نرص الرقاق في الصينية فوق الخلطة بهذي الطريقة لحد ماتتعبأ الصينية.

نرشها بباقي خليط النستلة ونرشها شوي قرفة مطحونة وخطوط من شوكولا الهيرشي

ونجي لأهم خطوة فكي الصينية بشويش من الجوانب وارفعيها بس مو للآخر لحد طرف الرقاق وياليت هنا أحد يساعدك ويمسكها لك وإنتي تربطي الشريطة حوالين الحلا .

وهذي الصورة النهائية للحلى

صحتيــن على قلوبكم
منقول

ثلجة وردية · 29-09-2009, 04:04 PM

السلام عليكم ورحمة الله وبركاته
سلمت الايادي ..
حلى رووعه..
لكن ماظهرت الصور..
لك ودي

زهور الريف^-^ · 29-09-2009, 06:57 PM

حلووو بس ياريت كان فيه صور عشان يكون اوضح >>طراره وتتشرط

يسلمووو خيتوووو

ويعطيك العافيه

~همسة غلا~ · 30-09-2009, 01:55 AM

تسلم الاياااااااااااااااادي

محتاجة فزعتكم · 30-09-2009, 03:12 AM

حلة ختتتتتتتتيييييييييييييييييييييييير من جد

بس يبيله أيدي عاملة يساعدونك في التصليح

وإلا هو مايبيه كلفة واجدة

مشكووورة على الحلى اللي طعمه جونااان

عوافي (f)