وسعوا صدوركم.../ مدلول

[مدلول]

[frame="7 80"]يالله إنك تحييهم 00

عندي لكم سالفة على كيف كيفكم ، وتبي تونسكم وتشرح صدوركم إنشاء الله 000

صلوا على خير البرية محمد بن عبد الله عليه أزكى تحية وأفضل سلام 0
هذا سلمني و سلمكم الله الأمير الشاعر الكريم زيد سلامة الخشيم الخالدي ،
بطاقة رقم 123456789 وتاريخ 111/253/12487هـ أمزح في ذاك الوقت مافيه كمبيوتر ولا نت 00 المهم هذا الرجل كان في مدينة قفار وعاش فيها أميرا وفلاحا ومضيافا ورجلا مرموقا توفي بها بحدود 1290÷ / 1873م (( يعني من زمان أوي أوي ))

توفيت زوجة هذا الرجل وهي جميلة جدا (( طبعا على ذمة الراوي ولا أنا ماشفته )) وقرر بعد وفاة زوجته الجميلة جدا جدا أن يبحث عن أخرى فيها جميع مواصفات زوجته المتوفية ( باختصار فل كامل ) عاد هو مالقى نفس المواصفات ولكنه تزوج أجمل بنت في قفار آنذاك ( يعني تقدرون تقولون ملكة جمال هاك الوقت ) استانس الرجال يوم شاف زوجته الجديدة وهي تتمتع بقدر لابأس به من الجمال 000
ولكنه ماستانس عقب ماشاف عموله وقلت السنع
تدرون وش كانت تسوي هالمرة ؟؟

لا مالكم لوى ياليت هذا وبس !!

صار ماله شغل غير الاهتمام بنفسه طول الوقت وهي عند(الكوافيرة ) قصدي قدام المراة تزين ( أدري إنه شيء طيب إن الإنسان يعتني بمظهره بس مو بالشكل هذا اصبروا شوي وبتعرفون السالفة ، وإلا تراني ببطل أسولف لكم إذا بتقاطعوني كل شوي ) إيه خلوكم حلوين كذا !!
ناس ما تجي إلا بالعين الخضرا

المشكلة إن هالرجال الحبيب مصدر رزقه الفلاحة والزرع يسقى في ذلك الوقت يدويا عن طريق السواني والسواني كلمة إغريقية استخدمها قدماء الرومان عند العرب خخخخخخخخخخخخخخخاي فهمتو شي ؟
لا السواني اسم يطلق على البكرة التي تستخدم في استخراج الماء من الآبار وتطلق مجازا على الإبل التي تستخدم لهذا الغرض ، والإبل عند البدو والبدو يؤجرونه على الحضر في مقابل شيئا من المحصول وطبعا هذه الإبل بحاجة إلى ديزل أقصد طعام بما انها طوال النهار وهي تدور وتدور وتدور وتدور 000كثير يعني هههه فإنها إن تركت بدون عناية فإنها تضعف وهذا الضعف ينتج عن (( إحراق الإبل للكثير من السعرات الحرارية )) أثناء الدوران 00

وهذا ما حصل بالفعل فقد هزلة السواني وانقل واليه وخاب تعبه لأن مزيونتنا كل نهاره وهي تزين وتاركتن الدرعى ما ترعى لأنه لو هي تاركته ترعى كان ما صارت هذي حالته 00 الثمرة قام الرجال وجاب بعارين غيرهن وبعد فترة بسيطة ( إنحطت حالهن وصارت أجسام هالبعيرات مثل أجسام عارضات
الأزياء )
ونتيجة لذالك قل إنتاج مزرعة ذلك الرجل الكريم وتدهورت حالته ( وعساه ما عادت ولاجادت هالجيزة )
(( تصدقون إني إنغثيت مثلكم وتعاطفت مع حال هالرجال الكريم بالرغم إنه ميت صار له أكثر من 120سنة وودي أشوف هالمرة هاللي بس تزيّن ودق خشمه 00وخرب مكياجه بعد إي والله )

قعد الرجال على باب بيته وهو ضايقن خلقه ( ومالوم عوينته ! حليله ضاع قدام عويناته ) وفي يوم من الأيام مرت عليه عجوز وشافته على هالحال وقالت له وشفيك ( محروقه بصلتك ياخوي ؟ ) قال مافيني شي ! طبعا هو ماهو صادق ! إلا فيه البلا والجلا !!
ما صدقته عجوزنا الذكية وقالت اسمع إنت بلاك كذا وكذا وكذا ( طبعا قالت له المشكله اللي يعاني منها ) ثم قالت له :
ليه ما تاخذ فلانه بنت عمك ! صحيح ماهي مزيونه مثل حريمك الثنتين ! بس هي بصراحة ( بنت مقدع وبنت أصول مش ممكن تسيبك بالظروف دي لوحدك ، وحتوقف جنبك ياراجل )
إلتفت الرجال يمه وقال : ( مرسيه يا طنط ، فعلا كلامك صحيح ، وأنا إنشاء الله بكرة من الفجر وقبل ماتروح جامعتها أخطبها من أبوها )
خير تقل مانتم مصدقين !؟ تدرون عندكم حق فعلا ماكان جامعات هاك الوقت 00

زبدة الكلام تزوج الرجال هالبنت المستورة أم الجمال اللي 50% ولكن ( كانت قرمه وشاطرة 100% )وعاد هي في ليلة زواجه قالت ، تراني ماني مزيونة بالحيل مثل حريمك ترن ( لازين بالغرة ولا شحمن بالسرة ) وقد قالت ذلك حتى لايفاجئ بقلة جمالها نسبة لزوجاته الأول 00فأقبل عليها وهو يقول :

البارحة قامت عروسي تقول لي *** مايجمع الثنتين كود البخايت
الردف هو ويا الثليل المظلي *** الله أعلم قلبك عليهن فتايت
يابنت من هو بالمقاوي يهللي*** جنن وبعض اللي تقولين فايت
ما سالكن واحوالهن في محلي***طلقتهن مع الثلاث البتايت
الزين عندي ما يعقد ويحلي***ولاالشحم ولا القرون العفايت
الفرق والعمدة على اللي يتلي ***ويصبر إليا طالت عليه المتايت
أنا على غياكن مغلي ***البيض مثل الضال وانتن فلايت
تفهيقيلي يابعد كل من لي *** الغوش نردعهم بغوش الصنايم

وتزوجوا بتبات ونبات وخلفوا صبيان وبنات وهي أم ابنه مطلق 00 وخلال شهر والبعيرات مستعيداتن قوتهن وعافيتهن 00 ونسين الرجيم وسنينه 00

وسلامتكم يالربع !
قولوا وانت سالم ؟ ! معليش سامحوني ماسمعتكم والله 00

لكن سؤالي لكم عقب هالسالفة : لازم تبون الزين كشرط أساسي لمن ترتبطون به ؟

ما أدري أنا أقول قومن ياخذ الجمال اللي يبي يخلي بعيراتي يصيبهن فقر دم هههههههههههههههههههههاي

تحياتي

مدلول [/frame]

[راضـــي]

[align=center]يعطيك العافية أخوي مدلول على سعة الصدر


هههههههههههههههههه


وانت سالم من الشر

يادلبي

تحياتي


أخوك

راضي الشمري


يلا تصفيقه حارة لعيون مدلول وعاها بسمة مشرقة مع كرست


:ty: :ty: :ty: :ty: :ty: :p :p :ty: :ty: :ty: :ty: :ty: [/align]

[لعيونك]

خير الامور اوسطها

مو صاحبه الجمال الرفله صح

ولا الجيكر السحت مره

[د.ماجد]

ههههههههههههههههههههه مدلول



لوووووووووووووووووول يامدلووووووووووووووووول



يالله انتم بعد عيال حارتنا صفقوا لمدلول د






:ty: :ty: :ty: :ty: :ty: :ty: :ty: :ty: :ty: :ty: :ty: :ty:

[مدلول]

الاخ (لعيونك)

قال رسول الله صلى الله عليه وسلم

تنكح المراه لاربع لمالها وحسبها وجمالها ودينها فاظفر بذات الدين تربت يداك


اما مساله ان البعض يجعل الجمال شرط اساسي للاقتران فهو امر منهي عنه لانه الجمال امر نسبي ومصيره للزوال والباقي العشره بالمعروف والتواجد النفسي والعاطفي000000


تقبل تحياتي

مدلول

[مدلول]

الاخ ابو الزير قصدي جبرك الوقت


ابتسمت لك الحور العين (اللهم ااااامين)



تحياتي


مدلول

[غلااا]

مشكووووووووور اخوى مدلوول
انا رأى ان الجيكر ياخذ جيكره والمزيون ياخذ مزيونه
هههههههههههههههههههههههههههههه

وطبعا الحين الشباب ما يهمهم الا تكون موظفه وخصوووصا مدرسه والا الجمال ما عليهم....واللحين السحت تصيرر ملكه جمال
تروووح ...
والله قدام عينى سحت(استغفر الله)ادخلت الصالووون
سووت ستشوار ومكياج وصارت ملكه جمال والله صدق

[مدلول]

الاخت الغلاااااا

مشكووووووووور اخوى مدلوول
انا رأى ان الجيكر ياخذ جيكره والمزيون ياخذ مزيونه


لووووووووووووووووووووووووووووووووووووووووووووووووو ل

صح لسانج


ويسلموووو على المرووور

تحياتوووووووو

مدلول

[ابوجيلان]

[align=center]الله يعطيك العافيه يامدلول

والله انها قصة طيبه وزينه

اشوفها بدت تطلع الابداعات عقب هالامتحانات

ماشالله وتخزى العين

وبالنسبه للرايي بالموضوع سلمك الله انا اقول

لاتفوت بنت عمك من يدك واذا مافيه بنت خالك

لان التفاهم راح يكون اسهل والله اعلم بالنصيب[/align]

[أبو رائد]

الله يعطيك العافية يا مدلووول


على سعة الصدر



تسلم يا بعدي



تحياتي لك ،،



أبو رائد