كفا يا قلب .. يكفيك انكسار=كفاك اجروح واهموم تبارا
ولو صلب الصفا ما جاك جاله=تفلش في محله بانفجار
وعلى رغم الذي صار وجرالك=تعيش أبهون ماعشت ازدهارا
تعيش أبهون ما عشت ازدهارا=عقب مدة يجي فيه انحسارا
أخاف أن الندم عقبه يهيمن=على كامل معابيرك جهارا
وأخاف اليأس تأتي لك طعونه=ولا من عقبها رد اعتبارا
وأنا أذكرك والذكرى مفيدة=بها منفوع لقلوب حيارا
خدعك وشانت النية وقفا=طعنك بغفلة ثم توارا
وترا اللي كان لك خل تغير=تبدل طبعه وعنك استدارا
طعنك بسيف ما تبرا جروحه=ظلوم وارتكب إثم و وزارا
ولا بارك إله الكون عشره=تقوم بزيف تاليها أنهيارا
كذا الأيام ما تصفي اجمامه=ولا تعطي لواردها خيارا
ولو تسقي فتاها من قراح=يجيله يوم تسقيه المرارا
وأنا أظن الذي عانيت منه=كفاية .. وأترك ليول السهارا
وأنا بنصحك ياقلبي تحذر=تلاحق ما بقا وأخذ القرارا
وترا عقب الحذ ماشي يثيبك=ولو دمع الندم سيله تجارا
لعلك كلمتي تسمع صداها=عقب ما جاك نصحي باختصارا
[/poem]
كفـــا يــا قلـــب
كفاك ما جاك من طعون وجروح ما تبارا
أخذ النصيحة
والحق مابقى من العمر
تلاحق يا قلب وخذ القرارا
صح لسان الشاعر
محمد بن سوعان الربيع
وعلى الخير بإذن الله نلتقي
دمتم بود
كلمــات مــن ذهــب
لا يكتم السر إلا من له شرفٌ والسرُ عند كِرام الناس مكتومُ
والسرُ عندي في بيتٍ له غلقٌ ضلت مفاتيحهُ والبابُ مردومُ
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما عاد نشره ما تفيد المشاريه=وقت تغير من رفاع لـ طماني
صار الردي يقلط وكل يداريه=ولد الحمولة صار ما له مكاني
جاريت وقت كنت أنا موهم فيه=وفيت لكن منهو اللي وفاني ؟
صبرت مير المر محد يجاريه=حالي برت واليأس حبله طواني
بسكات أهل الدمع ياخي وأخفيه=من خوف يفرح بي هبيل هداني
ياخي شوف الوقت مكثر بلاويه=من بد خلق الله بسيفه ولاني
والله لـ بيح السد وأظهر خوافيه= يا .. سامي .. يوم كل نساني
وإليا نشدت وقلت ياخي وش فيه=رد الخبر عني بسر وعلاني
أقسم برب البيت ماخاب راجيه=اليوم ما ينفعك قاصي وداني
[/poem]
وصح لسان أحمد المردان الشمري
الذي لامس الكثير من الواقع الذي نعايشه
جسدها بين أروقة هذه الأبيات
بكل قناعة وجمال في التصوير
لاحرمني الله تواصلك العذب
وعلى الخير بإذن الله نلتقي
دمت بود
كلمــات مــن ذهــب
أبسط وجهك للناس تكسب ودهم
وألن لهم الكلام يحبوك
وتواضع لهم يجلوك
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نعم .. ما أملك بهذي الحياة الفانية أي شي=خسرت اللي خسرت ولابقى واحد من أحلامي
ومع إني حي وأتنفس .. ولكني أبد .. مو حي=لأن إعدام ذاك الحلم فعلاً كان إعدامي
حزين منطوي وحدي عن أيام حكت عيني=تسولف عن زمن في يوم نده للعشق قدامي
ضحك لي , لأ , ضحك له , لا .. وضع يده مابين يدي=جمع عمره مع .. عمري نثر حزنه مع آلامي
كتبنا قصة تروى لأسراب النوارس زي=حكاية هالبحر والملح وعشق المي للظامي
ومثل ما يضحك الفجر البشوش لسوسنه بالفي=ضحك وجه الزمان يبارك الأشواق وهيامي
جلست أعلم الورد الندي عن حب هاك المي=وكيف الورد يستطعم شذى عطره بهندامي
ورحت أطبطب بيدي على متن الغرام "أخطي"=أثر نبضك مهو نبضك ,, أثر نبضك بأقلامي
وفجأة انسرق حلمي من إيديني شوي .. شوي=إلين أصبحت أنا وحدي أعض بضيق إبهامي
ودارت دنيتي فيني .. تزلزل خطوتي رجلي=ولا عاد أعرف بأي أرض نسيته موضع اقدامي
تسرب ضي من روحي وصرت أنزف غيابه ضي=إلين أصبح "سنا غيابه" بعد الشوق مترامي
وصرت أسمع صدى صوته يناديني بضيق "صبي"=علام من سرق حلمك ؟ وليه أموت بأوهامي ؟
وتبيني من عقب هذا أسميني بأني حي ..!=وربي ميت مبطي وهذا باقي حطامي
وربك ما أبي بهذي الحياة الفانية أي شي=خسرت اللي خسرت ولا بقى لي غير " أيامي "
[/poem]
وسلامة قلوب من يتابع رحلة القلب
وصح لسان الشاعر عبدالله المزعل
على الخير بإذن الله نلتقي
دمت بود
كلمــات مــن ذهــب
لا يكتم السر إلا من له شرفٌ والسرُ عند كِرام الناس مكتومُ
والسرُ عندي في بيتٍ له غلقٌ ضلت مفاتيحهُ والبابُ مردومُ
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا يا مغرب الحرف وبقايا شعري وقافي=ألا يا منتهي الحلم اليتيم المحبط المسكور
تعبت أغرق شفا وأدري تكسر فيك مجدامي=وأنازع رغبتي يمك وألاقي من وراك بحور
حملت من الغدر بعضه وشالت منه اكتافي=ورميت من الغدر بعضه أنادي والصدى مهجور
تبسم لي بعض ذيك الوجيه وهمها خافي=وتبكي لي وجيه كاذبة فيها الحزن مأجور
الا يا مشرق الجرح الجديد وهمي الصافي=ألا يا كل من كلي عطيت ولا بديت قصور
تحملت الكثير ولا بقى فيني صبر .. كافي=خلاص من الهوى بقطع وريد الخافق المجبور
أبكسر رغبتي يمك واحطم نشوة أطيافي=أبنفي كل درب لك يوديني وأنا مسرور
أبهجر ما بقى منك غرورك همك الضافي=وأحول للجفا طبعي صريح ولا أحب الزور
ترى لو كنت ما تدري وعن أسباب الخطا غافي=وضاعت نفسك بنفسك بلا راي سديد وشور
لقيت أوصاف في طبعك حشا ما تشبه أوصافي=لقيتك تضحك الـ هذا وهذا وعالوجيه تدور
لقيتك قلب مع نفسه أبد ماكان متصافي=تخون أطباعه أطباعه بكل عز وفخر وغرور
وإذا قلبك وهو قلبك أبد ماكان لك وافي=أجل لا تنتظر مني أصونك وأصدقك بشعور
[/poem]
وسلامة قلوب من يتابع رحلة القلب
وصح لسان الشاعر حمود جلوي
على الخير بإذن الله نلتقي
دمت بود
كلمــات مــن ذهــب
لا يكتم السر إلا من له شرفٌ والسرُ عند كِرام الناس مكتومُ
والسرُ عندي في بيتٍ له غلقٌ ضلت مفاتيحهُ والبابُ مردومُ
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وصرت أسمع صدى صوته يناديني بضيـق "صبي"=علام من سرق حلمك ؟ وليـه أموت بأوهامي ؟
وتبيني من عقب هذا أسميني بأني حـي..!=وربي ميـت مبطي وهذا باقي حطامي
وربك ما أبي بهذي الحياة الفانية أي شي=خسرت اللي خسرت ولا بقـى لي غيـر " أيامي "
[/poem]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا بك ... جرح في قلبي هلا بك والجرح أحباب=تذكرني بك جروحي متى ماغبت عن عيني
هلا بك .. والقمر وجهك يضايقني اليا من غاب=هلا بك .. والهوى عطرك اليا من مت يحييني
هلا بك .. والذرى رمشك لقيت به الدفا وحجاب=هلا بك .. طاري المزحة وشمع قادلي سنيني
هلا بك .. والأمل ضحكة تعري خافقٍ مرتاب=هلا بك .. عمر يحويني يجدد مابقى فيني
هلا بك .. لهفة عيوني أداريها بهمس أهداب=هلا بك .. نظرة عيونك.. تبوح الحب ترويني
هلا بك .. صوت في سمعي يزود لهفة المنصاب=هلا بك .. ببتدي خطوة معاك الجرح ينهيني
هلا بك .. فرحة الماضي أمل في مهجتي ما غاب=هلا بك .. والهلا منك يزيد أشواق تحويني
لك الله ما ملا عيني بهالدنيا عرب وأجناب=سواك ولا لي بغيرك حشى لو كنت مشقيني
[/poem]
وهلا بك
يا بقـ جروح ـــايا
بهذا الحضور الذي شرفني
هلا بك مليووون
لاحرمني الله تواصلك العذب
وعلى الخير بإذن الله نلتقي
دمت بود
كلمــات مــن ذهــب
أبسط وجهك للناس تكسب ودهم
وألن لهم الكلام يحبوك
وتواضع لهم يجلوك
المواضيع المتشابهه
@ كفـــــا يــا قلـــــب @
هلا وغلا 
العرض المتطور
