[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
لاوالله الا صار بالوضع تشويش = صار العسل في داخله سم حيه
والغش مصداره وجيهٍ مغاشيش = وقلوبهـــــم بالحقد ماهي خليه
الي ماوده بعض الاوادم تعيش = يبغا حوال الناس دايم رديه
حتيش لو يفـــتل بالشناب حتيش = و عـينــــه تناظر يم لقـمة خويه
والا الحصان حصان مايرجع كديش = دايم عــــزومه بالمزاحم قويه
نفسه عزيزه مارضا بالعراميش = ولاهــو محسب واجد ولا بليه
لايازمان الذل والمهــــزله ليش؟ = كثرو بك اهل الحقد والعنجهيه
والي على الطولات دايم معاطيش = اشوفهــــــم تال الليالي شـــويه
وين الرجال الي تهيجن مع الجيش = الي عــــزاويهم تصد الغزيه
ووين الرجال اهل الفعول المداغيش = الي تشــــوش لسلة النافعـــيه
ووين الرجال مبعّـــــدين المطاريش = ماهــمهــم في شمس والا بفيه
ماباقي الا شلةٍ تلعـــــــب الشـــيش = وتلعب على المزمار والسمسميه
وتركض ورا الموضات وتصفف الريش = واللبس طيحــــني وصفــق عليه
وقصة كدش وســـوارتين ودناديش = والصوت ناعم والمشاكل خفيه
وينافســـــون منقضات العكاريش = والي يســــونه يســــــوون زيه
[/poem]
المواضيع المتشابهه
أبيات تستحق أن يقدر قائله 
العرض المتطور
