❤ ! سلطات وأطباق خفيفة ....

[goree]

المنيو//





|| فتوش باذنجان
|| سلطة مكرونه بصوص خفيف
|| سلطة خضرا بالدجاج والتفاح
|| سلطة الخضار المقلية الميزة بالدجاج
|| الذ سلطة جرجير
|| بيتزا سناك
|| محشي البصل
|| مكرونه محشية بالريكوتا والسبانخ

[goree]

! ❤ ! فتوش باذنجان ! ❤ !
سلطة مميزة للي يحبون الباذنجان
اخذت طريقتها من شيف مطعم في بيروت شافني كل يوم اطلبها فرحمني وعطاني الطريقة

|| المقادير
4 حبات باذنجان وسط مقطع مكعبات ومقلي
حبة كبيرة فلفل اخضر رومي
3 اعواد بصل اخضر طويل
حبة طماطم وسط
ربع حزمة نعناع مفروم فرم خشن
بقدونس مفروم فرم خشن ((( اقل من كمية النعناع )))
خبز مفرود مقطع مربعات ومقي او محمص


|| الطريقة
تخلط جميع المقادير مع بعض ماعدا الخبز طبعاً نحرص على ان الباذنجان بارد ومنشف من الزيت
والورقيات ناشفه من المويه

|| الصوص
ملعقتين زيت زيتون
4 ملاعق دبس الرمان
عصير ليمونه ونص
شوية ملح
(( ذوقي وشوفي اذا تحتاح لاي شي تزيدين في المقدار شووي ))
ويزين بالخبز المقلي وبسس

[goree]

! ❤ ! سلطة المكرونه بالصوص الخفيف والذيذ ! ❤ !

|| المقادير + الطريقة
مكرونه مسلوقه اي شكل تفضلونه
فللافل روميه ملونه مقطعه بشكل طولي
علبة ذره
علبة صغيرة زيتون اخضر مقطع شرائح
نص حزمة بقدونس مقطعة لاوراق من غير فرم


|| الصوص
عصير ليمونتين + 4 ملاعق زيت زيتون
شرايح 3 فصوص ثوم
شرايح حبتين فلفل حار اخضر
ملح
ملعقتين خل
((( تخلط كل المقادير في علبة صغيرة وتتدخل الفلاجة
كل ماطول كل ماصار طعمه احلى واحلى ...))تخلط جميع مقادير السلطة بالصوص ويزين بشرايح طماطم وتتقدم باردة
واحلى شي فيها انها ماتذبل مع الوقت
ممكن تصلحونها بدري وترتاحون ...

[goree]

! ❤ ! سلطة خضرا بالدجاج والتفاح ! ❤ !

هالسلطة اتعب وانا اقول لذيذة ومفيدة وكل شي
جربوها وراح تدمنون عليها

|| المقادير + الطريقة:
خس مقطع مربعات كبيرة نوعا ما ...
خيار مقطع مكعبات
زهرة مقطعة لزهرات صغار ومقليه بالزيت عادي
علبة ذرة
ربع حزمة اوراق بقدونس من غير فرم
صدر دجاج يسلق ربع ساعة ويقطع لشرايح ويشوح في مقلاة على النار
مع ملعقة صغيرة زبدة ورشة ملح وفلفل
حبة تفاح اخضر مقطعه لشرايح خفيفة
خبز مفرود مقطع مكعبات ومقلي
** على ماتجهز باقي المقادير تقطع شرايح التفاح وتنقع في:
عصير ليمونتين وملعقتين خل ابيض وشوية ملح ((( عشان مايتغير لون التفاح وياخذ نكهة الصوص )))
** تخلط كل المقادير مع بعض ويضاف التفاح مع الصوص الي انقعت فيه
تغرف في صحن التقديم وتزين بصوص الرانش >> وخليك كريمة حبتين
وتزين بالخبز المقلي
وبس

[goree]

! ❤ ! سلطة الخضار المقلية المميزة بالدجاج ! ❤ !

من جد هالسلطة أتعب وانا اقول خطيرة ولذيذة مررة لاتفوتكم

|| آلمقاديرٍ :
خضار مشكلة مقطعة أعواد دقيقة ومقلية ((بطاطس + جزر + كوسا ممكن نزيد اي نوع خضار تفضلونه مثل الزهرة ))
باذنجانجانتين متوسطات في الحجم مقطعات مكعبات كبيرة حبتين
صدر دجاج مسلوق بموية وملح وبهارات صحيحة (( هيل + قرفة + مسمار ))
مانخليه ينسلق كثير يعني يادوب ربع ساعة او اقل شوي
بعد مانصفيـه من موية السلق نقطعه شرايح
ونحطه بالمقلاة مع شووية زبدة بعدين نضيف قطرات من خل البسلمك والثوم المفروم""
وآخر شئ ضيفي الدجاج مع الاوريقانو والبهارات الايطالية المشكلة
خس امريكي مدور + جرجير+بقدونس مفروم

|| الصوص
2 ملعقة جبن كرافت سايل + 2 ملعقة مايونيز + 2 ملعقة صوص الرانش + 1 ملعقة كبيرة كاتشب +1 ملعقة ماسترد

|| طريقـة التقديـم :

نخلط كل المقادير مع بعض
وآخر شئ رشة ميكس من الاجبان
((( انا استخدمت هنا الجبنة المبشورة مكسيكان تشيز الي تجي باكياس في ثلاجات السيفوي )))

[goree]

! ❤ ! سلطة الجرجير اللزيزة ! ❤ !

وهنا اقتبست كثير من سلطة مبدعتنا ومشرفتنا بسمة
اضافتها للبرتقال فكرة خطيرة وجديدة
انا بلمساتي غيرت شوي من طريقتها

|| المقادير + الطريقة
اوراق جرجير مغسولة وناشفة تماماً
جبنة ريكوتا مضاف لها اوريقانو وريحان وملح
بيبي توميتوو
شرايح ماشروم فريش
برتقاله مقشرة ومقسمة لفصوص >>> هي اسمها كذا
لوز وصنوبر محمصين بشوية زبدة

|| الصوص
خل بلسميك + زيت زيتون + عصير ليمونة
(((انا احطه على جنب والي يحب يضيف المقدار الي يناسبه.. )))

[goree]

! ❤ ! بيتزا سناك ! ❤ !

مرة خفيف ولذيذ
حلو مع الشاهي واطلق من سناك المطاعم الايطالية

|| المقادير + الطريقة
خبز تورتيلا الراشد يقطع مثلثات ويدهم بصوص الكاساديا ونضيف كم حبة زيتون شرايح
وشوية جبنة بارميزان وميكس الاجبان الي استخدمانه في السلطة المقلية
ورشة اوريقانو
ونحمره في الفرن
راح ييبس ويصير زي السناك المقرمش ومايتغير لو يتصلح من بدري

[goree]

! ❤ ! البصل المحشي ! ❤ !
هالاكلة مررة مميزة بديت انسى اصلح تصليح ورق العنب والكرنب
طعمها الذ واسهل وطعم البصل لا يمت اليها بصلة
يعني حتى الي ماياكلون بصل راح يحبونها

|| الطريقة + المقادير:
بصل ابيض كبير ينسلق في مويه لمدة ربع ساعة بسس
بعد مايبرد البصل نفتح البصلة بالسكين للنص يعني الى ان توصل لمركز الوسط
راح تتفتح البصلة الى شرايح بالطول
نحاول نحشي كل شريحة
**مقادير الحشوة :
بصل مفروم فرم ناعم + رز مصري + لحم مفروم
+ ربع حزمة كزبرة وبقدونس مفرومين
+ ملح فلفل اسود كمون وكزبرة ناشفة ورشة بهار مشكل
نصف البصلات في صينية فرن بعد مانصف حلقات بطاطس >>> يعني تقريبا زي ورق العنب
** مقادير الصوص النهائي :
في البلاندر كاستين موية + ملعقة كبيرة صلصة
+ ملعقة صغيرة ملح الليمون + مكعبين ماجي + بيالة زيت زيتون
ونصبها فوق البصلات المحشيات ونغلها بطبقة قصدير
وندخلها الفرن من ساعة الى ساعة الا ربع على حسب حرارة الفرن

وبسس

[goree]

! ❤ ! مكرونه محشية بالريكوتا والسبانخ ! ❤ !

هذا الطيق راااقي بشكل خرافي لا من طعم ولا من شكل
ينفع في بوفيهات وعزايم
صار اكثر طبق ينطلب مني

|| المقادير
علبة مكرونه قواقع كبيرة
حزمة سبانخ فريش
علبة ماشروم فريش
علبة جبن ريكوتا
علبة قشطة خفق كبيرة
اوريقانو + ريحان مجفف
بصل ابيض مفروم فرم نااااعم
علبة صوص البيتزا الاول في حياتي ماركة dolmio
فص ثوم مفروم نااعم
زيت زيتون
مكعب ماجي
علبة كبيرة جبن كرافت تشيدر
ثلث كاسة جبن قشقوان

|| الطريقة :
تسلق المكرونه عادي بملح وزيت
** طريقة اعداد الجبنة :
في مقلاة على النار 3 ملاعق زيت زيتون يشوح معها
بصلة بيضا مفرومة فرم ناااعم مرة ومكعب ماجي
ونحط ملعقة صغيرة ريحان وملعقتين صغار اوريقانو
نضيف نص علبة الماشروم بعد مانفرمه لمعبات صغيرة مررررة
واذا ذبل شوي نضيف السبانخ المفروم بالسكين ومغسول وناشف
وراح يذبل على طووول نقلبه ثواني ونضيف علبة جبنة الريكوتا
ونخلط المزيج بسرعة ونخليه ثواني على النار
ونذوق اذا تحتاج رشة ملح وبسس نرفعها من على النار
** صوص الطماطم
في مقلاة صغيرة نحط ملعقة زيت زيتون ونحط فص الثوم المفروم
واحط فوهم علبة صوص البيتزا وارشها ببهارات ايطالية وملعقة صغيرة خل بلسميك
وبسس
** في صينية بايركس او اي صينية تدخل الفرن
نصف باقي علبة الماشروم بعد ماتقع شرايح خفيفة
وترش بثلث كاسة جبن قشقوان وثلث كاسة جبنة تشيدر ونصب كاسة ونص قشطة خفق
او الى ربع ارتفاع الصينية تقريبا
تحشى الاصداف بالريكوتا والسبانخ وتصف في الصينية
وبالملعقة نضيف صوص الطماطم على هيئة خطوط فوق المكرونه
يعني نحاول نحط جزء منه على الصوص الابيض الي في الصينية
علشان يذوبون ببعض من الحرارة ويتكون لنا ميكس بينك صوص خرافي
وآخر شي بالملعقة نسوي خطوط بقشطة الخفق فوق صوص الطماطم
ونغطيها بقصدير وندخلها الفرن من ثلث لنصف ساعة
وبالعافية على قلوبكم

لحد هنا خلصنا
ان شا الله تعجبكم الاطباق وتطبقونها بالعافية

[لأجل اشتياقي]

يم يم

وحده ألذ من الثانيه


تسلمين

وبإذن الله لنا عوده مع التدقيق والتمحيص بالمقادير:d


كل الشكر