احب الخفجي ..

[KFJ3000]

مرحبا ..
بصراحه انا بنت الخفجي ومولوده فيها وماعرفت وطن غيرها بحياتي كلها هي انا والله لو بس اقرا اسمها بأي محل كأني قاريه اسمي الرباعي انبسط احس انها تعنيني حيل ..
المهم .. بعد هالمقدمه انا عندي سؤال ..

متى نبدا ؟؟؟؟؟

اقصد متى نقب على وجه الدنيا و نصير مدينه كبيره فيها كل شي؟ انا بصراحه مدري اوجه هالسؤال لمين بالضبط كان دايم هالسؤال يحوس بقلبي وقلت عاد لازم اسأله واللي يصير يصير ..
(( لاتصدقون ترا اللي يصير يصير غير انكم تطردوني من المنتدى )) هههههههههههه

انا اشوف انو كل المدن والقرى اللى حوالينا تطورت وتغيرت بس احنا هذا احنا ماغير بيوت جديده تنبنى ومن عرفت الخفجي ما انبنى فيها شي جديد غير حي الخليج !!
لاكبرنا ولا تطورنا ولا تقدمنا هذا احنا من يوم عرفتنا !! نبني محل مانهدم ونهدم محل مانبني !!
حتى الشوارع هي نفسها غيروا اسمها ولازلنا سكان الخفجي الاصليين نطلق عليها اساميها القديمه !! يمكن لاننا نشوف انو مافيه شي تغير ؟؟
نفس الشارع يحفرونه ويرجعون يردمونه وعلى هالحال سنين وبنين !! طيب وبعدين ؟
نبي شي جديد نبي مرافق جديده نبي شي ينحط لخدمتنا وبليز لحد يحاول يستفيد منه نص شباب الخفجي عاطلين والبنات بعد وكل الاشياء اللي تفتح يبيلها فلوس !! مافيه شي بلاش؟
حتى حديقة الدفاع القدييييييييمه اللي كنا نروحلها وحنا صغار نتمرجح فيها صارت بفلوس طيب وبعدين ..
ممكن نتطور؟ طيب خلاص مافيه مشكله يصير كل شي بفلوس بس على الاقل يصير على مستوا !! يعني الواحد يدفع فلوس بشي يسوا !!
نبي نستاااانس ترا من حقنا احنا بشر مو شرط كل مانبي نغير جو رحنا برا ترا والله حرام ..
والمصيبه احنا اهل الخفجي حاقرينها !! طيب ليش نحقرها ؟
البنات مايلبسون من الخفجي لانو مايتنزلون والاطفال مايروحون ملاهي الخفجي لانو ماهي حلوه مثل حقت الكويت والرجال حتى الحلاقه لابغوا يحلقون راحو يحلقون بالكويت !!وكل مانقول لاحد الخفجي والخفجي قال ماباقي الا !!!! طيب ليش؟
حتى يوم فتح فيها سيتي ماكس اول جمله سمعتها (( احلى يالخفجي والله تطورتي وصار فيك سيتي ماكس الحين كل اهل الخفجي يطقمون !! )) طبعا بنبره سخريه .. طيب وش المانع؟ وليه مايطقمون ؟ هم شاحذين الملابس ولا شارينها بفلوس؟ وليه (( احلى يالخفجي!! )) ليه الحقرااان !! ترا انقهر من هالكلام
ليش اهل الخبر مايحقرونها ؟ ليش كلهم يشترون من نفس المحلات ويلبسون مثل بعض؟ ليش اهل الرياض مايحقرونها ؟؟
ليش اهل الكويت مايحقرونها؟؟
واكثر عباره اسمعها ومن بنات الخفجي لبعضهم وتقهرني (( صرتي مثل بنات الخفجي !! )) وكأنهم لما يقولونها يعني حاقرين الخفجي وبناتها وش فيهم بنات الخفجي؟؟؟ ايه انا من بنات الخفجي ومستواي الخفجي متعلمه ومثقفه ومتربيه وابيض الوجه واعرف اللي لي واللي علي وموناقصني شي .. ايه انا بنت الخفجي واحبها واموت عليها ماعرفت ديره غيرها وماعشت غير فيها ولفيت الدنيا ورحت وجيت بس ما ارتاح غير هنا !! ليش الاجانب يعرفون قدر الخفجي واحنا مانعرفه ؟؟
ليش نستغلها ونحاول نستفيد منها وبس من غير مانسوي فيها شي ؟؟
كل الحراميه اللي خربوها ماهم من اهلها يجون يسرقونها ويروحون بس احنا اهلها
بليز لا نخربها لا نهدمها لا نوسخها ولانحقرهاااااااااااااا خل نحافظ عليها ونصير راقيين ونحبها تراها تجنن ياحبيلها ..

يمكن اللي يقرا هالكلام يحس انو ماله مناسبه او حتى ماله داعي بس والله حره بقلبي وحبيت اطلعها وسامحوني ان كنت ضايقتكم ,,

[غلاوي2011]

الحمد لله فيه احد مثلي إذا قالوا اسم الخفجي ولا قريته بمكان اموت من الوناسه كنهم مادحيني ولا يقولون رابحه مليون
والخفجي غاليه علينا ونحبها بكل حالاتها والله ان شارع من شوارع الخفجي يسوى عندي كل المدن
لا ابشرك هالحين اهل الكويت يتسوقون من الخفجي منتشرين بالاسواق كن ما عندهم اسواق ومجمعات بس كلا بعقله راضي
اما سالفه التطقيم بقولك موقفين يضحكون بصراحه
"مره معلمتين كانوا مطقمين من غير اتفاق طبعاً ما طقموا من الخفجي ههههههه
المهم وش سوت وحده منهم هههههههههههه هههههههههه ماراحت لحصصها وبلغت الاداره انها تعبانه وعندها هبوط وحاسه بدوخه وما تقدر تروح حصصها من التعب وهي بغرفه المعلمات ميته من القهر ليش فلانه مطقمه معاي الحين الطالبات بعرفون من وين جبتها وبكم وقاعده تدور احد يجي ياخذها علشان تستئذن"

ومره ههههههه بزواج كلهم من قرايبهم مطقمين لما حضرت وحده من قرايبهم وشافت البنت استجنت ودقت على زوجها ورجعت للبيت وغيرت وجت ولا بعد زعلانه ومنتفخه لانه شاريه فستانها بالشي الفلاني وهذي شاريه مثله"
قمه المسخره والفضاوه وإذا مطقمه معاك خير يا طير عسى ماشر ما صنعوا الا قطعه وحده مخصصه لك ولا محد يشتري بهذا السعر الا انتي يعني محد عنده فلوس الا انتي سلامات
والي تقول صرتي من بنات الخفجي خير انتي منين ان شاء الله وإذا مو من الخفجي وش جايبك لها
(اكيد من جمالها وهدؤها وقلوب اهلها الي على بعض)
تسلمين لنا يالخفجي يا بعد الدنيا كلها101::

[لحن الحزن]

هلا فيك اختي الكريمة وشاكر لك هذا الموضوع الطيب

وكلنا امل بأن يتحقق كل ما نتمناه لهذا الوطن كاكل ولهذا الجزء كمدينة الخفجي نريد الرقي والتقدم والتطلع الى المستقبل بروح جديده ...


ولكن بأختصار نستطيع تلخيص مشكلتنا بشيئين هما اساس مشكلتنا

اولهم الطبال وثانيهما الجاهل ...

ومشكلتنا بهؤلاء الاثنين ان وجدت جاهل وجدت له طبالين ومستعدين للردح والرقص الى ساعات متأخره لدرجة الاعياء والارهاق لاجسادهم وحناجرهم واصابعهم ...

واما طبال يتبعه الجهلاء فيكونون له صوناً وصوتاً وحماين لعرينه

هذه هي مشكلتنا اختي الكريمة بكل اختصار

ولك كل التحايا والتقدير

[I have a dream!]

فديييييييييييييت الخفجي بس..
باي شكل كاااانت..

[الياسمين]

لا وزيدك الخيمه لاتنسينها <<<<فديتها احبها توسع الصدر
الكل مستقلها ويوووه تروحون للخيمه تلوع الكبد ومافيها شيء حلو ومستحيل اخذ منها شيء
وكل ما اروح لها القاها زحمه اجل من وين هالزحمه والكل يقول ووووع وووع
اكره هالنوعيه من البشر ترا الدنيا بساطه ببساطه ماله داعي التعنطز وشوفة النفس اللي لو انها صدق تنبلع بس كذب يعني انا ما روح وهي كل يوم فيها عيب والله المشكله يحسبونا مهبل نفهم ترا
وبالعكس الواحد يكون مكروه بهالحاله وماتاخذيني راحتك معاه .

لصاحبة الموضوع
الخفجي

[شمس الرائدية]

تصدقون
آلحين بالذات وبـ ظل الآوضاع اللي عايشنها
ما نبي آلا الآمن والآمان وأن الواحد ينام ويقعد وهو مرتاح ..
عمركم قلتوا اللهم أنعم علينا بنعمة
الآمن والآمان

[لحن الحزن]

اقتباس المشاركة الأصلية كتبت بواسطة شمس الوله تصدقون آلحين بالذات وبـ ظل الآوضاع اللي عايشنها ما نبي آلا الآمن والآمان وأن الواحد ينام ويقعد وهو مرتاح .. عمركم قلتوا اللهم أنعم علينا بنعمة الآمن والآمان

هلا فيك اختي الكريمة

صادقه في كلامك ونحن جميعا نقول الحمدلله على هذه النعمة وادامها الله علينا

ولكن ايضا لا مانع من التطور والرقي بوضع نعمة الامان وهذا واجبنا تجاه الوطن

ولك كل التحايا والتقدير

[شمس الرائدية]

أحس التطور ماوراه ألا
تغير النفوس والطباع والبعد عن عاداتنا وتعاليم ديننا ..
ما نبي تطور بالخفجي أتركوا الخفجي بلحالها خلوها صبخه والله حلوه ..

[لحن الحزن]

اقتباس المشاركة الأصلية كتبت بواسطة شمس الوله أحس التطور ماوراه ألا تغير النفوس والطباع والبعد عن عاداتنا وتعاليم ديننا .. ما نبي تطور بالخفجي أتركوا الخفجي بلحالها خلوها صبخه والله حلوه ..

[align=center]هلا فيك اختي الكريمة

لا يوجد احد لا يحب التطور الراقي والهادف

ولكن هل تعلمين ان الخفجي في خطر كبير اولاً كثرت الفئران بسبب التراكمات لبقايا الابنيه او الطرقات وهناك خطر النفايات اعزك واعز القارئين وروائحها الكريهة الخطيرة

حرق النفايات وخاصة في موقعها الجديد خطير جداً جداً جداً بصوره لا تتصور

يعني هناك نفايات سامه يمنع حرقها ومع هذا يتم حرقها ونحن من يدفع الثمن ...


التصحر هناك الكثير من عوامل التصحر بدأت في الظهور لدرجة ان السنوات القادمه سوف تخلف كميات هائله من التصحر والرمال المتطايره ...

التطور اختي الكريمة ليس في جهاز موبايلي او لاب توب لا هناك تطورات ايجابيه يجب ان نخطوها

ولك كل التحايا والتقدير [/align]

[حزن الأمواج]

لا مانـوآفق على انها تقعد زي ماهي..

على كذا كل واحد يركب له عربه ولا يسوق سيـاره

نواكب العصر والتطور


مانبي نبذخ ولا نبي نفسـق


المدينه فيها كل شي...نفط وشركات ومنطقـه مقسـومه وعلى الحد...وعلى البـحر

وفيها كورنـيش ولا اروع..

حرام ماتستغل ويكون فيها جميع المرافق


الواحد لاجاء يتسووق يبتلش..

لامحلات ولا ماركات ولا شي


مالك الا الكويت والدمام ..





الله يزيـّـنهـا



لبيـه يالخفـجي دآر العـزّ مخبـوره..الـرووح من دونـها والله نفنيـها ..