مـن المسـئــول ؟؟؟

[عيسى بن راكب]

[align=center]
من المسئول لا ماتت مشاعرنا من المسئول
سؤال يحير العالم ونسكت عن أجاباته

نشوف القدس يستـنجد وأكد مصدرن مسئول
بأن الخوف بالعالم ملبسنا عباياته

نسينا المسجد الأقصى نسينا يا ترى معقول
وهو قبلة رسول الله وهو بأول صلاواته

طفل يصرخ نساء تسلب ينادون لجسد مشلول
نشوف اللي نشوف وكل شخص يكف نظراته

نعيش بواقع الذكرى وحلم أيامنا مجهــــــول
نسينا ما يطبق في كتاب الله وآياته

وحنا اللي نهز الارض بالتاريخ عرض وطول
عسى الله يرحم التاريخ ومن يقرأ بصفحاته

نقول إنا نشيل حمول لكن ما نشــيل حمول
ليا طاح الجمل ما فيه احد يرحم بطعناته

إلا يالله ثبتـنا بدين محمد المرسول
ويبرأ جرح أمتـنا ولو طالت معاناته

أبا أعيد السؤال اللي جوابه حير المذهول
ومن يصبر على جرح الزمن بيطول سكاته

من المسئول لا ماتت مشاعرنا من المسئول
سؤال يحير العالم ونسكت عن أجاباته

[/align]