[poem=font="simplified arabic,6,black,bold,normal" bkcolor="transparent" bkimage="" border="solid,4,black" type=2 line=0 align=center use=ex num="0,black"]
لْيا .. ناموا السالين واضفى جهام الليل=لفى ضيفي اللي مايسيّر على غيري
هداياه باقة حزن .. والحزن آه وُيل=مآسي وعنْها عاجز الوصف تعبيري
لْيا اصبحت واحداثي شهد فعلها المنديل=اخفي عن عيون المخاليق تأثيري
اجامل واميّز واخذ العدل قبل الميل=رجح كف ربحي ماحسبت المخاسيري
ادور رضا .. وادمح خطا .. بالصدر ماشيل=على الصبر واخشى بالمواجيب تقصيري
انا في دهر لولاح برقي وفاض السيل=بلا قلبي مْهيمن على كل تفكيري
تموت الأماني وتحيا .. والنتايج حيل=سراب الأمل رحلة هدامي وتعميري
مُعاناتي الفرقا .. ولا قلتها تمثيل=حلالاه واصّفْق كف في كف ياطيري
ماهو طير كومة ريش ينقل طلوع سهيل=على الدس وتحوفه يدين الصقاقيري
ولا اخفيت هداته على مدة الدربيل=ولا ضاع واخلفّتهْ هبوب المعاصيري
صدوده كسر .. والكسر معروف هدة حيل=الا وَكبر كسري وياعسر تجبيري
ليا .. حل فيني عشت ذكراه في تعزيل=عن العالم المألوف .. واعلنت تهجيري
ولو عاشوا .. النسيان غيري على ماقيل=على نعمته غيري وياصعب تغييري [/poem]
المواضيع المتشابهه
العرض المتطور
