السلاااام عليكم
هذى اول مشاركه لى بالمنتدى وحبيت تكوون هالقصيده ....محزنه
انجرح هالصوت يبه .. وتعبت أنادي
ليتك تعود
يبه حبيبي .... يبه قلبي ..
منت سامعني ؟؟
بعالي الصوت
مشتااااااااااااقه يبه
محتااااااااااااجه يبه
مشتاقة ,, روحي تضمك
محتاجة,, أتعلق بثوبك وأشمك
ليتني أقدر وأفتح هالقبر
وأجمع عظامك بأيدي وألمك
والله مشتاقة يبه
اليوم على غيابك يا غالي مضى
عشرين عام
لاتحسب إنا نسيناك
ولا بتتوه ذكراك
وسط الزحام
لا ورب عينه ما تنام
بفرحتي ,, وبضيقتي .. دايم معاي
بصوابي ,, وبزلتي .. صوتك معاي
بصحتي ,, وبوجعتي .. قلبك معاي
بقومتي ,, وبطيحتي .. أيدك معاي
بيقيني ,, وحيرتي .. إحساسك معاي
ولا تظن أنى بنسا ك
ولا مع السنين بتتوه ذكراك
مثل الحلم أتخيلك قبل السنين
بنفس الثياب
بنفس الملامح ,, ولحيتك ,, وريحتك
وسبحتك
وصوتك اللي يملاه الحب والحنين
مستحيل أنساك يبه
لو مر مليون عام
لا ورب عينه ما تنام !!
من غبت يبه ,, ما فرحتني لعبه
ولا ثوب جديد
من غبت يبه ,, ما عاد به أيام عيد
وفرحتي صارت مثل غيمه
أنتظرها بين الفصول
مره تجي ,, ومره غيابها عني يطول
يوم قالوا راح .... مـــات
تمنيت الموت ولا اسمع هالكلمه
مات ,, راح
وش تقصدون ؟؟
يعني خلاص
ما بشوفه ؟؟
طيب ومن إذا شفته أجري عليه وألمه ؟؟
ومن اللي قبل ما أنام أبوسه براسه و أضمه ؟؟
جاوبوني يابشر
من بعده بيسمع هالقلب ويشيل همه ؟؟
ومن اللي بيأكلني إن جعت ؟؟
وان عطشت يسقيني من دمه ؟؟
قالوا حرام لا تصيحين
وادعي له وأنتي تصلين
قلت بدعي له بصلاتي .. فـ ركوعي .. وفـ سجودي
وفـ قيامي ,, وفـ قعودي
اجعل الجنه هي داره يا كريم
وارحمه واغفر له يا عظيم
هذا حبيبي ,, وسبب وجودي
ولا تظن في يوم بنساك وسط الزحام
لا ورب عينه ما تنام !!
أنت معي وبداخلي ... بذكرك
طول مافي هالقلب نبض يقل ويزيد
طول مافي هالعروق دم يجري من الوريد للوريد
وألف رحمه عليه! !
اووووووووه
نسيت
منقووووووووووووول
:( :( :( :(
المواضيع المتشابهه
العرض المتطور
