ودّعت حاااااااااااااااااائل ...

[أبو فهاد]

قصيدة .. للشاعر : حائل ديرتي ...




ماأطوّل عليكم ...



ودعت حائل وكل أرض شــمــاليــــــــه *** مستقبلي حدني عنها ومشانـــي
ودعت حائل شمالية وقـبــــلــيــــــــه *** ودعت شمر بعد حيي وحيانــــــــي
أرض الجبل والله إنه ماخــلـق زيـــــه *** والله مامثلها ياناس شي ثانـــــــي
ماهزني غير دمع يطري الجيــــــــــه *** أمي وأبوي ودموع أهلي وخلانـــي
إشتقت لأمي أشوفه كل عصريــــــه *** بالباب تاقف تحرى رجعت أخوانــي
إشتقت لإدلال أبوي الله ياهيــــــــــه *** أبو بدر مزبن المضيوم والعانـــــــي
إشتقت لإخواني الخمس الشقرديه *** إشتقت لعيال حارتنا وجيرانـــــــي
إشتقت لجبال حائل كل فـجـريـــــــه *** من قبل لايصدح المذن بالأذانـــــي
والله يارض حائل كل شتــويــــــــــــه *** تسوى ربيع الجزائر وأرض لبنـــــانِي
الله ياهمي كنه جمرة حيـــــــــــــــه *** أخفي دموعي وحر الشوق بكاني
يادار حاتم ترى لو طالت الجيـــــــــه *** والله لأرجع وانا مشتاق ولهـــــــــانِي
ودعت حائل وكل أرض شماليــــــــه *** لكن ابرجعلها لو عمري أمدانـــــــي

وشكرررررررررررررررررررررررررررررررررررررراً للجميييييييييييييييييييييييييييع

[ابوطلالs]

أبو فهاد

صح لسانك على هذه القصيدة

ودائمآ كعادتك يابو فهاد

مبدع 000ومتميز 000ومتألق

وياربي تسيل حايل وكل مناطق المملكة , ويسلّم لك والدينك وأخوانك

وترجع لهم بالسلامة0

دمت برعاية الله0

[عبدالعزيز الجلعود]

ابو فهاد

دا ئما ما تبدع بألأصدياد

ما ذكرت لنا اسم الشاعر

ليكون اسمه حايل ديرتي أو هذا لقب فقط

كل الشكر لك

وصح قلبه

[أبو فهاد]

هلا بكم هلا .. وشكرا يا أبو طلال على كلامك الحلو ..




ويا أبوريان .. لقيت القصيدة والشاعر ماذكر إسمه .. ولقبه هو : حائل ديرتي ..

[السـبيـعـي]

ونعم والله ياشمر

وصح لسان شاعرها ولاهان ناقلها

ويعطيك العافيه

[أبو فهاد]

اقتباس المشاركة الأصلية كتبت بواسطة المعنـّـــا ونعم والله ياشمر وصح لسان شاعرها ولاهان ناقلها ويعطيك العافيه

ماعليك زود ... والله يعافيك وشكرا لمرورك ..

[بقــ جروح ــايا]

... أبو فهاد ...



تسلم يمينك ... يا ابو فهاد...

وصح لسان شاعرها ...

وبيض الله وجهه...

و الله يعينه على الغربه...





ودمتم سالمين

[أبو فهاد]

اقتباس المشاركة الأصلية كتبت بواسطة بقــ جروح ــايا ... أبو فهاد ... تسلم يمينك ... يا ابو فهاد... وصح لسان شاعرها ... وبيض الله وجهه... و الله يعينه على الغربه... ودمتم سالمين

الله يسلمك والف شكر لمرورك ..

[شمالي]

والله يارض حائل كل شتــويــــــــــــه *** تسوى ربيع الجزائر وأرض لبنـــــانِي
الله ياهمي كنه جمرة حيـــــــــــــــه *** أخفي دموعي وحر الشوق بكاني

اه اه اه يا حائـــــــــــــــــــــــــــــــــــــــــــــــ ــل

ابو فهاد
سلمت اناملك على النقل الرائع
ننتظر جديدك ياعزوتي
دمت بود

[الدر المكنون]

قصيدة اجمل من رائعه ولاتحتاج تعليق