نشوة المجنون

[مخاوي الشوق]

هلا لا قلتها .. ثأر القصيد بنشـوة المجنـون
جنونه عشق ينزف والتباعد غيّـر أوضاعـه
هلا لا قلتهـا بْشفـاك تنسـج للغـرام فنـون
ترتلها مثـل صبـحٍ رقـص للجـو نعناعـه
أنا وشلون أطالب ثغرك الباسم وأنـا مديـون
وفا لظروفك اللي عاكست بي عقرب الساعـه
أنا لو خان صبري لك خفوقي بالوفا مرهـون
أسيّر مركبي بأمواج حبـك وأفـرد أشراعـه
تخيل جيتك أنـزف كبريـاء بعـزة المطعـون
تخيل من يسايرك الحديـث ويخفـي أوجاعـه
يجيك بلون قلبك مندفع والوقت شاحـب لـون
بنفس اللؤن لو مات الربيـع بنـص مرباعـه
على الموعد عيون اللي يحبك تستغيث الكـون
يخاف الوقت يستهون بطاه بشرهـة أسراعـه
حقايق باهره .. وأنتي ذبيحك يالعيون عيـون
عجزت آصْف وعذري لك علّي السمع والطاعه
يازينك لا رقص خامل هدبك الطاغي المجنـون
بسجعات العيون اللي لنبـض القلـب نزاعـه
تعالي أسكب بسمعي صوتك الدافي ولّه وأشجون
تعالي أبيك كلك .. يارجا المشتـاق وأطماعـه
هويتك كثر ماهز الفـراق العاشـق المفتـون
كثر مافاضت عيونـه عبايـر وجْـد ملتاعـه
حقيقه عأيشه بأعمق حنايا شاعـرٍ مسجـون
رغم أنه طليق أتخيّـل أن القيـد بأطباعـه !

.
.
.

[دانة الكون]

روووووووووووووووعه
صح لسان الشاعر
الف شكر ع النقل المميز

[مخاوي الشوق]

الرووووووووووووووعة هو انتي ومرورك والكلامك الحلو تسلمين يالغالية

[ثلجة وردية]

هلا لا قلتها .. ثأر القصيد بنشـوة المجنـون
جنونه عشق ينزف والتباعد غيّـر أوضاعـه
هلا لا قلتهـا بْشفـاك تنسـج للغـرام فنـون
ترتلها مثـل صبـحٍ رقـص للجـو نعناعـه

روووووووووووعه
الله يعطيك العافية يآرب
بـ انتظـآر آلمزيد من هـذآ العطــآء
.. وردي وودي..
..

[مخاوي الشوق]

هلا بك بمرورك وكلامك الجميل تسلمين يالغالية

[اام يزيد]

يعطيك العافيه وسلمت يداك