[align=center]بسم الله الرحمن الرحيم ..
..
..
..
أول اطلاله .. لي عبر منتدى الرائيديه ..
..
..
وددت ان يكون .. بداية .. تواجدي بينكم ..
هذا النص .. الذي اتمنى .. ان يحوز على استحسانكم ..
[poem=font="simplified arabic,4,black,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="0,black"]
درب المحبه .. شوك .. لا تزرع الشوك=يعني .. افتهم لا تزيد .. زلتك .. زلـه
ياورد ماأخبرك كـذا .. كيـف قسـوك=بمقابلـي ... سيـف العـواذل .. تسلـه
ما أرجوك انا .. لان العـواذل ترجـوك=وحطوك في وجهي .. عـدو(ن) وعلـه
فارس .. ولكني ضعيـف(ن) ومهلـوك=قدامـك انـت .. وغيـرك انـا أذلــه
أنا معـاك .. موقـع عهـود وصكـوك=ما أخونهـا لـو خـان .. قلبـي محلـه
ماني ردي .. ولا ني انسـان صعلـوك=ولاني خوي رخـوم .. يـا طيـر قلـه
أنا ملك .. لاني ولد .. عـم .. لملـوك=فينا الوفا .. طبع(ن) .. وسلم .. وجبلـه
أنا كـذا مـا أقبـل العلـم .. مشكـوك=واضح ودربـي لا بغيتـه .. مـا اظلـه
هـذا انـا .. يـا عاشقـه لا يـغـروك=أكتم حـزن والدمـع عينـي .... تهلـه
وحيد .. في دنيا عصابـات .. وشيـوك=فقيـر مـال ... ووارث العـز كـلـه
هذا عزاي .. ووضعك الحيـن مربـوك=جتك الحقيقه .. رغـم عـذر(ن) تفلـه
طارت .. اماني حبك شلـون ابدعـوك=ترجـع لماكـر قلبـي ... اللـي تدلـه
ماني من اللي .. من المخاليـق باعـوك=انـا الـذي نـام الوفـا .. تحـت ظلـه
تصدق بأن .. ضلـوع قلبـي يعـادوك=لا زاد هجرانـك ... وبـعـدك تبـلـه
وفي جيتك .. لا جيت جولك يراضـوك=وأهدوك قلبـي .. وانـت قاسـي تغلـه
هذي ضلوعي .. شفت وشلـون حبـوك=رغـم الاذى منـك .. وحقـد(ن) تشلـه
كنت اتمنـى ... بداخلـي يـوم نـادوك=في جيتك لـو جيـت .. وتطـل طلـه
تلبي نداء .. منهم علـى الـروح بـدوك=يا قاطع(ن) حبل الوصل .. مـن محلـه
جاوب ... سؤال اللي انغروا وعـزوك=هذي .. سوات الخل لا غـاب خلـه ؟؟ [/poem]
عبدالعزيز الوادي ..[/align]
المواضيع المتشابهه
العرض المتطور
