هـلابـك يـاحـزن قلـبـي هـلابـك يافـجـر مـابـان
تفضـل غطـرفـت لجـلـك مـأسـي مـنـك جانيـهـا
هلابـك مـن بعـد غيبـه تفضـل خـاطـرك لـهـان
كتبـت أبيـات أهلـي بـك وابيـك الحيـن توحيهـا
هـلابـك كـثـر ماتـزعـل وتهجـرنـي بـلابـرهـان
هـلابـك كـثـر ماعيـنـي لـذيــذ الـنــوم جافـيـهـا
هلابك كثر ماجيتك ضماء وأرجعتنـي ضميـان
هلابـك كـثـر مانفـسـي عـفـت لعـيـون غاليـهـا
هلابـك كثـر ماخانـت دموعـك يارفيـع الـشـان
هـلابـك كـثــر مـاتـوعـد وعـــودٍ مـــا توفـيـهـا
هلابك كثر ما سامي كتب له بالحروف أحزان
هـلابـك كـثـر ماقـطـع دفـاتـر عـشـق مخفيـهـا
أمانه وينهـا أيامـك مـا مـرك مركـب النسيـان
مامـرك قـال لـك خلـه حيـاتـه وش تـبـي فيـهـا
تصـدق قـال لـي نفـس الكـلام وقلـت لـه لــلان
لأنـي ماقـدرت انسـى جروحـي كـنـت أعانيـهـا
وجيت اليوم وش جابك تبي تسترجع اللي كان
دقيـقـه راجــع الـذكـرى مــن أولـهــا لتالـيـهـا
تغيـب شهـور ثـم ترجـع تجينـي مغـرمٍ ولـهـان
تقـول ابيـك لـي وحـدي وباقـي النـاس مابيـهـا
وتروح وينقطع وصلك ولالك بالهـوى عنـوان
مغيـر أراقـب حضـورك سواتـك مـن يسويـهـا
مواثيق الغلا صارت كمن يرسم على الكثبـان
وإذا جاهـا بعـد ساعـه يلاقـي الـريـح ماحيـهـا
دخيلـك فضهـا سيـره مابـاقـي لـلآلـم مسـكـان
لأنـي ملـت لجروحـي صملـت وقـمـت أدوايـهـا
تعـال أعلمـك جملـه نطقهـا قـلـب قـبـل لـسـان
وأبي من حضرتك تفهم وش اللي في معانيهـا
رذاذ الوصـل ماينفـع ليـا صــار الآلــم بـركـان
لهيب جروح فـي صـدري رذاذك كيـف يطفيهـا
لـ المبدع / سآمي بدر 
ممآ رآق لي
المواضيع المتشابهه
رذاذ الوصل ماينفع ليا صار الالم بركان
العرض المتطور
