[align=center]حي الله الرجال اللي تشفق على علوم الرجال
يا هلا ويا مرحبا بالجميع 0
عندي لكم سالفة على الكيف بس قبل السوالف خوذوا لكم فنجال يطير
العماس :
(( هات القهوة يابو الزير أررررررروج علينا ترى الربع دايخين على
فنجالك !))
ابو الزير : حاضرررررررررر يا عمي الشيخ مدلول هههههههههههاي
صلوا على النبي يا الوجيه الفليحة (( اللهم صل وسلم عليه ))
يقولون كفانا شر ما يقولون كان فيه ربع متجمعين مثل جمعتكم هذي
عندي يسولفون ويتعللون << وطبعا ما جابوا خبر صدام ولا خبر عرفات
ولا الفضائيات هاللي أشغلن الناس وصاروا ربوعنا كلهم محللين سياسيين
من الطراز الأول ههههههههههههههههههههههههه؟!>>
ودار الحديث وتطرقوا الربع لأحلى شيئ بهالدنيا وكل أدلى بدلوه ووصلوا
عند السوالف عن (( لحظة يا الربع أبي أطرد هالجذعان لأن العلوم ما هي
خلية من عاد آه ! ولون الرجال مار عاد إيه ! كان الرجال مار عاد آه!! --
حسبكم الله تصدقون دخت أنا -- لكن الثمرة فهمتوا شي !! ولا أنا بعد --
يالله يابو الزير رح تمش إنت وخوياك ياولدي ، هها أرررروج ، أشوف
إرتخن إذانك ودك تسمّع !؟ لا ما يحصل إمش يالله ))
هههههههههههههههههههههههههههههههاي
زين يوم راحوا هالجذعان أقدر أكمل لكم السالفة :
عن الحريم !!!
قال حديهم يالربع :
لذاذة الدنيا معاميل وفراش
وصينية يمشي بها مثل مسعود
ورد عليه الآخر (وأظنه احساس العالم) وقال: لذة الدنيا المرة المزيونة ليا
صار مع زينه صلاح !! قال برق الشمال إهب اهب يا احساس العالم! ما لك لوى
يالغالي :(ما يجتمع زين وصلاح) ؟!!
قال مدلول ومن قال ما يجتمع زين وصلاح يا برق الشمال !
هذا الكلام ما هو صحيح البته يا بني ؟!
( حلوه البته يابني ههههههههههههههههههههههههاي )
ها لحين أجيبلك سالفة أو سالفتين كان ما غلبن النعاس يثبتن كلامي0
قال برق الشمال يا من شراله من حلاله عله بصوت منخفض ! أنا ليه ما أطرده
من هالمنتدى وارتاح من مدلول !! طبعا أنا سمعت بس سكرت
القزاز اللي بيني وبينه وواصلت الكلام
فقال برق الشمال والربع تسلم يا مدلول هات ما عندك :
فقلت كان فيه رجال (( مذهب )) هههههههههههه لا ماعنده ذهب !! أنا
أقول إنكم حضر ويبيلكم كورس بداوة بهالنفود !!
مذهب عند البدو يعني مضيع له ناقة أو ما شابه 00 المهم إن هالرجال
كييف قهوة ، يعني على حد دغيم الظلماوي بشرب القهوة !
ومرن عليه ثلاث ليالي ما شرب قهوة ( ولا حتى سفن أب ) ههههههههه
وفجأة يوم شاف هاك العرب من بعيد ! وعنهم ما يحيد 00
ويوم وصلهم صوّت يا هل البيت ! ياولد ! والاّ يوم طلعت هاك البنت الطرقا !
الطخما ! اللي تقول للقمر وخر أبا اجلس بمكانك !
ارتبش خوينا هذا وقال : وين راع البيت يا با سكال ؟ قالت: اقلط يالاقي خير هالحين يجي جورج قر طاحي ، راح يصور حلقة وغرابيلي قصدي يرد الغنم ويجي اقلط يارجل أنا بمحله يا بعد حيي ؟
قال : تراني كييف قهوة وصار لي ثلاث ليال ما ذقته !!
قالت : إي مو على عيني ابن عمي ، هلا بجيب لك الحطبات تقبرني يا بعد
حيي ههههههههههههههههههههههههههههههههههاي0
المهم يكفي ضحك ونبي نكمل السالفة يالربع !
جابت له هالمزيونة الما ء والحطب والهيل والقهوة وكل ما يلزم ! وكانت في كل مرة ترحب وتهلي كما هي عادة البدويات الأصيلات (( يعني تخسا با سكال عنه ولا تخسون يا هل الوجيه الفليحة )) ، ويوم سوى القهوة الرجال جابت له التمر والزبد والبقل النجيش اللي على كيفكم وهي تهلي وترحب بالضيف00
وكأنها تقول ما قالت زوجة زيد الخشيم يوم جاه ضيوف ورجله ما هو عنده عقب ما ذبحت لهم السانية وطبخته لهم وقلطته لهم قالت عبارتها
المشهورة (( الله يحييكم على كيس اللي إلى غاب وصى وإذا حضر تقصّى))
نرجع لقصتنا ما تقولون يوم الرجال قدع من هاك التمرة اللي على راس
الصبع والحقه هاك المهيله اللي تقعد الراس !
جاء دور هاللعين الشيطان وقد صدق أفضل الخلق محمد صلى الله عليه
وسلم (( لا يخلو رجل بامرأة إلا كان الشيطان ثالثهما) )
كأن الضيف عندما سمع الترحاب الزائد طمع بها فقال :
يا زين ما تصخي لنا وزن ريشه
0000000000000000000 من شيء ما هو شيء ما ينقص المال
وعندما سمعت ما سمعت ضحكت لأنها تثق بنفسها وقالت :
ياخيي ما ترضى لنا بالغشيشة
0000000000000000000 ما عندنا لك يا فتى غير فنجال
هل النخل عيوا على تمر بيشه
0000000000000000000 ما يشركون اثنين في مال رجال
ويوم سمع هالكلام تعوذ من الشيطان ، وقال استري ما واجهتي يا بنت
الاجواد ، وهو يتمنى لو تنشق الأرض وتبتلعه !!
قالت له ما عليك يا ابن الاجواد ! ما لاحقن شك بنفسي 00
قال الرجال يا حظ رجلك بك ، اجتمع له الزين والصلاح !!
هاه يا برق الشمال وش رايك هالحين !
شفت زين بناتنا حنا يالبدو ههههههههههههههههههههههههه
أرجو يا أحبابي أن تكون سالفتي هذي أعجبتكم ، وأضافتلكم معنى من
معاني أهلنا 000
وتقبلوا صادق الحب والود ،،،
اخوكم: مدلول[/align]
المواضيع المتشابهه
العرض المتطور
