هذه القصيدة قالها الشاعر الكبير أحمد الناصر الشايع في رثاء ابنه محمد رحمه الله الذي توفي في اخر يوم من رمضان وثلاث ايام عيد الفطر السعيد عند ابو محمد تعيس مو سعيد فقال هذه القصيدة الباكية
يا بــعـد نـوم اللـيل عن حجـر عينـي **** صـبـر علـى مـا صـار مـن وال الأقـدار
صـبـرت صـبـر بــاح مـنــه الكنينـي **** أضــحـك مـع الـعـالـم وكني علـى نـار
ما غير أهوجس بين نفسي وبينـي **** يـعـلـم بـهـا الـعـلام فــي كــل الأســرار
تـقـل اتـحــرى لــي عـلــوم تـجـيـني **** مـع الطـروش اللـي يجيبون الأخبـار
فـهـمـت رأس اـلعـلـم مــن كلمتينـي **** مــن يـوم قـالـوا جــا مـحـمـد ونصـار
تـكسّــرت عـقـبــه جـرايــد يـمـيــنـي **** عــز الله انـي عقـب ما صــار صبّــار
مـن عـقـبـهــا ونـيــت لــي ونـتينـي **** ونـة غـريـب بالـخـلا ضــاع واحـتـار
لــولا اللـه أبــرك ثــم قــوة يـقـيـنـي **** لا طـيـر مـثـل الـطـير من كـف صقـار
تـخـنـقـنــي العبـــره وأفــرّك يدينـي **** واحـترت مـثل مـصـالي النار والغـار
عــلـــم يخلــي كــل قاســـي يلينـــي **** كنه علــى قلــبــي رصـاص أم كــرار
الــى ذكــرت عيالــه المصـغـرينــي **** هــــذا يــعــزيـــهــــم وهـــــذاك زوار
احد على جنبـه واحــد لــه ونينــي **** جتني هموم القلب من كــل الأقطـــار
قلت اصبروا والله مـع الصابرينـي **** اللـه يكافيـكــم صـواديــف الأشـــرار
عسى عوضنــا الحــي بالميتينــي **** ناصـر ونـايـف ذخــرا ســر واجـهــار
وأحمد وعبـدالله ذرانـا الحصينــي **** صـغـار سـن وان بــدا الــلازم كـبــار
يجبر عزاي اللي بخلقـه ضمينـي **** محيـي العروق الميتـه عقـب الأمـطار
مالي عن المكتوب فـوق الجبينـي **** لو رحـت شـرق وغرب ويمين ويسار
صليت نصف الليـل لـي ركعتينـي **** أطلـب لــه اللـــي للـخـطـيــات غــفَّـــار
خفف ذنوبه يـا أرحـم الراحمينـي **** فـي مـاقـفٍ مـا يـنـفـعـن فـيـه الأعـذار
جعله برضوانـك مـن الفايزينـي **** بالماقف اللـي بـه يضـيـعــن الافـكــار
في ماقفٍ بـه كــل خافــي يبينـي **** تــمـت وصلــى الله على سيـد الأبـــرار
اسمحولي على طولها بس حبيتها ويجب انقلها لكم
المواضيع المتشابهه
العرض المتطور
