[align=center]
اكبح جماح الشوق يا قلب ترتاح
حسبك مصايب حـادثات الليالي
ما كن مرت تبــاريح واتراح
ولا ذقت من بلوى زمانك نكالي
ما للجــلاده عن مراميك تنزاح
والصبر ما تعطيه بعض المـجالي
عودتني ما تخلط الجد بـمــزاح
ولا تراوغ في صحيح المقـــالى
شف كيف عمقت المآسي والجراح
و اشغلتني من عقب ما كنت خالى
وانا الشقي بك بين مسري ومرواح
يمكدرٍ بالهم بــــالك وبــالي
أراك تبحث عن خيالات و اشبـاح
يا قلب من عـــز الحبيب المثالي
لا لا تعيد الي مضى لي مضى راح
ما ينفع الترقيع في ثوب ثوب بـالى
ولا تستوي في مطلب الود لحــاح
يا قلب بـا ترخص ولو كنت غالى
عواصف الهجران بالحيل تجتــاح
وش تنتظر غير الوهم والخيــالي
من قلب خلك ودنا ذات و انمــاح
حسيبك الله مــــا تراعي لحالي
من هان ذل و ذلة النفس يـا صاح
على العزيز الحر أكبر وبـــالي
ما أقدر اطفي نار الأشواق بصياح
واشمت اللي بالوفا مــــا يبالي
يا ابو جبينٍ في دجى الليل وضاح
نجل العيون اللي سحرهن حلالي
والقد غصنٍ دون الأنسام ميــاح
يسلب قلوب أهل السمو والجلالي
[/align]
المواضيع المتشابهه
العرض المتطور
