ينشل تفكيريه اليا جيب طاريه
والقلب يخلج لا تذكرت منباه
واشتق من شي عرفنا تواليه
والحظ معكاسه لمسنا سواياه
قلب المولع لا ابتلى وش يسليه
ولا يجبر الخاطر كلام المداراه
ليت الليالي باقي العمر تغذيه
واعيش لحظات الهنا دوم وياه
يقولون حال مفارق الود يشقيه
خيال الحبيب اذا اختلا فيه عناه
وطب إلصوابه ملمس الجرح بيديه
عقب البطا يا زين شوفه وملقاه
واقلبي اللي معلق(ن) من عراويه
علي الذي مالاق للعين شرواه
اجنح عليه اللين لا ضاق وارضيه
وياطا برضانا كل ماكان يشناه
ونفسه تواضعلي ونفسي تبديه
وكل(ن) علي خله بشوش(ن) محياه
انشهد ان الحب عسره دواليه
ينبان خافي الجوف لو كان تخفاه
راعيه مشغول الخواطر بأمانيه
وماكان واطي سالف الناس ياطاه
المواضيع المتشابهه
ينشل تفكيري
العرض المتطور
