|
نبذه عن آلشآعر : بدر آلخآلدي ,,,
الشاعر بدر الخالدي
الاسم:
بدر عبدالله منصور الصبيحي , والصبيحي احد عوائل بني خالد العريقه في نجد التي ترجع في نسبها الى فخذ الصبيح من قبيله بني خالد.
العمر:
24 سنه.
مكان الميلاد:
هجرة الدمثي.
مسقط الراس:
اقليم السر.
الاقامه الحاليه:
ساجر - عين الصوينع.
المؤهل العلمي:
ثانويه عامه.
العمل:
مصلحة الجمارك.
اليكم الدردشه:
-ابوعبدالله بعد اختيارك في قائمة ال 48 شاعر ماهو شعورك ؟
شعور اي متسابق تخطى ثلاثة عشر الف متسابق حتى وصل الى قائمة الثماني والاربعين التي هي طموح اي شاعر.
-وماذا تعد ابناء القبيله ومتابعيك ؟
اعدهم باللي تعوّدو عليه من ذاتي والتوفيق بيد الله.
-هل تعدهم بالبيرق ؟
المهم يرضون على مشاركتي في هذا البرنامج وعلى شخصي والا البيرق علمه بيد الله.
-ابوعبدالله الكثير من النقاد والشعار ولجنة التحكيم اشادو بك وفي ظهورك الاول ماذا يعني لك ذلك ؟
هذا اكبر دفعه معنويه لي لتقديم ماهو افضل بمشيئة الله.
-مالعلاقه مع الشعر واول قصيده؟
انا ابوي الله يرحمه قبلي شاعر ولكن لم استفد من شعره لانه توفي وانا عمري 12 سنه وهناك الكثير من الشعراء في العائله اما اول قصيده لي قبل تقريبا 6 سنوات.
-علاقتك مع الانترنت؟
علاقتي بالانتر نت جيده من ثلاث سنوات تقريبا وعلى فترات متقطعه لظروف العمل وبعض الألتزامات الشخصيه ولاانسى الفتره الجميله التي قضيتها في منتدى بني خالد الرسمي كـ عضو ومن ثم مشرف من خلال اشرافي على قسم شعراء المنتدى والان انا احد اعضائه واتشرف بذلك.
-كلمه اخيره ..
اقولهم بيض الله وجيهكم يابني عمي ولا مستغرب على مافعلتوه وما ستفعلونه والله يجملني في ناظركم ومشاركتي هذي لهم ماهي لي وبإذن الله اكون عند حسن ظنكم....
(وهذي قصيدة الذيب)
البارحه والجوع مس الذيـب يـوم انـه يعـوي *******علـى سنـام طويـق والقـمـره وراه بليتـهـا
اخايلـه واقـول واعـزي لحـالـك يالـقـوي *******اللي تنقى فـي سمـان الفطـح لا مـن جيتهـا
واللي باساميـك يتقلدهـا الخـوي مـع الخـوي******* والعـرب تبديـك التحايـا وانـت مـا حييتهـا
واسمك على النخوه يعد وكـل روس(ن) تشتـوي******* والوجبـه الحيـه تعشاهـا وتـتـرك ميتـهـا
الجوع لـو يدفعـك للمـوت الذحـاح المستـوي******* حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي****** وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلـك يـروح سـروي******* مـا بيـن مرحـان الشواويـه ليـا عشيتـهـا
يا موجل(ن) قلب حضري يا موجل(ن) قلب بدوي******* ياللـي تشيّـم خـوة الرجلـيـه ان خاويتـهـا
عامل خوي الذيب في عصر الفـوات المنطـوي******* وقصتك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي******* لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي******** على غشـاش الكبـد والخطـوه عمـد رديتهـا
مدري غبى مدري ذكى مدري تسرع فوضـوي******* لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي ******* وقبـل زمـان العولمـه للـنـاس وآتيكيتـهـا
وقبل يغيب المنطـق الحسـي ويبقـى المعنـوي******* والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلـتـوي******* والناس تمشـي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي******* والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي******* والمفـردات اللـي تجملـنـي لـيـا عديتـهـا
والهاجس اللي كـل مـا فليـت حويـه ينحـوي******* وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي ******* وابقى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي******* مـادام خانتـك الظـروف الله يخـرب بيتـهـا
منقــــــــول
|
المواضيع المتشابهه
هلا وغلا 
العرض المتطور
