اول مشاركه (( استماع

[منادي القاسمي]

[align=center]اخواني اعضاء وزوار هذا الصرح الكبير

حبيت اقدملكم اول مشاركه لي بهالمكان الجميل

اتمنى ان تحوز على جزء من اعجابكم

وتحياتي للجميع"





[rams]http://www.roco5.com/upload/up3/roco5_20649538.rm[/rams]
7
7
7
للحــفـظ





[frame="7 80"]سبحان من نعبده ربي ولاله
شريكـ بالدنيا على كل منظور


الخالق الرحمن ربي جلاله
ياعالم الظاهر وماكان مستور


استغفره واتوب له والتجاله
لازاد ضيقٍ داخل الصدر محسور


باسباب تقصيري على كل حاله
بالدين والتقوى ونهاياتنا قبور


ندفنبها وكلن على وجه فاله
ان كان ظلما او يعم وجهه النور


يارب كرّم ميمني عن شماله
في حزتن فيها المخاليق بالدور


تمسكـ كتابي ولا عليها عباله
من موقفن من فازبه كان منصور


في ذاكـ حتى الام تنسى عياله
ومن لاعمل للآخره دوم مدموور


فكر القصيد وموقفه وأرتجاله
في قلب شاعر منّها صار معمور


ودمعات عيني وضيقتي وارتحاله
تجزم بأن المشكله بيت مشطور


مابين نضج العاطفه والجهاله
معنى يشابه صادق الهرج والزور


للي انوله ولاحصلي مناله
ماعاد تنفع صاحبي كثرة الشور


اموت واعرف غايته من سؤاله
اللي يحسبني مع الخلق مقهور


وانا الرجل مالي وكلي فداله
اللي يقدر منطقي غير مجبور


واللي علي يفرض طريق الزماله
يمناي سيفه لاغدى الكم مشمور


يسلني ويفعل على مابداله
بالحق ويصبح صاحب الحق مسرور


ماهزني كثر العنى والشكاله
ولي صبر خلى قاسي الباس مقدور


اللي يعنالي بضيقتي بنعناله
ولاخير في رجلٍ مع الناس مغرور



بيده يحقق مطمعه في زواله
منهو غدى قلبه من الكبر مغمور



يعيش عيشة بهرجه في رزاله
ويموت ثم تقفاه نيران تنور



وترى الرجل طيبه يجي من خواله
ولاينحصر طيب الرجل داخل سطور



ولاينسى عشقي ولو كنت داله
احسبه بين المعاليق محصور


غلاه لو قصّر علينا بوصاله
ثابت بقلبن قبلها كان مهجور



ادلله ولاني بواصل دلاله
ترف القدم ودّي اغطيه بلور



لوكان في وصفي لغلاها هباله
محدن يلوم اللي به القلب مسحور



تعطي لمكسور القصايد جزاله
واحسها في داخلي شعر وشعور



وخصالها لوتجتمع في مقاله
ان اشهدن المعركه بيننا تدور



انا وفكري والقصيد بجماله
نضيع ضيعت من خوة راسه القور



وصدري شمالي ولانفعبه شماله
يضيق لامنّه طرت حطة السور



مابيننا ثم ابتعد مع حلاله
واقفى وخلى جرحي العام مذكور



وش حيلتي دام اللقى استحاله
وانا هويتك ولابقى شي مستور



ماضنتي ياقلب تغلي بداله
مادام دم السالفه صار مهدور



الله معه وبلعون ماهي سهاله
ليلة فراق الغاليه وجدي بحور



ارثي غلانا وانطوي في ظلاله
وانطر سلامه عدّني شخص ناطور



منك الرساله عدهالي جماله
ترفعبها قلبن على الشوكـ مجرور



الكل فاقد بالزمن من غداله
وانا غدالي صاحبي وقلت مشكور




مشكور يامن طوقتني حباله
عزالله انه داخل القلب محفور



ذكرك وجرحي منك ماهي هزاله
جرحن عجز لايلحمه اي دكتور



كفّن قصيدي واعترف في خماله
مايلزمن عقبك ترى اي جمهور



النزف بعروق الغلا من حلاله
ابعد ودربك يالغلى فل وزهور


وانا لي الله ارتجي من جلاله
يرزقني الجنه ويرزقني الحور

.
.
.
وسلامتكم[/frame][/align]

[ولد الشمال]

[align=center]منادي : نادتنا مشاعرك لتذوق الشهد برياضٍ مليئة بورد الجوري واللوتس رأيناها بحروف مشاعرك0
القاسمي :قرأنا فتذوقنا فطربنا فالقاسم المشترك بأبياتك هو العذوبه0
0000000000
00000
ملاحظه أرجو الاّ تعتب فصدر البيت الذي يقول ( الخالق الرحمن ربي جلاله ) فأعتقد لو كان (الخالق الرحمن جلّ جلاله ) لكانت موسيقاه أقوى0
000
تقبل تحياتي ،،،[/align]

[منادي القاسمي]

[align=center]

اقتباس المشاركة الأصلية كتبت بواسطة ولد الشمال [align=center]منادي : نادتنا مشاعرك لتذوق الشهد برياضٍ مليئة بورد الجوري واللوتس رأيناها بحروف مشاعرك0 القاسمي :قرأنا فتذوقنا فطربنا فالقاسم المشترك بأبياتك هو العذوبه0 0000000000 00000 ملاحظه أرجو الاّ تعتب فصدر البيت الذي يقول ( الخالق الرحمن ربي جلاله ) فأعتقد لو كان (الخالق الرحمن جلّ جلاله ) لكانت موسيقاه أقوى0 000 تقبل تحياتي ،،،[/align]

ولد الشمال

هلابك وهلا بريح الشمال الغالي ..

اشكر مرورك وتعليقك الكريم

واتمنى اني اقدم نص اقوى في المرات القادمه

كل الامنيات لك بالتوفيق

اخوكـ : منادي القاسمي[/align]

[عشق الشمال]

الله الله يامنادي الشعر ,,

صح الله لسانك يابعدي ولا هنت ,,

[منادي القاسمي]

[align=center]

اقتباس المشاركة الأصلية كتبت بواسطة عشق الشمال الله الله يامنادي الشعر ,, صح الله لسانك يابعدي ولا هنت ,,

عشق الشمال

صح ابدااانكـ يالغالي

والله لايهينك على المرور الحلو

دمت كما تحب

[/align]

[أبو رائد]

صح لسانك .. على هذه الرائعة

وحيك الله معنا في منتديات الرائدية

[منادي القاسمي]

[align=center]

اقتباس المشاركة الأصلية كتبت بواسطة أبو رائد صح لسانك .. على هذه الرائعة وحيك الله معنا في منتديات الرائدية

ابو رائد

صح ابدااااااانك ياخووي


والله يحي نباك


ولاعدمنا مرورك

[/align]

[سامي الشمري]

[align=center]منادي ..!


يا هلابك مرّة ثانية ..!


و المعذرة يا منادي .. و الله ماعرفتك إلا من الصوت ..!


وترى الرجل طيبه يجي من خواله
ـــــــــ ولاينحصر طيب الرجل داخل سطور



الله الله على هالبيت ..!


[/align]

[منادي القاسمي]

[align=center]

اقتباس المشاركة الأصلية كتبت بواسطة سامي الشمري [align=center]منادي ..! يا هلابك مرّة ثانية ..! و المعذرة يا منادي .. و الله ماعرفتك إلا من الصوت ..! وترى الرجل طيبه يجي من خواله ـــــــــ ولاينحصر طيب الرجل داخل سطور الله الله على هالبيت ..! [/align]

سامي الشمري

هلا وغلا

انت ماعرفتني الا من الصوت وانا والله للحين ماعرفتك لا مو الصوره ولا من خطك

وحياك ربي يالغالي على متصفحي البسيط

دمت بكل الود[/align]

[أحمـــد]

صــح لســـانـــك يـــا منـــادي ولاهنـــت عـــلى هالقصيــــده الـــرائعــــه ....



أسعـــدتنـــا طلتـــك وتـــــواجـــدك بيننـــا يسعـــدنـــا ...



لاتحـــرمنــــا الجـــديـــد ويـــاهـــلابـــك ومـــرحبــــا ...






ســـــــــــــــلاااااااااااااااااااااام