من منّا لم تفجعه الأخبار المؤلمه والتي عادة ماتنتهي بوفاة أو إصابه مقعده وأكثر تلك النتائج من السيارات0
هذه أم ترثي أبنها الذي وافته المنيه بحادث مروري فرثته أمه بهذه الأبيات :
[poem=font="Arial,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله ياقاضـــيٍ فينا بتدبيره=يامالك الملك يا عدال مامالي
إن تجبر اللي سواتي ضايعٍ طيره=ياوالله اللي غدالي واحدٍ غالي
النوم عيا يجيني يالله الخيره =لاني براقد ولاني بدالهٍ بالي
وياقلب ياللي معي زادت تفاكيره=همٍ بقاعه وهمٍ يضرب الجالي
ياويش اسوي لامن جيت أنا الديره=قمت أتذكر قباله يوم يحلالي
شكواي لله وأنا مافي يدي حيله=مالي جهد كود البكا والتولوالي
هذا محله يبس عشبه وتنويره= وهذي هنوفه تصيح بصوتها العالي
ربٍ خذيته عسى في موتته خيره=وعساه في جنة الفردوس نزالي
وجهك كريم عسى تقبل معاذيره=وتروف به في نهارٍ فيه زلزالي
وصلاة ربي عدد ماطار من طيره= واعداد ماشد من راحل ونزالي[/poem]
وسلامتكم
شمااااااالي
المواضيع المتشابهه
العرض المتطور
