مما لاشك فيه أن المرأة إذا استخدمت عقلها للانتقام أو لأخذ الثأر لنفسها فلن يمنعها عنه شيء إلا قدرة الله
تم تداول بعض الفكاهات عن المرأة "ولكنها واقعيه" وانتقاميه من الرجل بالذات ربما لتسلطه وعدم إعطائها حقوقها ولجبروته وظلمه لها وتحكمه بكل شيء ويحيل ذلك لحكم الشرع وقوامته عليها ،،، عموماً بذكر لكم بعض هذه الطرائف:
* امرأة طلع لها المارد قال لها:
لك 3 طلبات مجابه ولزوجك 10 أضعافها.
فكرت وقالت:
1-أبغى أكون أجمل وحده قال لها:تم (وزوجك بيكون أجمل منك عشر مرات)
2-قالت:نفسي أكون أغنى وحدة قال لها:تم وبتكون ثروة زوجك 10 أضعاف ثروتك.
3-قالت:أبغى تجيني جلطة خفيفة ضحك المارد وقال:إن كيكن عظيم.
* سألت الزوجة زوجها إذا مت كم بتنتظر حتى تتزوج الثانية؟ قال لها: لحد ما يجف تراب قبرك.. وبعد ما توفيت الزوجة صار الزوج يزور القبر كل يوم لمده سنه والقبر دائما مبلل وما جف (يعني مو رايح لوجه الله يبي يشوف متى يجف علشان يتزوج)،،
وفي مره جاء الزوج المقبرة مساء لقى أخوها وسأله: وش تسوي هنا؟
قال أنفذ وصية أختي إني كل يومين أبلل تراب قبرها بالمويه.
قال الزوج: الله ياخذ الحريم حتى وهن ميتات كيدهن عظيم.
* رجال وزوجته بالطريق"متهاوشين مع بعض" شافوا شاحنه فيها بقر قال لها زوجها: يقربون لك،،،ردت بسرعة وقالت:أيه حمولتي "أهل زوجها" (يستاهل هو الي جابه لنفسه)
*فوائد الزوجة النكيه:
•تجعل لسان زوجها رطباً بذكر الله"طول اليوم يردد:حسبي الله ونعم الوكيل"
•غض البصر(بأسبابها يكره كل الحريم"ما اعتقد")
•صله الرحم(على طول شارد بيت أهله من نكدها)
•المحافظة على الوزن(دايم نفسه منسده"برضو ما اعتقد")
(سبحان الله المرأة حتى وهي ملسونه فيها فايده"شفتن يا بنات انطلقن ولا يهمكن") يا حبي لنا بكل الأحوال مفيدات
**حكمه** قــلـب المرأة مثل التويكس لواحد مش لأثنين،،،،
أما الرجل قلبه مثل الجالكسي معه تحلو المشاركة
ولا يقتصر كيد النساء بالانتقام من الرجل بل يمارس بينهن واذكر لكم هذه القصة
تدور القصة حول مديرة مدرسة عزباء
غابت عن المدرسة يومين وحين عادت لمدرستها استقبلوها المدرّسات بالسؤال والسلامات وينك يا مديرة ؟
قالت لهم : باركولي تزوجت
مسيار!!! .
قالوا المدرّسات : ألف مبروك .. بس مين سعيد الحظ ؟؟
قالت لهم : بصراحة زوجي هو زوج وحدة فيكم !!
المدرّسات : تكفين علّمينا أي وحدة منا ؟
قالت المديرة والله ما أعلمكن .
المهم لزّموا عليها .. قالت : أنا ماني متكلّمة .. لكن اللي تبي تعرف هو زوجها وإلاّ لا
تجيب بكرة معها 500 ريال
وإذا جت توقّع الصبح تحط الـ500 ريال على الطاولة .. واللي آخذ فلوسها معناه زوجي ما هو زوجها ..
واللي أخلّي فلوسها على الطاولة وما آخذها فهو زوجها ... عيب عليّ أتزوج زوجها وآخذ بعد منها 500 ريال !!
وافقت المدرّسات على هذه الطريقة .
ويوم جاء بكرة .. وكل وحدة مزهّبة معها الدراهم ..
جت الأولى والثانية والثالثة والرابعة حتى العاشرة والمديرة تاخذ الدراهم ..
يوم جت المدرّسة الـ 11 بدت المديرة تتأفف .. المهم حطت الدراهم على الطاولة ..
قالت لها المدرّسة : تكفين خذيها يالمديرة قالت المديرة : اعذريني قالت المدرسة كانّها قليلة حطيت ألف بدال الخمسمية ..
قالت المديرة : أووووووووووووه معليش أثرك أنتي جواهر والله إنّي آسفة غلطت !!
تنفست المدرّسة وقالت : الحمد لله يعني بتاخذين الفلوس ؟؟ المهم أخذتها المديرة ..
ودخلت بقيّة المدرّسات حتى الـ 23 والمديرة تلعب بأعصاب كل وحدة وفي النهاية تأخذ الخمسمية ..
المهم بقي مدرّسة واحدة ماجت
اتصلوا عليها المدرّسات : هاه وينك يا أستاذة ؟؟ قالت : والله إنّي تعبانة وماني جايّة .. هاه من صار زوجها اللي متزوج المديرة ؟
قالوا لها : لين الحين مابيّن شي والمديرة عيت تاخذ الفلوس لين نحضّر كل المدرّسات
(يلعبن عليها بس يبونها تجي عشان يطّمّنون إنها هي لأنه ما بقى إلاّ هي ) وقالوا لها المدرّسات : لازم تجين تكفين ..
المهم جت تسحّب رجليها بالقوة ويوم جت تدخل .. المدرّسات كل وحدة مبسوطة إنه ما هو زوجها ,, المهم قالت لهم المديرة:
الدراهم ( 12000 ريال ) ما راح ترجع .. وأنا والله لا تزوجت ولا شي لين الحين عزوبية .. !! بس كنت مريضة هاليومين
وكنت أطلبكن قبل شهر تدفعن على 100 ريال نصلّح المصلّى ولا وحدة منكن دفعت
قلت والله لأدفعكن 500 ريال نصلّح المصلى ونشتري مصاحف وقف للمسجد .
قالن المدرسات : بالعافية فداك الدراهم ولو تبين زود عطيناك هو صدق بس رجالنا ما تزوجوا علينا ؟؟؟!!
**** ولا ننسى كيد الرجال(فكيد الرجال اشد من كيد النساء)
ولكم هذه القصة
كيد الرجـال أشـد من كـيـد الـنـسـاء .. في بعض الاحيان
شوفوا كيف كيد الرجال على مستوى هما يسكتون يسكتون ويطلعون قنابل !!
قوية
كان في شاب يحب بنت و هي تحبه ومتفقين على الخطوبة والزواج
دخل الجيش
وكان كل يوم يقعد يفكر فيها قبل ما ينام
ويتذكر ايامهم مع بعض عمره ما نساها لحظة
وفي يوم جاه رسالة من البنت اللي بيخطبها ....... وركض بسرعة علشان يقراها
وهو بيموت علشان يعرف اللي فيها
وفتح الرسالة لقاها بسلامتها
كاتـبـــــة
((انا زهقت من كثر الوحدة وبصراحة انتظرتك كثير
ولو سمحت من غير فضايح ارسلي صورتي اللي معك))
طبعا خوينا الشاب .. احترق دمه وضاق
صدره وقعد يفكر كثيييييييييييييير لحد ما وصل لحل
فجأة جمع كل اصحابه في الكتيبة وقال لهم كل اللي
معه صورة بنت يطلعها حتى لو كانت صورة امه او اخته تكفون شباب
وجمع كل الصور وحطها في ظرف وارسل الظرف لحبيبته
وقال لها آسف يا حبيبتي
بس انا ما أذكر انتي مين بالضبط من البنات هذي ....!!؟
عموما شوفي صورتك اي وحدة فيهم ورجعي الباقي....؟؟؟!!!!
وان كيدكم عظيم!!!!!
المواضيع المتشابهه
العرض المتطور
