سآآعدوني .. أخوي يسرقنآآ ؛_؛

[بنت زايد]

السلام عليكم

بثراحه أنا بغيت مسآعدتكم يأخواني ...
تعمدت اكتب عنوان الموضوع كذا
عسب الكل يدش ويقولي
شو أسوي معه

عندي أخو الله يغربل بليسه لص من يوم كان صغير

الله يسلمكم هذا اخوي من أبو ..

لما كنا صغار ماعشنا مع بعض كثير .. لأن راح يعيش عند أمه
طبعا امه مب خليجيه

المهم أنا راح اكتب جم موقف له عسب تجوفون هالولد شو مشكلته
لأن بصراحه السنه اليايه ان شاء الله ابوي يبغي يدخله مدرسه عسكريه
هو أكبر لص وكذاب أخاف من كثر الشكاوي عليه ينفصل
بعدين طول عمره ما راح يقدر يشتغل في مكان حكومي
يعني راح يضيع مستقبله وأنا خايفه عليه

أول شي هو عاش معنا وطبعاً أمي ربته لأن امه مابغته
وكان صف ثاني ابتدائي .. أمي اهتمت فيه بصراحه ماقصرت معه
ولا تضربه أبد .. واذا أحد ضربه تهاوشه لدرجة انه تضربنا

ومن ناحية العيشه ما شاء الله عايش في احسن بيت ويأكل احسن أكل
ويلبس احسن لبس .. لدرجة انه له غرفه لحاله وتلفزيون اثنين
واحد ليجوف الرسوم فيه والثاني حق بلاي ستيشن .. يعني مب قاصرنه شي

وع فكره أبوي مفضلنه ع الكل كل شي يبغيه ينفذه له ع طول
حتى جوال معه .. ولآب خاص ... والله اي لعبه يديده تنزل
ع طول يجيبها له ..

معنى عندي اخوان غيره من أبو وبعد امهم تخلت عنهم .. بس ابوي
ما سوى لهم سالفه كثر هالحرامي

هو صار عايش معنا 6 سنوات .. بس سرقنا ماخلى شي

المهم أول ما عاش معنا .. يعني عادي ما كنا نشك فيه انه يسرق
معنى من قبل ابد ماتصير سرقات فالبيت

أنا أول وحده شكيته أنه يسرق
كان الحبيب يروح لدكان ( البقاله ) وهو معه 5 دراهم
ولما يرجع البيت اجوف معه أكل كثير يعني اكثر من 5 دراهم

هالحركه جم مره تكررت وعاد أنا قلت بسأله
قلتله انت بجم شآآري قالي بـ 5
رديت عليه هالأكل كله بـ5
قالي لا .. بس صاحب الدكآن عطاني هالأكل مجاناً
قلتله اسمحلي نحن عشنا سنين وهو هالدكان ماتغير صاحبه
ولا يعطي مجاناً .. ظل يحلف انه مجاناً

أنا قلتله تريا هالدكان حق أهل ربيعتي
بتصل عليها وبجوف لو صدج كلامك
عاد هنيه هو تغير لون ويهه ( وجهه )
بس بعده مكآبر ويكذب ..
والله أني سألتها ربيعتي قالت لا مايعطي .. وانتي أدرى بكومآر

قلتله بسرعه اعترف .. تخيلوا شو قالي
أنا سرقته هالأكل
بس اللي أنا مستعيبه منه كيف دس هالأكل ..
وكومآآر مآحد يقدر يخدعه .. كيف أخوي الحبيب سرقه

قآلي بصراحه أنا مآادش الدكان والا وفيه مجموعة يهال يشترون
عسب أقدر اسرق ع رآحتي أختار وهو ينشغل بيهم

بعدين سألته انت وين أدس هالأكل وانت لآبس هالشورت
ومافيه مخاببي

طلع الحبيب اذكى عن كومآآر .. فصخلي الشورت
قآلي جوفي هالقطعه اللي داخل لونها بيضا أنا ادس الأكل هووون

الله يلعن شيطانه

عآآد أنا منها عرفت أنه يسرق وخبرت خوآتي وكلمنه
بس من دون فآيده

كل يوم يسرق من الدكآآن .. بس مره صاده
ومسكه من فانيلته ويشوته برا

لا تستعيلون ..هالسرقه ولآشي من اللي راح اذكرهن احينه

مره أمي وأختي رايحيين للعيآده ومآخذينه ويآآهم ..
ويلست حذآآلهم حرمه سعوديه .. مسكينه يآآيه من السعوديه لهآآلعياده
لأن الكل يمدح علاجهم ..

وظلت الحرمه تسولف مع أمي وأختي .. كانت تقول حق أمي أبغي بنتج حق ولدي
وأمي مبتسمه ما ردت عليها .. لأن أمي ماتقدر تبعد أختي عنهآآ.. لان ماتعتبرها
بنتها تجوفها صديقتها .. لان هن وآآيد مع بعض
المهم أمي دشت قبلها ع الدكتور...وبعدها ودعت الحرمه وعزمتهآآ ع الغدأ
بس ارفضت لأن ع طول بيرجعون لسعوديه ..

أمي وأختي طول اليوم يمدحون فالحرمه وطيبتهآآ ..

بس مايدرون أنه الحبيب سآآرق الحرمه

تخيلوا كيف انصآآد انه سارق الحرمه

من رجعوا البيت الغالي ماطلع من غرفته أبد ..
ولا بغى يتغدا ولا يتعشى ..

كان مسكين يدور له مكان يدس فيه البيزات

المهم مر 3 أيام واليوم الرابع صآحب الدكان خبر أمي
وقآآلها انه الحبيب من 3 أيام يجيني الدكان ويبغي خرده
مره يابلي 500 ومره 1000 وبعدها 500
ولما سألته حق منو هالبيزات يقولي مآآمآآه تبغي خرده

أمي مسكته وكلمته من وين يايب هالبيزآآت
قآلها وهو مستغرب أنا رحت لكومآآر وقلتله عطني خرده

أمي ما صدقته وقآلت أعترف لأخبر أخوانك وخليهم يتفآآهمون ويآآك
ما رضى يعترف .. أختي مسكته وقالتله أنت خبرني وأنا بسآآعدك
اصلاً هو اذكى عن الكل .. قآلها ماعندي بيزآآت .. ويالله كل واحد يجوف بيزآآته
لو ناقصآآت تعالوا خبروني

لأن هو متأكد انه سارقنهن من برا البيت ..

المهم من يرجع من المدرسه أختي تراقبه
وجافته يطلع محفظه صغيره من درج طاولة الكمبيوتر

هي ما جافت شو فيها لأن هو كل شوي يتحرك وعطاها ظهره

قالت لآأأ احسن شي أني ادش عليه وأمسكه ..

لأن الغآآلي ذكي فاليوم يغير المكان ألف مره

المهم مسكته وفي أيده جم ألف
قالته من وين لك هالبيزآآت

عآآد خلاص هو هنيه انكشف مآآعنده غير انه يعترف

خبرها بالسآآلفه انه سآآرق حرمه سعوديه

سألته كيف قدرت تسرقهآآ

قآلها كانت هي تسولف مع أمي وأنا يالس حذآل الحرمه..
وجنطتها مفتوحه وفيها ظرف رسآآله ..
أنا سحبته من شنطتها من دون لآآآ تحس
ومن وصلت البيت فتحت الظرف ولقيت فيه بيزآآت

سألته أنت ليش ماسرقت تلفونهآآ ؟؟
شو معنى بس سحبت الظرف من شنطتهآآآ ؟؟
وشو عرفك أنه بيكون فيه بيزآآت ؟؟

تخيلوا شو قآآلها !!

يقولهآآ هي أول ما قآآلت أنها مب من هالبلاد
ويآآيه تتعآآلج أنا شكيت انه فالظرف بيزآآت
لأن لو كآآنت بنت البلاد حطت بيزآآتها فالمحفظه
وأنا اجوف شنطتها مالقيت محفظه ..
بس هي شكلهآآآ سآحبه البيزآآت من البنك وحطتهم فظرف
لأن هذي سوآآلف حريم الكبار

قسم بالله ذكي وحرآآمي صح

طلع سآآرق من عند الحرمه 5500 درهم
وصرف منهن 1500 درهم

المهم أمي كملت البيزآآت وراحت اليوم الثاني للعيآآده
وقالت لهم ابغي اجوف الدكتور ضروري
طبعاً بعد جم محاوله دخلوها .. لآن ماعندها موعد ..

هي مابغت تعطي أي احد يشتغل فالعيآآده لآن ماتعلم
هل هالبيزآآت بيوصلن حق الحرمه ..

دشت ع الدكتور وخبرته بالسالفه وكانت أمي مفتشله
قآلها ماتذكرين أسم الحرمه .. قالت لا .. اللي اعرفه انها قالت ام تركي

قالهآآ عطيني تاريخ موعدج اللي فات
عطته .. والحمدلله انه حصلوا أسم الحرمه ورقمها
لأن كان بنفس تاريخ موعد امي

طلعت الحرمه رآآحت لسعوديه وهي ماتعآلجت ..
لأن اكتشفت أنه بيزآآتها مسروقأأت

بعد امي تقول مسكينه تبغي بنتي حق ولدهآآ ..
ماتعرف أنه اخوهآآ أكبر حرآآمي وهو اللي سآآرقنها

وآخر سآآلفه رآآح اذكرها له .. وهو سآآرق أمي

الغآآلي يآآت له فتره يعزم ربعه اللي فالمدرسه ع حسآآبه
ويعطي كل وآآحد فيهم 10 دراهم والمحبين 20

ولد يآآرنأ ( جآرنآ ) ذكر السآلفه قدآم أخته أنه الحبيب
كل يوم يوزع بيزآآت .. وصآآر له أسبوع ع هالحآآل ..

أخته خبرتنآآ بالسآآلفه .. كلمناهـ قآآل مب صدج

بعد يوميين الأستآآذ أتصل يبغي يعرف هل الأهل
معهم خبر باللي يصير..

عآآد من أتصآآل الأستآآذ صدقنآآ .. حآولنا نعرف من وين سآرق مآ قدرنا

عآآد كيف شكينآآهـ !!

مره هو دآآش حجرة أمي وفآآتح درجهآآ ويسحب من بيزآآتها
وبدخلت أبوي حصلآآه ساحب 500

عآآد عرفنآآ البيزآآت المسروقه هي حق أمي

وطلع اللي سارقهم 7 الآآف

يأخوآآني شو الحل مع هالولد
هو أحينه صف ثاني أعدادي يعني مب صغير
خايفه بآجر يدش المدرسه العسكريه وينطرد

سآآعدوني

[دانة الكون]

الله يعينكم على ما بلاكم
هي وحده من ثنتين
*اما ان اخوك متعود إذا سوى شيء محد يقوله هذا خطأ وهذا واضح من الي ذكرتيه انكم مدلعينه فصار كل شيء عادي واسوي الي ابي محد معاقبني "من امن العقوبه أساء الادب" و الدليل ان ابوك لقاه يسرق "ولا هي المره الاولى" ومع كذا ما سوى له شيء مثل ماذكرتي انه ما عاقبه او على الاقل زعل عليه.

*او ان اخوك مريض نفسي وبما انكم مو مقصرين عليه بشيء وكل شيء متوفر له وبزياده "فصار مايشبع (زي النار هل من مزيد)" والسرقه في حاله اخوك مو لسبب نقص او حاجه لا امممممممم بصراحه نسيت اسم المرض ايش.
بس احسن حل انكم تعرضونه على طبيب نفسي.
بس الي انا مستغربه منه ان له 6 سنوات عندكم من يوم كان في 2 إبتدائي والحين 2 متوسط ولا اهتميوا فيه ابداً ،، وماشاء الله تدخلون العسكريه بدري ،او ان هذا طريقه علاج ابوك له والقصد ان العسكريه تطلعه رجال .
الله يعينكم اختي ويشفيه .

[أبووصال]

فعلا الله يعينكم لكن اتوقع انه راح يبطل سرقاته وبعدين لو جمعتي سرقاته تلقينها ماجت عشرة الاف روبيه يعني فيه غيره لصوص بالبلد سرقو ملايين ... عموما لابد اللي ابيك انتي تفهميه عقوبة السارق في الدين عشان تطلع من ذمتك هالامور واذا تبغون جيبوه عندي له يومين وتاخذونه صاغ سليم ياباشا بس الخوف اذا راح تلقيني لاسجدت بالصلاة اقوم اخليهم ساجدين وانفض جيبوهم بس عندنا بالريال .....لكن من الممكن ان الولد بسبب بعده عن امه وطريقة تعاملكم معاه اثرت في نفسيته لاني اعرف ان اخوان الاب مستحيل مستحيل يجون مثل اللي من الاب والام ويمكن انتم كان لكم سبب غير رئيسيلان الحياة ليست مال فقط كان ينقصه حنان ياحبيبي والله ودي اشوفه بس الله يعينكم ...

[بنت زايد]

..

هلآآ بأخوي بو صآآل

اقتباس المشاركة الأصلية كتبت بواسطة أبووصال وبعدين لو جمعتي سرقاته تلقينها ماجت عشرة الاف روبيه يعني فيه غيره لصوص بالبلد سرقو ملايين ...

يا ريآآل ( رجآآل )
نحن شو نبغي باللي سرق ملآآيين
وبعدين هذآآ من صغره سرق آلآآف مب بعيده من يكبر يسرق ملآآيين

ونحن هذآآ اللي خآآيفين منه لآن هو بعده الأ صف 2 اعدادي
وما شاء الله عليه لما يسرق ماتحس بيه أبد

اقتباس المشاركة الأصلية كتبت بواسطة أبووصال عموما لابد اللي ابيك انتي تفهميه عقوبة السارق في الدين عشان تطلع من ذمتك هالامور

يعرف ومخبرينه بس فآآلح يقلب عيونه وبراطمه

اقتباس المشاركة الأصلية كتبت بواسطة أبووصال واذا تبغون جيبوه عندي له يومين وتاخذونه صاغ سليم ياباشا بس الخوف اذا راح تلقيني لاسجدت بالصلاة اقوم اخليهم ساجدين وانفض جيبوهم بس عندنا بالريال .....

ههههههههههههههههه

هآآآآآآ يابو وصآآل أجوفك تضحك ع أخوي

اقتباس المشاركة الأصلية كتبت بواسطة أبووصال لكن من الممكن ان الولد بسبب بعده عن امه وطريقة تعاملكم معاه اثرت في نفسيته لاني اعرف ان اخوان الاب مستحيل مستحيل يجون مثل اللي من الاب والام ويمكن انتم كان لكم سبب غير رئيسيلان الحياة ليست مال فقط كان ينقصه حنان ياحبيبي والله ودي اشوفه بس الله يعينكم ...

هو مايبغي أمه .. أبوي يبغي يأخذه فالصيف لعندها هو رافض
يقول أنا عندي ام وحده يقصد أمي أنا
لأن أمه هي اللي مابغته

والله من نآآحية الحنآآن أبوي وأمي مب مقصرين معآآه
وهو بنفسه يقول حق أمي صح أنتي مب اللي جبتيني
بس حبيتيني أكثر من أمي

وأمي اللي مهتمه فيه أن كآآن في درآآسته أو أكله

وأبوي مدلعنه لآآآخر درجه ..


أما أخوآآني ما يتحسسون أنه امي وأبوي يدلعونه كثير
ومهتمين بيه أكثر عنهم ..

ألا بالعكس نحن راضين لأن هو ينرحم بث لص



..


أشكرك أخوي بو وصآآل

[بنت زايد]

....


هلا بأختي دآآنة الكون

اقتباس المشاركة الأصلية كتبت بواسطة دانه الكون *اما ان اخوك متعود إذا سوى شيء محد يقوله هذا خطأ

هو من يوم كآآن صغير يسرق ..
اللي اذكره قبل لأبوي يطلق أمه هو ولد 4 سنوات
بصراحه كان يسرقنآآ .. وأمه ماتقوله شي ..
هم عآآيشين في قسم ثاني بس اللي يفصل من بينآآ الحديقه
وكانت امه اطرشه ع قسمنآآ يسمع الكلام اللي نقوله ..
يعني تعلمه ع اشياء أبد مب زينه ..

وأنا دآآيم أقولهم خرآآب هالولد من أمه


أما من نآآحية أبوي مابقول أنه ما يهاوشه ..
هو يكلمه ويشد عليه .. بس بعدين يطيح الدلع فيه

كأنه أبوي ما سوى شي


لكن أخوآآني كثير يكلمونه ..وهو يخآآف منهم .. وإذا مانفع معه الكلام ..
يضربونه لأن والله وآآيد مصخهآآ


حتى أخوآآني خايفين ع مستقبله ودآآيم يتكلمون في موضوعه

اقتباس المشاركة الأصلية كتبت بواسطة دانه الكون وهذا واضح من الي ذكرتيه انكم مدلعينه فصار كل شيء عادي واسوي الي ابي محد معاقبني "من امن العقوبه أساء الادب" و الدليل ان ابوك لقاه يسرق "ولا هي المره الاولى" ومع كذا ما سوى له شيء مثل ماذكرتي انه ما عاقبه او على الاقل زعل عليه.

صح مدلعينه بس والله وقت الغلط الكل يوقف في ويهه
لدرجة أنه أختي تحرمه من أللعب وتحبسه فالحجره
بس يوم واحد يتعدل وبعدهآآ يرجع نفس قبل


أما عن أبوي من جآآفه يسرق تكلم معه
وبعد لآآآه كآآن مب عآآيبه .. لأن خررب عليه

وضربه .. بس مثل كل مره ماينفع معآآه شي .

اقتباس المشاركة الأصلية كتبت بواسطة دانه الكون *او ان اخوك مريض نفسي وبما انكم مو مقصرين عليه بشيء وكل شيء متوفر له وبزياده "فصار مايشبع (زي النار هل من مزيد)"

مثل ما قلتي أحسه مايشبع

وأحياناً أقول يمكن السبب لما كآآن مع أمه حآآرمتنه
من أشيآآء كثيره ..

لأن أبوي يحول له مصروف كل شهر ..حق اكله ولبسه ومدرسته
لأن مدخلنه مدرسه خآآصه .. والبيت اللي هي عايشه فيه بأسم أبوي
مب أنه بيت زوجها اللي تزوجها بعد ماطلقها أبوي ..

هي كآآنت تأخذ كل مصروفه وماتعطيه شي
والله لدرجة انه اخوي وحرمته وأختي مسآآفرين لهم
تقول اختي الصبح بس تعطيه سندويج فيها زبده وترخصه ع المدرسه
وفوق هذآ كله مطلعتنه من مدرسته الخآآصه ودخلته مدرسه حكوميه
وأبوي ماعنده خبر وهو يطرشلها كل شهر بيزآآت حق درآآسته


ومره أبوي سآآفر لهم رآآح يجوف مشروعه
الكل يقوله أخذ ولدك عنهآآ لأن من يرجع من المدرسه
طول اليوم برآآ البيت .. وأحياناً يتريآآها لين ترجع من السهره
وتفتح له الباب


أنا قلبي معورني عليه بس هو مايرحم نفسه ..
خلآآص ذآآك مآآضي المفروض يتغير
بعد مارجع عند أخوانه

اقتباس المشاركة الأصلية كتبت بواسطة دانه الكون والسرقه في حاله اخوك مو لسبب نقص او حاجه لا امممممممم بصراحه نسيت اسم المرض ايش. بس احسن حل انكم تعرضونه على طبيب نفسي.

هو صح مرض .. أن شاء الله بعدني بكلم أخوي الكبير عن موضوع الدكتور
لأن 6 سنوات مانفع معآآه شي .. لآآ كلآآم ولآآ ضرب ولآآ معآآقب

اقتباس المشاركة الأصلية كتبت بواسطة دانه الكون بس الي انا مستغربه منه ان له 6 سنوات عندكم من يوم كان في 2 إبتدائي والحين 2 متوسط ولا اهتميوا فيه ابداً

شو ماهتمينآآ في موضوعه
نجتمع مع كل اخواني ونتكلم عنه وشو راح نسوي معه

تخيلي لدرجة انه اخوآآني الكبار أعتبروه صديقهم ويأخذوه معهم
ويسمحوله يشاركهم فالكلام حتى لو كان بين كبآآر

لكن كل ماجوف سوينا خطه عسب نغيره
الأ يطلعنا بشي أكبر عن قبل


تخيلي مره اخوآآني مآآخذينه ويآآهم ع الصنآآعيه
تدرين شو سوى .. دش الحمام وانتوا بكرآآمه
وجآآف فوق السخآآن وظل يرش السخآآن بالمآآي
الأ شوي وهو طلع من الحمام كآآن السخآآن ينقع
وصآآر ألتمآآس حترق الحمآآم مع جم محل فالصنآآعيه

أخوي يقول شو النآآس احتشرت ويسحبون السياير
بس عسب مايلحقهن الحريق ..
يآآت الشرطه والمطآآفي وسوآآلهم سآآلفه طويله عريضه

اقتباس المشاركة الأصلية كتبت بواسطة دانه الكون ،، وماشاء الله تدخلون العسكريه بدري ،او ان هذا طريقه علاج ابوك له والقصد ان العسكريه تطلعه رجال .

أيه هذآآ أقترآآح أخوآآني وأبوي وأفق ..
لأن متأملين أنه رآآح يتغير

بس أن شاء الله مايسوي شي غلط ..

أخوي من أبو صف 2 ثانوي بعد فالمدرسه العسكريه
ويقول أن شاء الله راح يربونه عدل

لأن المدرسه في بوظبي ومايرجعون لبيوتهم الأ نهآآيه الأسبوع




...


أشكرج يالغآآليه

[دانة الكون]

اقتباس اللي اذكره قبل لأبوي يطلق أمه هو ولد 4 سنوات بصراحه كان يسرقنآآ .. وأمه ماتقوله شي .. هم عآآيشين في قسم ثاني بس اللي يفصل من بينآآ الحديقه وكانت امه اطرشه ع قسمنآآ يسمع الكلام اللي نقوله .. يعني تعلمه ع اشياء أبد مب زينه .. وأنا دآآيم أقولهم خرآآب هالولد من أمه أما من نآآحية أبوي مابقول أنه ما يهاوشه .. هو يكلمه ويشد عليه .. بس بعدين يطيح الدلع فيه كأنه أبوي ما سوى شي

يعني الي تبين تقولين ان سبب خراب الولد من امه لانها ماتعرف تربي صح >> وهذا الي كنت منتظرتك تقولينه لان واضح من كلامك انك تبين تبينين ان الام غير صالحه لتربيه اجيال (عذراً على صراحتي معك)بس لازم تشيلين هذي الفكره من راسك لان الفتره الي عاش فيها بينكم قبل تتطلق امه كان ابوك موجود وكان اخوك تحت نظره ونظركم و الفتره الي كان فيها عند امه ما اتوقع فتره طويله علشان يتطبع فيها ويستمر على اطباعه لانك من كلامك تقولين انها اهملته هناك ويمكن كان يسوي هذا التصرف علشان يلفت انتباهها والفتره الي عاش فيها عندكم بعد مارجع من عند امه 6سنوات شاف فيها الاهتمام حسب ما ذكرتي ومن المفترض انها تشيل هالعاده الي تعود عليها بلفت الانتباه لانكم كلكم مهتمين فيه فهو مو محتاج طريقه للفت النظر ،، اعتقد اسلوب ابوك معه من البدايه غلط اعاقبه واراضيه.

اقتباس تخيلي مره اخوآآني مآآخذينه ويآآهم ع الصنآآعيه تدرين شو سوى .. دش الحمام وانتوا بكرآآمه وجآآف فوق السخآآن وظل يرش السخآآن بالمآآي الأ شوي وهو طلع من الحمام كآآن السخآآن ينقع وصآآر ألتمآآس حترق الحمآآم مع جم محل فالصنآآعيه

اخوك يعاني من كبت وسلوك عدواني وحب الانتقام
لاي سبب،، ممكن يكون وضعه الاجتماعي انه من غير ام ، معاملتكم معه فيها تقصير ، تعرضه للضرب ، اسباب كثيره .
بس الاكيد انه يبي يطلع غيضه في اي شيء وفي تدمير اي شيء حوله علشان يرتاح نفسياً.

اقتباس أخوي من أبو صف 2 ثانوي بعد فالمدرسه العسكريه ويقول أن شاء الله راح يربونه عدل لأن المدرسه في بوظبي ومايرجعون لبيوتهم الأ نهآآيه الأسبوع

ما قلت لك ان الغلط في التربيه مو على ام الولد لحالها انتم تتحملون جزء كبير وابوك بالذات
لان عندك اخ ثاني من ابوك تبون العسكريه تربيه لخلل ما.

*مالكم الا تودونه طبيب نفسي يعالجه من السرقه والسلوك العدواني "تجاه الممتلكات".

الله يشفيه ويخليه لكم يااارب
اتمنى انك ماتزعلين من كلامي بس لازم تشوفين الوضع من عده زوايا ولا تصبين السبب الرئيسي على الام.

[نايف عايد]

اقتباس المشاركة الأصلية كتبت بواسطة دانه الكون يعني الي تبين تقولين ان سبب خراب الولد من امه لانها ماتعرف تربي صح >> وهذا الي كنت منتظرتك تقولينه لان واضح من كلامك انك تبين تبينين ان الام غير صالحه لتربيه اجيال (عذراً على صراحتي معك)بس لازم تشيلين هذي الفكره من راسك ولا تصبين السبب الرئيسي على الام.

اختي دانة أنا أؤيد أختي بنت زايد فيما قالت إن السبب من الأم لأنها عاشت وشافت

وهناك البعض من الأمهات ماتعرف تربي وإنما هما زينة نفسها وبيتها والمسايير عن فلانة وعلانة ومن ديرة لديرة تسافر وآخر الليل ترجع للمنزل وتاركة المنزل على الخدم والبنات..

ولاتهتم في البيت والأولاد وتريد أبنائها يتربون أفضل وأحسن تربية ماأعتقد..

فلهذا تجد الخلافات بين الأزواج بعد الطلاق على الأولاد بالتربية
طالما الطفل صغيرا وسهل السيطرة..

تحياتي لك واشواقي..

[دانة الكون]

اقتباس المشاركة الأصلية كتبت بواسطة نايف عايد اختي دانة أنا أؤيد أختي بنت زايد فيما قالت إن السبب من الأم لأنها عاشت وشافت وهناك البعض من الأمهات ماتعرف تربي وإنما هما زينة نفسها وبيتها والمسايير عن فلانة وعلانة ومن ديرة لديرة تسافر وآخر الليل ترجع للمنزل وتاركة المنزل على الخدم والبنات.. ولاتهتم في البيت والأولاد وتريد أبنائها يتربون أفضل وأحسن تربية ماأعتقد.. فلهذا تجد الخلافات بين الأزواج بعد الطلاق على الأولاد بالتربية طالما الطفل صغيرا وسهل السيطرة.. تحياتي لك واشواقي..

وانا معكم ان فيه امهات ما تعرف تربي ولاهيه بنفسها ولا همها شيء الا الطلعه والموضه وفلانه قالت وعلانه لبست وغيرها،، وهن عايشات معاهم بالبيت ومو منفصلين ، ودور الام اساسي بالتربيه بس ما ننسى العوامل الثانيه والبيئه المحيطه.
بس انت اتوقع ما قريت باقي الكلام هي قالت ان عندها اخ ثاني من ابوها يبون يدخلونه للعسكريه علشان يصير رجال ويعقل وحسب ما فهمت من موضوعها الاساسي ان ابوها متزوج اكثر من وحده وعندها اخوان ثانين من امهات غير فــ وش دخل الام الغير خليجيه المطلقه بتربيه ولد جارتها الثانيه الي يبون يدخلونه العسكريه "لاي سبب كان".

[بنت زايد]

اقتباس المشاركة الأصلية كتبت بواسطة دانه الكون يعني الي تبين تقولين ان سبب خراب الولد من امه لانها ماتعرف تربي صح >> وهذا الي كنت منتظرتك تقولينه لان واضح من كلامك انك تبين تبينين ان الام غير صالحه لتربيه اجيال (عذراً على صراحتي معك)بس لازم تشيلين هذي الفكره من راسك لان الفتره الي عاش فيها بينكم قبل تتطلق امه كان ابوك موجود وكان اخوك تحت نظره ونظركم و الفتره الي كان فيها عند امه ما اتوقع فتره طويله علشان يتطبع فيها ويستمر على اطباعه لانك من كلامك تقولين انها اهملته هناك

أيه أنا أجوف أنه السبب من أمه

وصدقيني دور الأم في تربية عيالها مهم وأساسي أكثر
عن الأب ...

جوفي أنا عندي 13 أخو من أمي وأبوي
قسم بالله أنه أبوي طول هالسنيين كله يسآفر برآآ البلاد
ويظل بالسنوات .. ونحن كلنا امي اللي ربتنا
وأنا متى عرفت أبوي لما كنت صف 4 أبتدائي

طول هالسنيين كنت اجوف أمي قدآأمي وأخواني
وأمي هي اللي ربتنآآ

والله ولا واحد من أخواني طلع مب زين
أن كان يسرق أو كل يوم يطلع لنا بمشاكل

هذيلا هم ما شاء الله تزوجوا وعندهم عيآآل


كل هذا منو اللي رباهم هي الأم

أما أبوي كل مايسآآفر يرجعلنا بزوآآره اللي هي حرمه

اقتباس المشاركة الأصلية كتبت بواسطة دانه الكون عندك اخ ثاني من ابوك تبون العسكريه تربيه لخلل ما.

أخوي الثآآني اللي فالعسكريه والله أنه محترم
وهو بنفسه دآآش المدرسه العسكريه مآآحد غاصبه
هو عآآش أكثر شي مع أمه وما شاء الله
مربتنه صح .. ويحترم اللي أكبر عنه

أما اللي اخبركم عنه مايحترم أحد

[نايف عايد]

يعطيك العافيه اختي بنت زايد على موضوعك..

بصراحة يجب معرفة مع من يختلط أخوك في المجتمع حتى نتوصل إلى السبب ومن أين متعلم هذه العادة السيئة ومن أين تناقلها..هذه نقطه

النقطة الثانية ربما قد يكون سبب أستمرار أخوك على السرقات المتواصلة بسبب توفير أسرتكم له كل شيء وفجأه أنحرم من هذا المصروف وقد لجيء لهذه السرقات..

عدم معاقبة لهذا الشخص باليد وانما بالكلام معه لعدم تكرار هذه العادة السيئة بالسرقات مرة أ خرى سببا في تكرار هذه السرقات فمن أمن العقوبة أساء الأدب.

ربما قد يكون أخوك منذ الصغر تحت مراقبة الخدم بالتربية والأهتمام بالترضيع والتنظيف له والأطفال الذين كانوا تحت تربية الخدم عند الكبر ينحرف سلوكه بالسرقات وهناك حالات كثيرة قد لاحظتها..هذه نقطه

وربما قد يكون سبب تعلم أخوك لهذه العادة السيئة (السرقات) عند توصيت أسرتك له إلى السوبر ماركت ماقابل ذهابة للبقالة عدد قليل من النقود مقابل مشواره ولهذا راغ مع هذا السلوك الخاطيء لتعويدة على الحصول على النقود.

النقطة الثالثة يجب معاقبة أخوك معاقبة جافة قاسية خالية من اللين حتى لايكرر هذه الأنحرافات السيئة في السلوك. والأفضل أن يكون هذا العقاب جماعي يشارك فيه جميع أسرتك حتى يتبين له أنه على خطأ.

النقطة الثالثة يجب حرمانه من جميع ماتشتهييه نفسة عقابا له وعزله في غرفة مدة يومان عقابا له وعدم التعاطف معه والضحك له عند تكرار هذه السرقات والعادات السيئة التي تشجعه على الأستمرار بسبب الأبتسامة له.


هذه وجهة نظري ونأسف على الإطالة..

لك كل الاحترام والتقدير..