هل اصبح الشعر العراقي من الماضي الذي نساه جميع متذوقي الشعر الأصيل.. الشعر الجميل.. الشعر
الذي امتعنا كثيرآ.. الشعر الذي عاش في القلوب كثيرآ.. وبهذا الكلام لا أعني الشعر الذي اهان شعر العراق كا البرتقاله والتفاحة وغيرها الكثير من القصائد المخجله التي لا اعتبرها تنم للشعر العراقي الأصيل بأي صلة........
ويسعدني انا ومن خلال الرائدية ان اساعد على إحياء هذا الشعر الأصيل من خلال سرد بعض القصائد الجميله لبعض الشعراء الرائعون إن صح تعبيري ,,,,
وهذه مقتطفات جميله للشاعر العراقي الدكتور سعد الدراجي ,,,
( أحلى الذكريات )
ذكرياتك يا حبيبي عذبتني من بعيد
ذكرياتك مرمر تني وخلت اجر وحي تزيد
وخلت أعيوني تراقب دوم صندوق البريد
ذكرياتك يا حبيبي أتشيب الطفل الوليد
ذكرياتك صارت بيوم الفراق أحلى نشيد
ــــــــــــــــــــــــــــــــــــــــــــــــــ ــــ
( توصيني )
السفر مو سهل يحبيبه
ولحظات السفر أتقطع شراييني
عزيزة أنتي علي تدرين
وأنتي
كل حياتي وباقي اسنيني
ــــــــــــــــــــــــــــــــــــــــــــــــــ ـــ
( السفر جداً صعب )
السفر جدا صعب ووداعك الأصعب
لان طبعك وفي وطبع ألوفا ينحب
وأخاف عليك من روحك
أخاف ايزيدن اجر وحك
ويخليك السفر عا لطول تتعذب
ــــــــــــــــــــــــــــــــــــــــــــــــ
( حبيبي اصبر )
حبيبي اصبر ولا تهمل دمعتك
واترك لي الحزن وأعلن فــرحـتـك
وخلي الفرح مشروع
وأشعل دربك أشموع
وخليني أعيش آني لفرحتك
ــــــــــــــــــــــــــــــــــــــــــــــــــ ــــــــــــــــــــــ
( حلم مشوارك )
خليني إقبالك وأعلن إعجابك
وخليني
اطفي النار البقلبك
واخفف فورة أعصابك
ــــــــــــــــــــــــــــــــــــــــــــــــــ ـ
( العيون الحلوة )
اتركي
الهم والحزن والذكريات
وعيشي
صفحه من جديد ويــا الحـــيــات
أنتي
مو أول بشر ضاق الهموم
ولا وحيدة
أنتي
ترى من البنات
ــــــــــــــــــــــــــــــــــــــــــــــــــ ــ
( غربه )
غربه وليل وامعاتب
وشوق وذكريات وهم
قلي اشلون
يرتاح القلب وينام
لو كلهن
يمرن ذن علــى بنادم
ــــــــــــــــــــــــــــــــــــــــــــــ
( موازيني )
الأيام إلي مضن مرات
لاهدات الروح ولا غفت عيني
عشت بيهه غريب
بدنيتي لوحدي
وحسبه
أتجيبني وحسبه اتوديني
ــــــــــــــــــــــــــــــــــــــــــــــــــ ــــــ
( حيرانة )
اشبيك يا روحي اشجرالك
ليش حيرانة وحزينة
الناس ما تعرف ظروفك
وأتقول يتكبر علينه
ــــــــــــــــــــــــــــــــــــــــــــــ
( اذكريني )
خيالك دوم يبرالى
وبغربتي أيواسي
ومن اجلس أنا بالدرب
اسمع صوتك
من أبعيد هو إللى أيناديني
ــــــــــــــــــــــــــــــــــــــــــــــــ
( يا ليل )
يا ليل طال الوقت
وتعذبت روحي
وزادت هموم القلب
وما طابت اجر وحي
ــــــــــــــــــــــــــــــــــــــــــــــــــ ــــ
( العيد )
أجاني العيد
ما ريده
بجيني اليوم يفلانه
أجاني العيد واجت وياه
آهاته وأحزانه
ـــــــــــــــــــــــــــــــــــــــــــــــ
( غلطان )
طل العيد وأريد
أبعث تحياتي
رغم كل الحزن
رغم المعانات
رغم
بعد المسافة ووحشة العيد
ورغم هجر الليالي والعذابات
ــــــــــــــــــــــــــــــــــــــــــــــــــ ـــــــ
( حزينة )
حزينة حيل وتعتبين
وأنتي اهواي مقهورة
حزينة
أنتي يبعد الروح
وأحس بالعين مو دمعات
أحس بالعين نافورة
ــــــــــــــــــــــــــــــــــــــــــــــــــ ــ
( مهما يطول البعد )
مهما يطول البعد
ما ننسى الأحباب
ويبقى لهم بالقلب
صورة ورسم بالباب
ــــــــــــــــــــــــــــــــــــــــ
( ليش يا دنيا )
الدنيا خلت كل حمله
وحاربتنني
بكل أصناف الحرب
الدنيا
سيف وصار ضدي
وصرت
دركه بيدها بس للضرب
ــــــــــــــــــــــــــــــــــــــــــــــــــ ـ
( ماكو أمان )
نحل جسمي وبعد ما بيه
حيل اجلس ولا قوم
وبعد مابيه حيل امشي
وثقلن علي حتى ذني الاهدوم
ــــــــــــــــــــــــــــــــــــــــــــــــــ ــــــــــ
( بغداد )
اجيت أبلهفة أني وشوق
من ألغربه ومآسيهه
اجيت
وقاصد لبغداد
ورايح
للحبيبة التقي بيهه
ــــــــــــــــــــــــــــــــــــــــــــــــــ ـ
اتمنى ان تعجبكم ولي مع الشعر العراقي بقية,,,,,,,,
بالتوفيق للجميع,,,,,,,,,,
المواضيع المتشابهه
العرض المتطور
