ابي احد يفهم ويفهمني معه ( للنقااش)

[الريم]

الحين عندي سؤال:
لو حولك احد يهمك..ابوك..اهلك...امك..اخوانك..اقاربك..اصحابك..
وحسيت منهم ولو للحظه...انهم هم محتقرينك؟؟
بمعنى كلمة احتقار...
يعني مستخفين فيك..او بكلامك...
او بارائك او شخصيتك..؟؟
وكله عشانها مانسبتهم...؟؟
واصلا سخيفه ماتستاهل اننا نعطيها اعتبار؟!لدرجة انها توصل لتغيير التعامل..!

شتسوون بالذمه معهم..؟؟؟
هذا سؤالي الاول؟؟
هل تسعون عشانهم تغيرون شخصياتكم عشان يرضون عليكم...
والا تقولون بالطقاق عسى عمري مااعجبتهم؟؟
وانا حره بنفسي



انا ودي اعرف شي..
واعذروني على هذرتي لاني بقلقكم معي شوي
الحين النــــــــــاس..الاقارب...الجيران الاصحاب ليش ماعادوا يعترفون بشي اسمو حب؟
ليش ماصرنا نقدر نفهم من اللي يحبنا من اللي عادي..(مانبي نقول يكرهنا لانه بيوضح بالوجه)..!
ليش صارت الكلمه الحلوه قليله...رغم اننا بوقت بأمس الحاجه لها..!
ليش حتى لما تحب..وتحاول تكسب احد يهمك...بيجلس يفكر..ويفكر...ويمكن يحللك تحليل كامل..وبالاخير يرفضك..(بلا سبب محدد)...سوى انك مااعجبته ؟ او مااعجبته شخصيتك؟ او ماروقه شكلك...او حركاتك...او وااات ايفر
يعني استغرب والله من هالناس اللي اصعب شي عندها بالدنيا انها تدخل احد قلبها؟؟؟!!!
او على الاقل تجامله مجامله حلوه...ممكن ترفع فيها معنوياه...وتحسسه باهميته؟؟!!
<اختكم فالله قاطة وجه ماتخلي احد ماتضحكله وتسمعله وتخش معه

سبحان الله...وربي من جد اتكلم...
لاتحسبوني عشان انتم تقرون اقول هالشي...
ياناس انا مدري ليش هم يكرهون؟ ليش يحقدون؟ ليش يحتقرون؟

بعضهم طايحين بالناس شماته؟؟
وبعضهم هاتك حش ونسف عالجامد كمان؟؟؟
وبعضهم شغالين يحللون بشخصيات خلق الله ويعاملونهم على كيف كيفهم؟؟
وبعضهم جاحد...ناكر جميل...مايسوى اننا اصلا نفكر نسعده بشي..؟؟

نوعيات تفجع...تحطم...غريبه..
لانقدر نقول هذولا يهود عشان كذا كل شي منهم جايز
لانهم مسلمين؟؟
ولانقدر ذولا ماعندهم احاسيس...وهم اللي مسوويين فيها اهل للذوق على من يشتهون؟؟!
ولا نقدر نقولهم..بليز حبونااا...ارحمونا...عطونا وجه...لاننا نحبكم

يعني من جد...رضاء الناس غايه لاتدرك...
ومن جد صعب واصعب من الصعب..
خصوصا انهم يخشون بالعميق...مايعجبهم بس انك تضحك وتعزم وتعاملهم بذوق..
يبونك تتغير عن ظهر قلب عشاااان تروقهم..؟؟؟
لانهم بنظرهم مافيه غيرهم صاحي ويفهم...ويعرف يجادل؟؟

بس خلوني ساكته لاني شكلي بجيب العيد

ردووا على وناااقشووني بلييييييييييييز

بليييييييز

الريم

[احسـ العالم ـاس]

اهلا وسهلا الريم



كل انسان يعيش في محيط فرض عليه وليس هو من اختاره ويجب علينا التاقلم معه ومجاراته لكي نستطيع العيش فيه ....

اختى الريم :-
لايوجد فى العالم من يحتقر ابنه او يحتقر اخاه .. ولكن هذه الفكره قد يزينه الشيطان في عقل الانسان ليكون العداوه بين الاهل كما فعل مع ابني ادام عليه السلام .

كل شخص له شخصيه مستقله لو تركها وتقلد بغيرها لما قبلت منه .. فانا وانتى وغيرنا يتقبل الشخص على طبيعته فيعجبني منه شي ويعجب غيري ماكرهت منه انا .

.....


انا ودي اعرف شي..
واعذروني على هذرتي لاني بقلقكم معي شوي
الحين النــــــــــاس..الاقارب...الجيران الاصحاب ليش ماعادوا يعترفون بشي اسمو حب؟
ليش ماصرنا نقدر نفهم من اللي يحبنا من اللي عادي..(مانبي نقول يكرهنا لانه بيوضح بالوجه)..!
ليش صارت الكلمه الحلوه قليله...رغم اننا بوقت بأمس الحاجه لها..!
ليش حتى لما تحب..وتحاول تكسب احد يهمك...بيجلس يفكر..ويفكر...ويمكن يحللك تحليل كامل..وبالاخير يرفضك..(بلا سبب محدد)...سوى انك مااعجبته ؟ او مااعجبته شخصيتك؟ او ماروقه شكلك...او حركاتك...او وااات ايفر
يعني استغرب والله من هالناس اللي اصعب شي عندها بالدنيا انها تدخل احد قلبها؟؟؟!!!
او على الاقل تجامله مجامله حلوه...ممكن ترفع فيها معنوياه...وتحسسه باهميته؟؟!!
<اختكم فالله قاطة وجه ماتخلي احد ماتضحكله وتسمعله وتخش معه

......
اعتقد ان الرد الموجز والمفيد لماسبق ذكره منك يلخصه هذا الحديث الشريف :-

( الارواح جنود مجنده ماتعارف منها اتئلف وماتناكر منها اختلف .)

تحياتي لك الريم واسف لاختصار مناقشتي في موضوعك ولكن لضيق الوقت


تقبلي فائق تحياتي وتقديري

احسـ العالم ـاس

[ابو سلطان]

المرونه
الصبر
الوعي
الذكاء
الصدق
الوفاء
الاخلاص
امزجيهم في قلب اي انسان ينصلح الكون

[عبد الله بن شنار]

اختي الريم اعتقد الام والابو يحقرون بس بسرعه ينسون


اما الاسئله اللي قلتيها الواجد مع احترامي الكبير لك هذا من الحريم تلاقين كل ام تقول لولدها اوبنتها من هم صغار لا تمشي مع ولد عمك وامش مع ولد خالك لا تمشين مع بنت عمتك امشي مع بنت خالتك

تبي عيالها يمشون مع عيال اهلها وبس اما اهل رجلها لا وهذي حقيقه بس لا تزعلين




لأن كلامي صحيح *



اما مع الجيران الشيطان يركي على قلوبهم ووصانا الرسول اذا نبي نتحاب نفشي السلام بيننا



اظن ردي موجز زكافي لبعض الاسئله اما باقي الاسئله رجائا اعفيني منها



تقبلي تحياتي اخوك المجهول الجديد/heart2

[الريم]

يسلمو على المروور والردوود والصراحه اقنعتووني بردوودكم ومشكوورين وانا اسفه على الاطاله

مع تحيااتي

الريم

[عبدالله اليامي]

هلابك ويا مرحبا مجددن


الانسان ابن بيئته اي ان الانسان تتكون شخصيته على طبع الي حواليه

اما اذا الي حولي يحتقروني لاني مؤمن بهذه الفكره الي اقدر اقوله اذا كانت فكرتي صح وانا ادري تمام الثقه اني على حق احاول اثبت لهم انهم على با طل واني على حق با العمل الدؤوب لاثبات اني على حق


اما الي يحتقرون الناس ويشمتون فيهم تلقين فيهم نقص ويعوضونه با الحش في خلق الله لانه ما يقدر يوصل مواصيله اويس وي مثله اذا كان هذا الانسان ناجح
اما اذا كان الانسان على شي غلط فا الاحق ان ينصحه بينه وبينه ولوحدهم لان النصيحه في العلن مثل الشتيمه




الريم يعطيك الف عافيه وتسلمين




تحياتي

[مشعل الشمري]

اخت الريم

تسعدني مشاركتك معنا في هذا القسم

احب اني اقولج اخت الريم الناس ترا اجناس ولكل واحد شخصيته المستقله التي تختلف عن الاخرين

اما عن الاهل فاكيد انهم يبون مصلتك واذا كانت طريقتك وششخصيتك ما تعجبهم وانتي تنظرين اليها كذلك

فحاولي تعديل تصرفاتك وتطويرها للاحسن.

اما الحب فهي كلمة جميلة لها معني كثير ومنو قالك ان الناس ما تعترف فيها

بالعكس نعترف فيها ولكن قل من يعترف فيها فقد طغى علينا في هذا الزمن حب المصلحه يعني عندك مصلحه لي او بيني بينك مصلحه احبم ما عندك شيء بالطقاق اللي يطقك

وهكذا تصرفات الكثير من الناس

ولكن الدنيا للحين بخير وفي ناس تحب وتتفنن بالحب

ولكن لمن يصرف الحب ؟؟

هل انتي تؤيدين انشودة الاطفال هذه التي يقولون فيها احب الله والاسلام والقران والجنه وروحي بالهدى تحيا على نهجن من السنه

انشودة للاطفال دايمن نشوفه على قناة المجد

عدل ولا لا لكن اذا طبقتي ما تحمل هذه الانشوده من معاني كبيره فسوف تنقلب الامور راس على عقب فاحبي الله والاسلام والقران وداومي على قرائته وتدبر معانيه

واجعلي كل تصرفاتك على نهج السنه

فقد بين لنا اسسلامنا كل شيء في حياتنا حتى طريقة لبس النعال اعزكم الله

اما الكلمة الحلوه موجوده اختي الكريمه من قال لك انها قليله ولكن ابدئي بها انتي وسوف ترين الناس تبادلك ايها فكم تعاملين تعاملين بالكسرة على الميم الااولى والفتحة على الميم الثانيه

والدنيا دين ووفى

اما عن طريقة كسب الناس بعامليهم باخلاق ديننا واحتفظي بعفتك واخلاقك وسوف تجدين الناس تتهاوى من جنبك وتحرص لكسب صداقتك

ولا تهتمي لمن لايريدك فكمى يقول التمثل الشعبي من تغلى يخلى

اللي يبك اسعي اليه واللي ما يبك هم اسعي اليه ولكن اختار كلمات صادقه كلمات تنبع يمن قلب صافي وسوف بالتاكيد يغير معاملته معك وان لم تنفع به هذه الحلول فهذا وحش وليس بانسان وان تتركيه خير من ان تسعي ورائه

فبالكلمة الطيبه تستاسرين قلوب الناس


اختي الريم اجعلي معاملاتك ونهج حياتك اسلامي بحت

لان الاسلام وحده هو الذي يصون الحقوق وينمي المعاني

والقران والسنة النبويه هما دوائك

ولا تنسي صلاتك وواجباتك الاسلاميه

لكي تنعمي بحياتك

وشكراااااااااااااا

ننتظر مواضيعك المميزه

[بركـ الحب ـان]

أختي [align=center]الريم الطيبة
انا لن ازيد على ما تفضل به الافاضل الاحبه من قبلي فكلامهم جميل جداا ورائع

ولكن قد يكون لي مداخلة على بعض النقاط الخفيفة
ان احتقار الناس بشكل عام يدل على خلل في السلوك سواء من المتلقي او المرسل وان هناك حاجز وهمي يخلخل العلاقة بين الطرفين ولن يزول الا بزوال هذا الحاجز
فتشي عن طريقة لازالة هذا الجدار
انا اعرف ابااا له اولاد يكره احد ابنائة كرهاا عظيما ويتمنى ان يموت لماذا؟
مع العلم ان ابنه طيب وذو خلق كبير ومنابر الناس بوالديه

والسبب
ان هذا الولد ذات يوم كان يقود السيارة أمام ابيه وكان الولد صغيرا وكان أخوه الاصغر في حوض السيارة والاب يلحظ ابنه هذا انه بداء يتلاعب بالسيارة وكان ينبهه بالسيارة الاخرى ان لا يتلاعب بالسيارة هكذا ولكنه لم يسمع كلامه فانقلبت السيارة أمام الاب وتوفي الطفل الصغير في الحال واصاب الاب صدمة عاطفيه ضد ابنه الاكبر رغم انه كان صغيرا لم يتجاز ذالك الوقت عشر سنوات
واستمر حذا الكرة حتى الان مع ان ابنه الان هذا له ابناء


====
قيل قديماا

المحبوب براحة
يعني هذا ان الانسان المحبوب له قبول من الناس وقريب منهم ويتقبلون منه كل شيء واحيانه يتعذرون لاخطائه ويمنحونه الاعذار لماذا ؟ فقط لانه محبوب


===
الحب . وما ادراكي ما الحب ؟
الحب كلمه مكونه من حرفين ( حب ) تجتمع فيهما الشفتان ويتفرقا بصعوبه كانهما لايردان التفرق
كلمه جميله ورائعه جداااا

الحب هبه ومنة من الله لا يمكن ان تكتسب او انها تمرين او علم يدرس بل هي غريزة فطريه فطر الله الناس عليهاا ولا يمكن ان نتحكم في عواطفنا

واقرب دليل حب الرسول صلى الله عليه وسلم لعائشة دون سائر نسائة


انا معك الكلمة الحلوة ( الصادقة ) قليلة اما الكلام الحلو المبطن فهو كثير
الرسول الكريم عليه الصلاةوالسلام أمر بان يصارح المسلم اخاه المسلم بحبه له وقال قل له اني احبك

وان ترد عليه بان تقول احبك الله الذي احببتني فيه


======
الابتسامه والضحكة
بينهما فارق كبير

الابتسامة ابلغ بكثير من الضحكة واجمل منها فالضحك الكثير قد يميت القلب
اماالابتسامه فانها من أكثر العوامل لمزيله لجدار وحاجز التباعد بين الناس الابتسامة سحر حلال
امره عجيب ومردودها بين الناس غريب

علما بان عضلاة الوجه التي تتحرك في العبوس اكثر من عضلاة الوجه التي تتحرك في الابتسامه
يعني انها غير مكلفه ماديا ولا مكلفة عضليا


والضحك قد يكون منفرا من الناس والكثير من الناس لا تحب كثرة الضحك
المثل يقول ( الضحك من غير سبب من قلة الادب )
اما الابتسامة فانها صدقة تخيلي صدقة بكل ابتسامه
-----
اما الحديث عن الشماته بالاخرين فهذه صفه مذمومه وصاحبها يعاني من عقدة النقص والشعور بالكبر والتعالي
اما الانسان السوي فانه يقبل الناس على علاتهم ويتعامل معهم باخلاقه هو وليس كما هي اخلاقهم
==========
ونكران الجميل صفه قد تكون نابعه ايضا من عقدة النقص والحقد
( اتق شر من احسنت اليه )
فعلا احيانا الانسان يواجه الشر من انسان آخر قد قدمت له خدمة او مساعدة
وليس لهذا الامر علاج بنظري غير ان تقابل النسان المسيء لك بالاحسان اليه وان تدعو له


ارجو ان يكون في كلامي شي قد يضيف شيئا لما قدمه الاخرون قبلي


وتقبلي ارق تحياتي




بركـ الحب ـان [/align]

[الريم]

مشكورين والله عذبتكم معي بالاسئله الماصخه بس وش اسوووي
كلها اسأله تدوور في بالي قلت يا بنت مالك الا الرائديه
هو في غيرهااا
وقلت الاخواان ما يقصروون يبي يقنعوونك وزياده بعد
يسلمووووووو
الريم

[الجوووري]

اختي الريم اشكرك على طرحك هذا الموضوع :ty:


















بعدين ليه ما اتصلتي علي وانا افهمك