[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مساء الخير هالمره بلاش آسف على التأخير=مادام الرد بعيونك دموع بكل تأخيره
ثقل دم العذر وإلا كسح وجه الخطا تبرير=مادامك عارفه طبعي أجل وشوله الحيره
ترى ما جيت لأجل اسمع سواليفك عن التقصير=أعرف إن الخطا مني بلاش نعيد هالسيره
أنا وانتي بهالدنيا تحملنا بعضنا كثير=تعودتي على عنادي وصرت أحب هالغيره
أنا وانتي حكايتنا مثل صدر السما والطير=كثير اللي يطالعها ولا أحد ٍ طالها غيره
أنا وانتي حكايتنا مثل لعبه وطفل صغير=مع إنه دوم يهملها رفض يسمح بها لغيره
أنا وانتي وش أوصف لك عجز عن وصفنا تعبير=مثل .. مدري مثل وشو ولكن صعب تصويره
أنا وأنتي .. بلاش انتي .. أنا لو بفقدك وش يصير=عليم الله لو منتي فلا مريت هالديره
أحبك إيه أحبك ذي بعد يبغالها تفكير=يخلف الله على عقل ٍ ملكتي كل تفكيره
تعالي .. نحترم شيبة غلانا لعن ابو التصوير=تعالي نغتنم فرصة لقانا دامها أقصيره
ومساء اللي تبين أنتي .. على كيفك صباح الخير=أنا كل يوم بتأخر إذا في دمعتك خيره
[/poem]
للمبدع / خلف المشعان
المواضيع المتشابهه
العرض المتطور
