[align=center]يا همّ / رح نـام لاتسهـر علشانـي
عيونك اقراء تعبهـا فـي محاجرهـا
ارتح وانا جروح روحي وضعها ثاني
ضلوع صدري عليها .. الله يقدرها !
ماهو غريب ان سهرت الليل وحدانـي
كـل الليالـي بـلا خـلان ساهرهـا
رح خلني عايش ِ في غربة اوطانـي
اجمع بقاياي قبل الصبـح وانثرهـا !
مابين صبري على ياسـي وحرمانـي
ومابين الايـام ماضيهـا وحاضرهـا
انسى اني اللي يشيل الجـرح ويعانـي
وارجع ل.. ذيـك الليالـي واتذكرهـا
كم جابنـي درب والا .. كـمّ ودانـي
على طعـون المواليـف وخناجرهـا
شاعر ويكتبني احساسـي ووجدانـي
وقصايدي في حبيبة قلـب شاعرهـا
كتبتها شعر .. من يقـراه / يقرانـي
حفظتهـا .. دمعـة ٍ مانـي بناثرهـا
غنيتها .. واصبحت معزوفة الحانـي
رسمتها وابهرت مـن هـو يناظرهـا
تعيش في داخلـي وتحـرك اشجانـي
لو في الحقيقه ظروف الوقت تقهرهـا
لو تطلب عيوني الثنتين ب.. العاني !
في ذمتي ذمـه انـي مـا اتكاثرهـا
كم ليلـه الشـوق سريتـه وسرانـي
كنه يقدي خطاء رجلي علـى آثرهـا
العام .. خلتني انسى الناس من دانـي
ملت حياتي مـن اولهـا ليـا اخرهـا
وقبـل تمـرّ التباشيـر .. وتعدانـي
عن ساحل الوصل مبحرة ٍ بواخرها !
يا كثر ما احتاجها لكـن مـا امدانـي
راحت .. ودنياي ماني ب.. متصورها
حتى التفاكيـر .. تامرنـي وتنهانـي
واسدل على مسرحيتهـا .. ستايرهـا
ان طال صبري على سجني وسجانـي
ايامي المقبلـه .. وشلـون ابصبرهـا
صحيح جاني مـن الايـام ماكفانـي
لكـن فـدوه .. وعـزالله عـاذرهـا
اللي من الشوق تروانـي وتضمانـي
كلش ولا اللي يبي يجرح مشاعرهـا !
[/align]
المواضيع المتشابهه
العرض المتطور
