في ذمتك يا اغلى البشر ماضاق صدرك فالغياب؟!
ولا ولهت لشوفتي في ذمتك يـا اغلـى البشـر؟
ما عدّها من حسبتي فتـرت ذهابـك والايـاب
تساوت الحسبه معي يوم. او. سنه. مدري شهـر
يا لعنبو من لامني لا صـرت اخربـط بالحسـاب
صرت النهـار اكافحـه والليـل اقزرهـا سهـر
الدار ساعت غيبتك صارت خرابٍ فـي خـراب
وانا على طاري رجوعك كل يـوم انـذر نـذر
لامن تناوشت القلم واخذت صفحـات الكتـاب
في كل صفحه ابتدي تطلع معي كلمة (كَـدر).!!
يالحظ الاشهب وشتبي؟ كافي على وجهي شهـاب
من وين ما طقيتها ضيقة صـدر.. ضيقـة صـدر
سيطرت كل السيطره لا عاد تخشـى الانقـلاب
وحطيت في قلب الشقى لوحات تحذيـر وحظـر
مكتوب فيها (ملك لي) ممنـوع منـه الاقتـراب
وبكل ركن وزاويه كاتب خطـر. خطـر. خطـر
تراي انا ضد العرب في قولهـم (يطـرد سـراب)
الياس ماعرِف يمُته وارقـى علـى مـوج البحـر
خلاص ما صارت دلع . ما اشتقت يا مال الذهاب؟
كانه موهُقـك! .العـذر ابشـرك مابـي عـذر
نــاطــره رايـــكــم فــيــهــا ..!!
يا لعـنبـوّ من لامنـي...!!
العرض المتطور
