ماينتهي جرحي ولو كثروا احباب ..

[الدووووخي]

اعجاب وادري يازمن كلك اعجاب ..!!
.......................... كأني طعينه من زمان الصحابه ..
من اربع اميه والف لليوم ماطاب ..!!
........................... كل من نهمته يلمس الجرح هابه ..
ألجيت همّي مابقت فيني اعصاب ..!!
.......................... من جور حزني والقهر والكآبه ..
ياامي لمسته ماعلى حسي ثياب ..!!
........................... هاجوس ضاوي مدري الليل جابه ..

ونين روحي اّرّق صياح زرياب ..!!
........................... والناس تاخذ صيحتي في دعابه ..
شيّبت راسي من تهاويل واتعاب ..!!
........................... ياكيف ابيّن ونتي في كتابه...؟؟!!
مسروج فكري والتناهيد مرقاب ..!!
........................... واتهد حيلي مزنةٍ من سحابه.!!
اشباب ياامي الفوا بثوب شيّاب ..!!
...........................عليهم لباس الفخر والمهابه ..

تلّوه ياامي ماحسبت الهم حساب ..!!
..........................ياحيف ثرهم بالخفايا ذيابه..!!
ياامي قوية والحشا فتّت وذاب ..!!
........................... وعناد صبري زاد ميل التهابه ..
اتلوج روحي بين مخلاب وانياب ..!!
........................... حرمة ولا لي بالذرى كود غابه ..
حرمة ولا لي في ملاجيج لغباب ..!!
........................... نزوح عمري ماغترني سرابه ..

خلاّن قلتي..؟ هو بقى عندي احباب ..!!
...........................كلٍ يصيح الويل من حرما به ..
من وين اجيب احباب واقراب وانساب ..!!
...........................والكل شفتي .. غلّق قفول بابه ..
ابعاد و اقراب .. و اللي قريبين تراهم اغراب ..!!
...........................والماي بارد واحرموني شرابه ..
اعوان و ارهاب و جماعات و احزاب ..!!
...........................والام وجروح وطعون اتشابه ..

لالاح دمعي من على الكف خضّاب ..!!
...........................قالوا صغير الجرح توّه هبابه ..
هباب عمري..من مجاريد لحراب ..!!
...........................يهبون ياامي مالجتهم اصابه ..
ياامي دريتي.؟ لاتناجيت بعتاب ..!!
...........................جرّوا من عتابي لحون الربابه ..
قومي فديتج غلّقي عنهم الباب ..!!
...........................ذولا يزيدون المصاب التهابه ..

رحمتك يارب البشر رب الارباب ..!!
..........................انا رجيت عفوك واحتميت بجنابه ..
يارب عوّضني بجنات واعناب ..!!
........................... وانهار ومخوّة حريم الصحابه ..
عزّاه ياجرحٍ قضى الدهر ماطاب ..!!
...........................لامات بومي ولا قتلني غرابه ..
ماينتهي جرحي ولو كثروا احباب ..!!
...........................اصلا مصابي من عموم القرابه ..

ياسامعيني صفقّوا حيل باعجاب ..!!
........................... هاليوم جرحي جددوا لي مصابه ..
باسباب مابي .. والمقادير باسباب ..!!
..........................والعمر ضايع من يعوّض شبابه ..
امليت قافي من عنا .. آبه وآاب ..!!
..........................سردٍ يشابه كاتبين الخطابه ..
حسافه الطيّب تناهشه الذياب ..!!
........................... في ظل دنيا تشبه ظروف غابه ..

ياامي امانه سجّي دموع واطياب ..!!
........................... وقولي لهم كان( ضحية ذيابه..!!!)
كانت صدوقه في رجا وقت كذّاب ..!!
........................... والصدق فيهم ..عظّم الله ثوابه ..
والعنبو حظ على الطيب غلاّب ..!!
........................... واللي بقى لاااهلا ولامرحبا به ..
تدرون..؟! حنّت من عنا وجدي اركاب ..!!
........................... ولاعاد باقي مايثير الغرابه ..

ياامي غفيتي..؟ قومي ادموني ابناب ..!!
...........................ياعل تطويهم دروب الخرابه ..
اعجاب ادري يازمن كلك اعجاب ..!!
...........................فتقت جرحٍ ماحدٍ قد درابه ..






لَّلشآإعرة../ ريآإنةَ آلعودَ ..~

[دانة الكون]

قصيده رااائعه
صح لسان الشاعره

سلمت على الاختيار الراائع

[الدووووخي]

اقتباس المشاركة الأصلية كتبت بواسطة دانه الكون قصيده رااائعه صح لسان الشاعره سلمت على الاختيار الراائع

شكرا لتواااااجدك وحضووركــ ..

[أبو الوليد]

.







سلمت على النقل والاختيار


لا حرمنا من كل جديدك يا ../ الدووووخي ...!!






::

وفقكم الباري

.. .. ومضـــــــــــــــــــــة .. ..

لآ إله إلا أنت .. .. سبحانكـ .. إني كنت من الظالمين .....!!

[الدووووخي]

اقتباس المشاركة الأصلية كتبت بواسطة أبو الوليد . سلمت على النقل والاختيار لا حرمنا من كل جديدك يا ../ الدووووخي ...!! :: وفقكم الباري .. .. ومضـــــــــــــــــــــة .. .. لآ إله إلا أنت .. .. سبحانكـ .. إني كنت من الظالمين .....!!

شكرا لمروركــ وحضــوركــ ...

[صانع الإبداع]

..
>>
↓
كل الشكر لك على اختيارك الجميل
..
^ _ ^

[الدووووخي]

اقتباس المشاركة الأصلية كتبت بواسطة صانع الإبداع .. >> ↓ كل الشكر لك على اختيارك الجميل .. ^ _ ^

1000 شكر على حضــوركــ ومروركــ ..

[بشاش]

....... سلمت على موضوعك .......

....... الله يعطيك العافية .......

[الدووووخي]

اقتباس المشاركة الأصلية كتبت بواسطة بشاش ....... سلمت على موضوعك ....... ....... الله يعطيك العافية .......

1000 شكر على حضــوركــ ومروركــ ..

[شمس الرائدية]

.
أختيار رائع ..
الله يعطيك العافيه ..’’