[align=center]هذي قصيدة جميلة قرأتها بأحد المنتديات وحبيت ان انقلها لكم بهذا المنتدى الموقّر وهي لشاعر بدوي يتغنى بهذي القصيدة عن حبه العفيف لملهمته وأسمها نوف اتمنى ان يحوز على رضاكم[/align]
[poem=font="Traditional Arabic,5,black,normal,normal" bkcolor="transparent" bkimage="" border="ridge,4,black" type=1 line=0 align=center use=sp num="0,black"]
الناس لاموني وانا ماعلـي لـوم= في حب نوفةًًًًً(ن)من البيض عفـرا
لو انها في مدة الفـرس والـروم= لعبت بقيصر واسهرت عين كسرا
يلومني من لا جفا عينـه النـوم= من لا يجاذب دمعته كـل عصـرا
ماهو بمثلي من زمانين مضيـوم= ليل صويب وليل من ضمن الاسرا
اقرا مواضيع امس واكتب عن اليوم= وان حد نشدني قلت لااكتب ولااقرا
حب النقا راعيه بالصمت ملـزوم= وانابحـال الحـب واخـبـاره ادرا
وجدي على اللي قربها غايتي دوم= اللـي تلاوعنـي بصـد وهجـرا
الجادل اللي حبهـا سـر مكتـوم= ورمـوز قصـة واقعيـة وذكـرا
في صمتها الراهب مواضيع وعلوم= تلهيك عن باقي المواضيع الاخـرا
جمالها عند اجمل الخلـق معـدوم= وموصفة شمس على وصف بدرا
مثل الهلال حجابها كنـه مرسـوم= والخد بـدر والجعـد ليـل غـدرا
والعين بحر عازل قوم مـن قـوم= لبسوا السواد ومحتضين للمسـرا
وخاتم سليمان به الـدر مختـوم= والشفتيـن تقـول وقـاد جمـرا
والعنق سلة هند في كف زيـزوم= طلاب ثار صبحـوا القـوم فجـرا
وعقد تلامع بـه قناديـل ونجـوم= وتفاحتين فـي بساتيـن خضـرا
ملهوفة السرجوف والورك مزموم= كنه يعـوذ فـي الجدايـل ويبـرا
والفخذ بغدادي على الوصف مبروم= تصفق عليه بكفهـا يـوم تـزرا
خضابها يوصف على جيش مهزوم= قفا وراياتـه مـن الـدم حمـرا
بالهون تتخطر على الدرب وتهوم= مغرورة طفلـة ثمـان وعشـرا
تقعد لها الدنيا على ساق وتقـوم= وتميل معها ميـل شـراب خمـرا
تسبيك تستيسرك ترميك بسهـوم= والجرح منها صايب ليـس يبـرا
لو شافها اللي لا صلاة ولا صـوم= رتل عليها سورة الشمس جهـرا
هذا وانا هيمان هايـم ومهمـوم= ولهان لا اتصبر ولا اطيق صبـرا
[/poem]
المواضيع المتشابهه
العرض المتطور
