ـ
ـ
السلام عليكم ورحمة الله وبركاته ،،،،
ــ
حرام تمرّ عليّ هالقصيدة وما أجيبها لكم هنا ... !!!
[poem=font="Simplified Arabic,4,darkblue,bold,normal" bkcolor="limegreen" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يا نفس صدّي عَمْد وإرقي من رفاع إليا رفاع = وأنتي عزيزة ما رضيتي بالتّدني والخضوع
تجاهلي وإرقي على قمّة مراقيب السباع= لو التذلّل يشبع الأنفس يموت الذيب جوع
مير المثل قال : القناعة كنز والدنيا متاع = والمغرية لو تغري الطماع ما تغري قنوع
وأنا أحمد الله يوم أسوق الرجل فـ السبل الوساع= وإن سقتها قدّام .. ما يطري على بالي رجوع
أصدّ عن بعض المداخل عمد قصرٍ للنزاع = من خوف لا تجذبني الزلّة وأنا رجلٍ جزوع
تجزعني الزلّة ليا جتني من لسان الشجاع = لو كنت أصمّ أبكم ليا صارت من لسان الدنوع
ماني بـ جاهل مير تحكمني تقاليد وطباع = وأشوف ناسٍ ما يعرفون النزول من الطلوع
من يطرد الدنيا محبة قدر يبشر بالضياع = واللي يعدي فوق ما يحسب .. مصيره للوقوع
واللي يعبد وجيه خلق الله مثل عابد سواع = أنا دخيلك يا عظيم الشان من بعض الركوع
يالله لا تضفي على وجهي من الغفلة قناع = وألهمني الطاعة ولا تجعل جبيني بالمنوع
أنا عليّ من الذنوب السود ما لا يستطاع = تاخذني الغفلات والإنسان مخلوقٍ هلوع
غرقان فـ اللذات والأيام تطويني تباع =على سفر واليوم يقرب من ربوع ليا ربوع
اسألك حسن الخاتمة يا ربّ لحظات الوداع =والعفو والغفران من شيءٍ ورى حدب الضلوع
أنا عدو إبليس والشيطان معصيٍّ مطاع = أحيان يغويني على ذنبي وأطيع النفس طوع
وأذنب وأنا من رهبة الموعد معاليقي شباع = والخوف يدخل في شراييني على مليون نوع
خوفي من اللي يقتفيني بعد ما يطوى الشراع = والصحف والميزان والأنكال في يومٍ يروع
والعمر مهما طال حبل العمر لابدّ إنقطاع = وليا ذكرت اللي مضى لي كنّه أقصر من أسبوع
يا ربّ زدني خوف وإيمان وتأمل واقتناع=ونور وهداية منك واسكنّي ملذات الخشوع
وزدني يقين ومتّع أسماعي بحسن الاستماع = يالله ولا تجعل عيوني منك تبخل بالدموع
النّفس أمّارة وأنا والسوء في حرب وصراع = والفاتنة تلعب على عيني مثل لعب الفروع[/poem]
ما أعرف الشاعر والله ... ولكن " الله يرحمنا برحمته " ....
المواضيع المتشابهه
العرض المتطور
