وداعا ابي ..!!

[!!سكروووب!!]

اصعب احساس انك تبكي علي قبر شخص تعزه وتغليه..!!

اصعب شعور ممكن تحسه اذا تخيلت ان العمر بيمضي بدونه..!!

هذاك ابوي ..الله يرحمه..!!

طبعا الخاطره كتبتها بعد ماقريت لاحد لاحد الاشخاص انه مشتاق يشوف ابوه وكانت الخاطره الحزينه عسا ماتشوفون احزان............

اذا انته لابوك تشتاق
ايا حظك وايا سعدك
يعني ابوك عايش
يعني
ممكن تشوفه
اليوم
بعد شوي
ويمكن يكون بكره
علي كل حال ولو طالت
ابوك عايش ابوك مامات
مشتاق لاحضانه
مشتاق تبوس راسه
مشتاق
ومن الشوق منت قادر
تشوفه بلحظه
وتنثر همومك علي صدره
اااااااااااااااه
صدقني ايا حظك
وايا سعدك
وانا ماني بحاسدك
عسا الله لايفرقكم
عسا ماتفقد الغالي
مثل ماني فقدته
ابوي ياصاحبي مات
دفنته بيديني قبل شهرين
واذا تبغا القصه
انا ببداها من الاول
ابوي ياصاحبي غير
ابوي معني التسامح
ابوي كله علي بعضه خير
اااه يا كنت لابوي اشتاق
مثل منته لابوك تشتاق
يغيب عني ايام
وبعض احيان تصير شهور
وابكي
اي والله ابكي
لامني تذكرته وانا مكسور
قسم بالله تخنقني العبره
مثل ماني
انا مخنوق هاللحظه
ولامني انا شفته
ترجع بي سنين العمر
واحس اني تو مولود
ولاهم ولا احزان لاشفته
تضيع ياصاحبي بلقياه
هذاك ابوي اللي مات
قبل شهرين كانت
اعظم الصدمات في عمري
جاني خبر
الا ياليت ماجاني
تمنيت الموت لحظتها
تخيل او يمكن صعب تتخيل
وانا مابغاك تتخيل
لاجاك الخبر قاسي
واذا تبغاني اشرح لك
انا ياصاحبي بشرح
جاني خبر علي الجوال
يوم الاثنين عشرين عشره
يعني ماكملت شهرين
والخبر كان بالتفصيل
دق الهاتف المحمول
فتحت الخط
ورديت وانا مذهول
شخص اعرفه واعرف اسلوبه
كانت ضحكته تسبق حكاويه
وبصوت تخنقه عبره
حاول ولاكن ماقدر يخفي
ولو انه حاول يخففها
ابوك وضعه صعب
قدر ياصاحبي مكتوب
اليوم صار له حادث
وانا بدون شعور
يعني مات ابي اعرف
طلبتك تكفا تصارحني
ولاكن ماقدر يحكي
وكل اللي قاله ابد طيب
ولاكنه يبي يشوفك
نسيت الكون في لحظه
نسيت امي
نسيت اخواني العشره
نسيت الكل في لحظه
ولاودي غير
اشوفه بس واضمه
مشيت بموتري يمه
وقبل لاصله
جاني الخبر كله
ابوك الله يرحمه مات
مات وهو وده يشوفك
وده يشوفك قبل لايموت
بكيت من القهر علي فرقاه
تصدق كل اللي تمنيته بلحظتها
يحطوني انا وياه في قبره
وبعد موته ضاقت الدنيا
قعدت ايام وانا ابكي
الين في يوم
زارني بالحلم
كتب لي رساله
كلام كثير ولاكني
ماقريت من الكلام غير احلاه
"بعدي ياولدي"
عرفت المغزي ..!!
يعني انا مرتاح ياوليدي
لدامك حي
عيالي بخير
وكانه يوصيني
باخواني العشره
وكانه يوصيني
بامي المريضه لا ازعلها
وهو يعرف اني اموت
ولا اقدر ازعلها
ولاتذكرت وجهه وهو ميت
ارتاح ايه ارتاح
تدري ليش
لان العود كبير السن
ولا اذكر بعمري شفت
احلا من صورته ذاك اليوم
ولاتسالني
ليه اليوم اضحك
ليه مابين
علي الحزن معكم
لاني عرفت
ان الموت حق
ولاكن
عسا ربي
يحسن خواتمنا

اتمني ماكون كدرتكم بس خاطره جا لها مجال ونزلت ..!!

الله يرحمك يابوي ويسكنك فسيح جناته انتقل الي رحمه الله بعد حادث مضي عليه الان اكثر من سنه..!!

[أبومهاوى]

[align=center]اهم ارحم موتانا وموتا المسلمين جميعا

وعلى قولت المثل من خلف مامات [/align]

[!!سكروووب!!]

اقتباس المشاركة الأصلية كتبت بواسطة أبومهاوى [align=center]اهم ارحم موتانا وموتا المسلمين جميعا [/align][align=center] وعلى قولت المثل من خلف مامات [/align]

جزاك الله خير اخوي ابو مهاوي ولا اراك الله مكروه

[AYAWASEL]

الله يرحمه و تعيش و تفتكره ....

يعطيك العافيه على ها الخاطره ....

[!!سكروووب!!]

اقتباس المشاركة الأصلية كتبت بواسطة ayawasel الله يرحمه و تعيش و تفتكره .... يعطيك العافيه على ها الخاطره ....

جزاك الله خير اختي الاسكندرانيه

[وليفي هجرني]

والله الصراحة
إني ماقريت الموضوع بالكامل
لانه حزين
واسال الله
أن يرحم جميع أموات المسلمين
تقبل تحياتي
وليفي هجرني
ووشكراااااااااااااااا

[!!سكروووب!!]

اقتباس المشاركة الأصلية كتبت بواسطة وليفي هجرني والله الصراحة إني ماقريت الموضوع بالكامل لانه حزين واسال الله أن يرحم جميع أموات المسلمين تقبل تحياتي وليفي هجرني ووشكراااااااااااااااا

جزاك الله خير اخوي وليفي هجرني

[عزيزة نفس]

الله يرحمه ويغفرله ويسكنه الفردوس الاعلى





خاطره روعه على الرغم من وجود الأ لم في كل حرف من كلماتها





الله يعطيك العافيه

[!!سكروووب!!]

اقتباس المشاركة الأصلية كتبت بواسطة عزيزة نفس الله يرحمه ويغفرله ويسكنه الفردوس الاعلى خاطره روعه على الرغم من وجود الأ لم في كل حرف من كلماتها الله يعطيك العافيه

جزاك الله خير اختي عزيزه نفس والالم ماهو الا مشاعر ترجمتها حروف حزينه ...الف شكر

[mύβαřαķ αlsαhli]

يبه وينكـ] × ~



وتمضي رحلـة الدنيـآ بليـآ طلة ع ـيونكـ]×~




ـــــــ


اخي


سلمت على الخـآطرهـ