[align=center]
إهـداء : إلى أخي ( نــــواف )
ابو رايد : أعلم أنني تأخرت لكن هي الظروف
وأعلم أن قلبك النقي سيقبلني وبلا عذر ٍ بليغ
اخواني في الرائديه أقدم مشاركتي الأولى
وأتمنى من كل قلبي أن تحوز على رضاكم
.........................
[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شفت السؤال اللي بصدري له أعوام = راحت سنين ولاتركني فضوله
نفس الزمان وقسوته نفس الأحكام = ونفس الإجابه في لساني خجوله
هذا أنا ياصاحبي طول الأيام = والجرح نفسه من سنين الطفوله
خطاط كنت وكان نواف رسام = والكل منا يفتخر في ميوله
كنا نذاكر كل موضوع بإلمام = والواجبات بكل يوم محلوله
كنا نحوز أعلى المراتب والأرقام = كانت خطانا للتفوق عجوله
ناخذ كراسينا من الفصل قدام = ونترك ورانا الطاولات الكسوله
هم حققوا يا صاحبي كل الأحلام = تربعوا فوق الغمام بسهوله
وحنا بقينا للأسف نتبع أوهام = نركض ورى غيم ٍ تأخر هطوله
مثل السراب وزادنا قربه إقدام = ماهو بعيد وطول الأيام حوله
والشعر لو جيته عبث جاني إلهام = قلته بصدق وكلهم صفقوله
لا ماكتبته لجل شهره بالإعلام = وزيف الصحافه ماسعيت لوصوله
مادامه أصبح بين بايع وسوام = يفداك منهو يشتريه بعموله
ياصاحبي وش يختصر نزف الأقلام = والحزن أكبر من كلام ٍ نقوله
ماصرت خطاط ٍ ولاصار رسام = والكل منا مامشى في ميوله[/poem]
[align=center].........................[/align]
[align=center]شكراً من القلب
لكل من مر من هنا
تحاياي
عبدالله فارس[/align]
المواضيع المتشابهه
[/align]
العرض المتطور
