ظلم أرامكو ( الخفجي ) لإبنائك ياوطن !!

[مشاري أل مشاري]

بسم الله الرحمن الرحيم ..

قال الرسول صلى الله عليه وسلم ( من رأى منكم منكراً فليغيره بيده ، فإن لم يستطع فبلسانه ، فإن لم يستطع فبقلبه وذلك أضعف الإيمان ) من هذا المنطلق أقول .. لإخي الدكتور : عبدالله الطويرقي في تعقيباً على ماذكره في مستشفى عمليات الخفجي المشتركه سلم فاك ودام امثالك من انصار الحق في هذا الزمن فبمولاي خادم الحرمين الشريفين أدامه الله تعالى أصبحنا لانهاب ذلك الظلم وبك أخي فتحت الأبواب على مصراعيها لمن لايدري بحال هؤلاء الموظفون المستضعفون الذين لايريدون سوى لقمة عيش وحياه كريمه لأسرهم فعملهم ساعات طويله عشر ساعات يومياً , سواء موظفين أو موظفات ولكن الظلم التعسفي وعدم المراقبه جعلت ولاة الأمر ( المقاول ) تقليص حقوقنا وتناسوا وضربوا بتوجيه مجلس الشورى قبل سنتين عرض الحائط في معاملة موظف القطاع الخاص معاملة موظف الشركه النفطيه واعطائه نفس الحقوق والمميزات ، ولم يكتفوا بهذا التجاهل بل فصلوا موظفين وموظفات دون حسيب او رقيب ودون سابق انذار وتقليص الرواتب وتوقيع الموظف او الموظفه مرغماً على عقد ( أعزب ) !! وهم يعلمون أن له 6 أو 7 اولاد وذلك يعتبر فوق التجاوز الأنساني تجاوز قانوني بالتزوير .. ومايترتب على ذلك من أسقاط كافة الحقوق للموظف العائل ، بخلاف الموظف الأجنبي !! حيث يتمتع بكافة الحقوق من علاج لإبنائه .. وتوفير تذاكر وبدل مدارس داخليه ، وذلك تمييز عنصري فاضح والأسباب معروفه !! وأصبحنا حقل تجارب لكل مقاول يفعل بينا مايشاء دون ادنى مناظر للعداله فهذا المنشئ الحيوي ( المستشفى ) لاغنى لإرامكوا الخفجي عنه فإلى متى هذا الحال !! دون ترسيم فقد رسمت الراقيه وماسكو، ولم يكن لوجودها مقارنة بعمر المستشفى وإن من رسموا بالراقيه صغار سن دون خبره مقارنة بموظفي المستشفى . حيث تتجاوز خبرة أقل موظف فيهم العشر سنوات ولكن ذلك لإعتبارات أخرى ؟؟؟ والجواب بإختصار لأن اغلبية الموظفين في الراقيه من ابناء المدراء في الشركه ؟؟؟ فإلى متى يا .. أرامكو الخفجي هذا الظلم دون حسيب !!؟

[دانة الكون]

الله يعينكم يا اخوي والله تعب وراتب مايسوى بس احسن من قعدت البيت وانك تمد يدك لفلان وعلان.
الله يرزقكم من اوسع ابوابه و ينصركم على الظالم
بس ليش ما تقدمون شكوى جماعيه بالاسماء و موقعه من الجميع وترفعونها للجهات المختصه حتى لو ماترسمتوا اقلها يتحسن وضعكم ويزيد الراتب او تصرف لكم بدلات.

[نايف عايد]

نسأل الله ان ييسر لكم أموركم ويحقق لكم مبتغاكم فلن يدوم الظلم بإذن الله طالما هناك مطالبين..

تحياتي لك واشواقي..

[الرــآيــق]

اخوي مشاري
كلامك صحيح وميه بالميه
والله ظلم في ظلم
الراتب ضعيف واذا كنت متزوج لايتعالج ابنائك في مستشفى الشركه
(الدعوه سايبه)
ولكن ماذا نقول غير حسبنا الله ونعم الوكيل
و
و
شكرآ عفوآ

[سنا برق]

للأسف المقاولين ليس لهم رقيب ولاعتيد وحقوقنا نحن موظفين القطاع الخاص مسلوووووووووووووووووووووووووووووووووووووووووووووبه

[الفيصــل]

أي ظلم تتكلم عنه !!
ارامكو " الظهران " فيها مقاولين مو بس هنا !
ومو كل موظف مع مقاول ترسمه الشركة ]
افهموا ياناس ارامكو لها " نظام للتوظيف المباشر "
وانتم بما أنكم توظفتوا مع مقاول يعني شهاديكم ثانوية
أو جامعة بتخصص غير مرغوب او تقديركم مقبول !
وأحمدوا ربكم أن عطاكم المقاول فرصة للتوظيف والخبره
ترى فيه الوووف عاطلين ومستعدين يتوظفون مع المقاول !
" استقيلوا إذا مو عاجبكم الوضع ودوروا وظيفة تناسبكم "
هذا رائي الشخصي بعيد عن العاطفة وبكل واقعية

[هدوء المطر]

أي واقعيه تتكلم عنها يا (الفيصل) اشخاص كثير يشتغلون عندهم ماشاء عليهم يشتغلون بذمه وعندهم دورات تأهلهم للترسيم غير الخبره اللي يمتلكونها,, وانت إذا كنت مكانهم ماتبي تقعد طول عمرك بالراتب اللي يالله يعيشك واغلبه للقروض الله يعينهم, ليه الواحد مايفكر يتزوج مايبي يكون اسره!و واللي عنده خبره ليه مايرسمونه ولا عشان هو سعودي .حرام عليهم يشتغل الواحد عندهم عشر ساعات باليوم مافي شي يطيب الخاطر على الاقل تحفيز يشجعهم للشغل لا وأخرتها يقومون يفصلونهم يحلو مكافأتهم بس. على إني ماشتغل بس الواحد يحس بغيره عندي اقعد بالبيت ولا هذا الذل أوكي اصبر سنه سنتين وثلاث وبعدين يعني لمتى هذا الحال,البنت ماعليها بس المشكله بالشباب اغلبهم متزوجين واللي يصرف على أهله أي واقعيه تتكلم عنها.مبين عليك ماجربت ولا شلون تحس فيهم احس انك تمن عليهم هذي الوظيفه وهذا أنت شاب!!
الله يعينهم

[موظف مقاول]

أي ظلم تتكلم عنه !!
الاتعرف بانه تم زيادة رواتب الاجابن في المستشفى 100% وان ابناء وطنك وهم افضل من الاجنبي بكثير في المؤهلات وفي العمل تم فصل بعضهم بدون وجه حق والبعض الاخر تم خصم رواتبهم النصف بغية تطفيشهم وبعد الرفع الى المقام السامي تفضلت ارامكو بابقائهم على نفس وضعهم بعد خدمه 14سنه ولم تتكرم اوتنظر في ترسيمهم او حتى زيادتهم نفس مازادة الاجنبي وياعيني على الوطنييييه يالمسؤلييييين في ارامكوووووو حتى الاجانب ضحكتوهم علينا

[MNSS]

ارفع شكواك للمسؤلين في الدولة ... وان شاء الله بيلقون لك حل ...

واترك عنك المنتديات ، ،،،،

[الإعصار]

اقتباس المشاركة الأصلية كتبت بواسطة الفيصــل أي ظلم تتكلم عنه !! يعني اللي يسمع كلامك يقول اي والله اي ظلم الظلم لما تعطي الاجنبي زيادة فوق 60% من الراتب والسعودي كما كنت ولا يفصل بنظرك ظلم والا مو ظلم ارامكو " الظهران " فيها مقاولين مو بس هنا ! في احد قال غير كذا !!؟؟ ومو كل موظف مع مقاول ترسمه الشركة ] صح عليك مو كل موظف توظفه الشركة لاكن خبرة الشباب من خمس سنين الى عشر سنوات اوأكثر من ابسط حقوقهم يترسمون وانت تعرف في مقاولين ترسموا بظرف سنة الى سنة ونص وانت تعرف هذا فلا نضحك على بعض من المنطلق هذا من ابسط حقوقهم يترسموا يابطل افهموا ياناس ارامكو لها " نظام للتوظيف المباشر " لا ماحزرت هالمره ما اوافقك الراي التوظيف المباشر للواسطات من الاخير وانتم بما أنكم توظفتوا مع مقاول يعني شهاديكم ثانوية أو جامعة بتخصص غير مرغوب او تقديركم مقبول ! ضحكتني الله يسعدك يعني السكريتي تبيه جامعي مثلا!؟؟ الرسبيشن تبيه جامعي مثلا!!؟؟ بس احب اطمنك الشباب اللي معاه شهادة جامعية واللي ثالث سنة جامعه واللي رابع سنه الله يوفقهم مع العلم الوظائف اللي هم فيها تطلب ثانويه عامه فقط وأحمدوا ربكم أن عطاكم المقاول فرصة للتوظيف والخبره ترى فيه الوووف عاطلين ومستعدين يتوظفون مع المقاول ! الحمد لله على كل حال الفرص موجوده لاكن انصف الناس وعطهم حقهم مو الاجنبي ياخذ حقه مدبول والسعودي طايحين فيه ادري انو في الوف لاكن الالوف ما عندهم الخبره يا بطل اللي عند الشباب " استقيلوا إذا مو عاجبكم الوضع ودوروا وظيفة تناسبكم " هذا رائي الشخصي بعيد عن العاطفة وبكل واقعية مو حل استيقلوا ؟؟ ليش ما يعدلوا اوضاع الشباب وانت بنفسك تقول موجود الوف عاطلين يعني تبي تزيد البطاله حياك انت ورايك الشخصي ومثل ما قلت شخصي والموضوع مايبيله عاطفه أكثر من أنصاف واعطاء الناس حقوقها والا في هالوقت اللي يطالب بحقه يعتبر أرتكب جريمه والا يفصل على قولتك ويجلس في بيتهم تنوية: من قرارات مجلس الشورى اي سعودي يشتغل في ارامكو وتتعدى سنوات خبرته 5سنوات يرسًم في ارامكو والا يعامل معاملة موظف ارامكو ويستلم نفس المميزات والحوافز يعني من ابسط الحقوق الترسيم