(( تدري ليش اتجاه البوصله دايم الشمالي ))

[أبو فيصل]

لأجل الشمال وريحة الطيب والهيل
حتى اتجاه البوصلـة جـا شمالـي



مدري عشق بافعالنا فزعة الخيـل

مدري عشق فينا صعـود المعالـي



مدري عشـق فنجالنـا والتعاليـل

او عشقه اكبر من مساحة خيالـي


او لاجل [شمّر] متعبيـن المعاميـل
او [لعنزة] مـن دار غالـي لغالـي



او لاجل ربعي فزعتي عزوة [رويل]
خمس الجموع ومحتميـن التوالـي



كذا اتجـاه البوصلـة دون تحليـل
بـس الاكيـد ان اختيـاره مثالـي



دار الشمال وعدلها يسبـق الميـل
ومن شانها اعشق من هبالي هبالي



دارٍ تغنـي فـي كرمهـا مواويـل
وطيبٍ يفوح ببوح صفـر الدلالـي


ولاجل الشمال وريحة الطيب والهيل
افخـر اذا قِيـل انتمائـي شمالـي



مما راق لي

[ناصر الزعبي]

اقتباس دارٍ تغنـي فـي كرمهـا مواويـل وطيبٍ يفوح ببوح صفـر الدلالـي ولاجل الشمال وريحة الطيب والهيل افخـر اذا قِيـل انتمائـي شمالـي

نقل رائع اخوي عاشق الغموض

[أبو فيصل]

اقتباس المشاركة الأصلية كتبت بواسطة ناصر الزعبي نقل رائع اخوي عاشق الغموض

الاروع هو تواجد حروووفك العطره


لاعدمنااااااك

[دانة الكون]

قصيده رائعه بروعه اختيارك

الله يعطيك العافيه وسلمت يداك.

[أبو فيصل]

اقتباس المشاركة الأصلية كتبت بواسطة دانه الكون قصيده رائعه بروعه اختيارك الله يعطيك العافيه وسلمت يداك.

الله يعافيك ويسلمك

اسعدني مرورك العطر

[خفجاوي موت]

كفو وبيض الله وجهك

[أبو فيصل]

اقتباس المشاركة الأصلية كتبت بواسطة خفجاوي موت كفو وبيض الله وجهك

اشكرك على الاطراء


واسعدني مرورك العطر

[أبو رائد]

كلمات جميلة ورائعة

سلمت .. والله يعطيك العافية

[أبو فيصل]

اقتباس المشاركة الأصلية كتبت بواسطة أبو رائد كلمات جميلة ورائعة سلمت .. والله يعطيك العافية

الاجمل هو تواجد حروفك العطره


لاعدمناااااك

[احبك الوفاء]

قصيده رائعه بروعه اختيارك