[align=center][table1="width:86%;background-image:url('http://www.alraidiah.org/up/up/31243475620110804.jpg');"][cell="filter:;"][align=center]
لو اسافر وين اسافر ماني برايح بعيد !!
دامني في وسط صدرك من بلاد إلى بلاد
لو اسافر !! عن عيونك انت في عيوني اكيد !!
كل ما نادى بياض العين لباك السواد
لو اسافر !! أي علي مرفوق لا آردد واعيد
إن حبك كل ما تزيد المسافه .. زاااد ..
زاااد
زاااد
لين ما يطغي على قلبي ويحتل الوريد
ويتخاشر مع هوى الانفاس في لحظة وداد
(لا عقبني شر ) باسافر ونفسي ما تريد
كود تبقى بخير ويحفظك لها رب العباد
وماني موصيك في روحك .. ولو طبعك عنيد
بس تدري ما عجبني في حلاك إلا العناد !!
زين وجهك لا زعلت !! ايوه يا ملحك يزيد
كل ما تزعل يزيد الغنج في وجهك فساد !!
والشفايف جمرها لا ساح حبات الجليد
وقتها لا عاد تنشدني عن انفاسي لا عاد
ايه باسافر !! ولكن ماني مسافر وحيد !!
دام روحك ما تبارحني فيا طيب الرقاد
وايه بسافر !! على متن المحبه دون قيد
لاني اصلا ً ما احب اسلوب حب الانقياد
وايه بسافر !! ومابه عقب ما اسافر .. جديد
غير شوق ٍ يلوي ضلوعي على درب البعاد
بس لا هب الهوى الغربي مع البرد الشديد
شب ضوك .. من طواري حبنا في كل واااد
وفي غيابي !! لا تناسى عهدنا .. يا ريم صيد
دام عادك عند وعدك لي و ( ريم ٍ ما يصاد )
وفي غيابي !! كل ما تشتاق حاول تستعيد !!
كل ( ليله عشق ) لا هبت نسايمها براد !!
وفي غيابي !! خل شمس الصبح مرسال البريد
لانها من نور وجهك .. تاخذ النور امتداد
فكل ما تقرى مشاعر عاشق ٍ حسه قصيد
اعرف ان لك بين طياته مساحه و( انفراد )
وكل ما غنى مخاوي دمعة الحزن الاكيد
تستثر كل المشاعر .. دمعة عيوني وكاد
عاشقك يا نور عيني .. صاير عقبك بليد
والليالي في غيابك .. لابسه ثوب الحداد
آه يا شين المفارق .. وآه لا ذاب الجليد
لا حد ٍ منا تهنى .. ولا حد ٍ منا استفاد !!
مد لي يدك .. ( باسافر ) وانت كرر لي وعيد
اول ابيات القصيده .. واعرف المعنى المراد
( لو اسافر وين اسافر ماني برايح بعيد !!
دامني في وسط صدرك من بلاد إلى بلاد )
وإن يقولوا ( ما يفك من الحديد الا الحديد )
فما يداوي عوق قلبي( غيرك )وهذا .. الوكاد
لِ حمدالبريدي
ولكل من عطر المكان بِ نبضه
[/align][/cell][/table1][/align]
المواضيع المتشابهه
العرض المتطور
