[poem=font="mudir mt,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
اللي يشوف الناس في شق عينه = يبعد عن اقدام البشر لا تدوسه
واللي غزاه الكبر تبت يدينه = الزود نقص ٍ والعقول معسوسه
يقنى الرخيصه يحسبنها الثمينه= تلعب به اوهامه على ادنا طقوسه
وملا يقدم للنشاما يمينه = قدره مع يسراه حقه وقوسه
ابلا سبب كون بصدره ضغينه =علامة احزانه دلايل عبوسه
والناس ما تجهله زينه وشينه = والعاقل اللي ناجح ٍ في دروسه
وملا يفكر وش معه في ضعينه =يقبل عليه الوقت ويشوف حوسه
ياللي زرعت الخوخ مجناك تينه = ضيعت مابين الشجر في غروسه
احد ٍيدوج السوق يبغى السمينه = واحد يدوج السوق تقحط ضروسه
نفسه على غش الاوادم تعينه = امصدقٍ كذبه وطفرة فلوسه
حسايف ان ابوه يحسب سنينه = وحسايف انه يدخله في هجوسه
اماله انه قايد ٍ للسفينه = واماله انه ينتقي له عروسه
ضاع الرجاء والعمر قفا غبينه = اقبل بثوب اله ولا هو بقوسه
ملا يحسب الوقت عسره ولينه = يصبر على وقته ليا جاء يروسه
كلا على طينه ويلقاه طينه =جذع النخل يابس من اسباب سوسه
[/poem]
المواضيع المتشابهه
العرض المتطور
