مر المطر , يا حنين الشعر ونادى لك :
واحد ولا مر , ماهو مثل [ أي واحد ]
كبرت , يا حلمي اللي كنت .. أسعى لك
ما أشوفك الاولي ! لي مختلف واجد !
في عينك الخوف ما سولفت وش جالك
الصمت يشهد على خوفك , وانا شاهد
نسـيت .. والا امـانينا .. على [ بالك ]
للحين قلبك حزين , وضايق , وفاقد !
للحين , حالك من الفرقا على , حالك
واقف بـ وجه الغياب , وعازم وصامد
رح .. لـ طريق الطويل وبعثر , آمالك
ما عاد له داعي , نسولف / ونتواعد
خل [ الكلام , الكثير ] يْنام .. بظلالك
ظروف الايام .. ما تعذر , ولا تساعد
ما غير درب الغياب المر يصفى لك
نامت عيون الوصال وجرحنا , راقد
مـا فيه واحد بتبقى له [ ويبقى لك ]
حتى انت وياك تصبح شبه متواجد !
يا قلبي الحالم , وكل شوق غنى لك
لكنْ درب الوصل [ متغير , وجاحد ]
أشتاق , للي تحب وحط , في بالك :
حياة الانسان ما توقف على واحد ,,!
المواضيع المتشابهه
نامت عيون الوصال وجرحنا , راقد ....
العرض المتطور
