مقبلات ايطاليه
بسم الله الرحمن الرحيم
المقادير
* خبز بالثوم .,
المقآدير :
خبز فرنسي
4 فصوص ثوم
ملعقتين مايونيز ,, ملعقة جبن سائل
ملعقة زيت زيتون ,, شوية كزبره مفرومه
رشة ملح
الطريقه :
1/ نقطع الخبز الفرنسي لشرائح ...
2/ نهرس الثوم ونضيف له باقي المقادير بعد خلطها
( المايونيز والجبن والزيت زيتون والكزبره والملح ) و ندهن فيها الشرائح ..
3/ نحمرهآ في الفرن من الأعلى على نار خفيفع لحد ما تتحمر ...
* سلطة السيزر بالدجاج ,.
المقادير :
1/ خس يقطع شرائح كبيره ..
2/ علبة بوب كورن الدجاج ..
3/ خبز محمص جاهز
( يجي منه نكهات مختلفه اختاري اللي بنكهة الثوم والجبن )
إذا ما توفر عندك ممكن تقطعين خبز التوست مكعبات صغيره و تحمصينه في الفرن بس طبعاً الجاهز أطعم ..
4/ الصوص :
3 ملاعق من كلٍّ من
( مايونيز , كاتشب , صلصة الرانش )
وممكن تخففينها بشوية ماي ...
الطريقه :
1/ أول طبقه تحطين الخس ,
ثاني طبقه البوب كورن دجاج بعد ما تقلينه في زيت غزير , وآخر طبقه الخبز المحمص .
2/ اخلطي مقادير الصوص و صبيها على السلطة ...
* مافن الجبن المالح ,.
المقآدير :
بيضتين
كاس دقيق ..
نص فنجان حليب بودره ..
ذرة ملح ..
ملعقتين صغار بكينج باودر ..
نص بيالة زيت ..
ثلاث أرباع كاس ماء ..
شوية كزبره مفرومه فرم ناعم أو ممكن نعناع ...
جبن أبيض مالح + جبن شيدر + جبن موزريلا ( كلها مبشوره ) ..
الطريقه :
1/ إخفقي البيض + الزيت بخفاق الكيك , ثم ضيفي الطحين + الحليب + الملح + البيكنج بودر + المآء .. مع بعض
2/ ضيفي لهم الجبن بأنواعه + الكزبره ( اخلطيهم بالملعقه مو بالخلاط ... وصبيها في قوآلب الكب كيك
3/ اخبزيها في الفرن لحد مآ تستوي وتتحمر ...
وبالهنا والعافيه علىى قلوبكم
دمتم بصحه ..
المواضيع المتشابهه
العرض المتطور
