ليه مستغرب كلامي وليـه أعطيـك الأمـان ؟!
وليه تَكْذِب في كلامك ؟ العـذر وينـك ووينـه!!
ما ألومك كان قلبـك ثـارت أمواجـه وخـآن
الخطا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللـّسـان ••
كيف إيدك إطعنتني وآنـا أحْسِبْهَـا أمينـه..
جرحي مـآ يرضيه قلبك لو يجـي كلِّـه حنـان ••
لو تبوس الجرح فيني ولـو تقبـّـلهـا إيدينـه
يُوم أحبك قلت كلمه{ يكرَم المرء أو يُهـان•
وإنتَ قلبي ما كرمتـه وما قدرت إنِّـك تهينـه
[ عـزِّتـي ] ما هي جديده آنا شامـخ من زمـآن
إغسل إيـدك من رجوعي وروح يا إبن اللـّـذينـه !
طـآب خاطر قلبي منِّك وهـذي الفرقـى رهـان
وحتَّى لو قلبي يحبـك ربِّـي بفراقـك يعينـہ ...}
تدري لما قلت أحبك قلت وما عنـدي ضمـان•
وإختياري كان خاطىء تجربه بالحيـل شينـه
كنت تخطي وكنت أسامح مرَّه مرتين وثمـان••
أدمح الزلـه عشانـك وأكتـم أنفـاس الغبينـه !!
كنت أحبك وكنت أعزك والغلا فينـي جبـان ••
خاف تزعل لو ألومك ضعت ما بينـك وبينـه..!
في عيون الناس عآدي ،، بس في عيني جنـآن
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان ••
المحبه في زمانك [ بحرهـآ] من غيـر مينـا
[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه
وخطوتي الأولى "غيابـك" وراح أطبقها عشـان
يبكي قلبك لا فقدني والندم .. يملـي سنينـه
جاي تسأل عن مكانك ؟! هو بقى فيني مكان !!
الله يرحم هـالمشاعر اللـّي كانت لـك رهينـه
قلت لك قلبي مدينه فيها لك حشمه وشـآن
لكن إنتَ ألحين أغرب شخص في هـالمدينـه
المواضيع المتشابهه
العرض المتطور
