السلام عليكم
هذا ابو حسين راح للسوق ومعه ولده حسين يشترون بعض المقاضي في يوم الاثنين ثاني عيد...ويوم جاء الرجال الا ماهو ابو حسين اللي نخبر... هاه يابو حسين عساك لقيت حاجتك.... قال وش وشريت وش لقيت... ليتني ما رحت....... عسى ما شر يابو حسين.... قال عساك ماتشوف اللي شفناه انا وولدي... وش العلم... وقال هالقصيده
===============
وشلون تنظر للمزايين ياحسين ...................... عقب الذي شفناه بالصالحيه
ثاني ايام العيد في عصر الاثنين ...................... زولٍ وراه الناس مثل السريه
من بعدها لاتلتفت للمزايين ...................... ولو تلفت ما ظنتي شفت زيه
رجت جميع الناس والناس هادين ...................... عاروض بلوى من بلاوي بليه
ما مرت اثنين بالاسياب ماشين ...................... الا حديهم كود يفخت خويه
واللي يبي شرّاب يشري فساتين ...................... واللي يبي فسفس شرى الشاذريه
وحنا نبي كاسات شلنا سكاكين ...................... وتركي يبي دله شرى طوفريه
وبعض الملا يشيل ما شافت العين ...................... لوكان فقري والدراهم شويه
وهذا يقول بنيتي مادري وين ...................... وهذا من الوغدان يمعط يديه
وصارت لك الصالات لجة وغادين ...................... صعاعةٍ يم الخضيرا دويه
كم شافت عيوني من الزين ياحسين ...................... لاشك لله ما تحلت حليه
مفروض مثله ماتطب الدكاكين ...................... تسبب لمثلي والخلايق خطيه
وابو سعد مع طلعته قابل الزين ...................... صك القزاز وطاح مثل السديه
وشالوه بالاسعاف بالحال عجلين ...................... ودوه للدكتور حاله رديه
اللي لقابه ساعة الكشف نوعين ...................... جرح القزاز وبه جروحٍ خفيه
والددسن اللي عندها شفت شخصين ...................... ابو سعيد ، وراه واحد، خويه
قلت اطلعوا،، قالوا لذع به بليتين ...................... اثريها حيله منهم... وخطه ونيه
مابه خراب وهم عماداً مطفين ...................... يازين زوله زاهيتها الحنيه
يبون يامنه طلع داعج العين ...................... اغديه يركب معهم غلطةٍ مطبعيه
ولا ظنتي يركب بددسن ثمانين ...................... وهو موتره واقف شبح ست ميه
وانا اشهد ان الزين كمله بالزين...................... وانا اشهد ان البقايا حطمتها بنيه
منقول
المواضيع المتشابهه
العرض المتطور
