أحبتي
جميع رواد هذا الصرح الجميل بأسمائكم
أبارك لنفسي بالإنضمام أليكم وأشكر أخي
العزيز سامي الشمري الذي أكرمني بالدعوه
سائلاً المولى أن أقدم مايليق بأقلامكم الراقيه
ومع هذا الصباح الجميل وهذه المصافحه
أحب أن أقول لكم :
\
/
[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
صباح الحب / صباح الورد / صباح أحلا من السكّر=صبـاح هـاديٍ غّـرد بـه العصفـور بألحـانـه
صباح التوت والكـادي صبـاح المبسـم الأحمـر=صباح الضحكـه الحلـوه ونظـره منـك خجلانـه
صباح الخـوخ لاعانـق عناقيـد الكـرز وأثمـر=صباح النفل .. لاخالط عبيـره .. ريـح ريحانـه
صباح (اللتغه) بلسانـك صبـاح الناظـر الأحـور=صبـاح (التمتمـه) بشفـاك أموّلهاعلـى دااانـه
صباح الهيل والدلّـه صبـاح الـروض لا خضّـر=صباح الدلعنـه والغنـج ومشيـه منـك طربانـه
صباح الصبـح بخـدودك وشعـرٍ ساكـبٍ أشقـر=صبـاحٍ تـاه بـورودك وصمـتٍ فـاض بركانـه
صباح الطالب الشاطـر يـردّد ( ياعلـم أخضـر )=صحى نومه بـدا يومـه يـروم المجـد لأوطانـه
صباح الشعـر والشاعـر حروفـه فيـك تتبختـر=مـدام إسمـك يغذّيهـا أكيـد تكـون رويـااانـه
هلا بـك كثـر ماجيتـي ورحتـي لا بعـد أكثـر=هلا بك كثر مـا يبكـي الحزيـن بدفتـر أحزانـه
هلا بك ليش أكررهـا وهـي فـي طلتـك تصغـر=يحيـر القـاف بيدينـي وتسافـر كـل أشجـانـه
أشوف الورد بحضورك تنفّـس وإنتعـش وأزهـر=أشـوف البيـت بقدومـك تغنّـت كـل جـدرانـه
ثلاث شهور وعيونـي تسامـر طيفـك وتسهـر=ثلاث شهـور وجفونـي يسيـل الدمـع بأوجانـه
أنا أدري الدرب يطويني وأنا أدري موتـي مقـدّر=وأنا أدري أن الهوا سجنٍ غدا قفله وسجانـه
تعالـي لعنبـو حيّـك زمـان الـذل مـا قـصّـر=صفى للخاين الكـاذب / صفـى للغـش وأعوانـه
تعالـي لملمـي شتاتـي جبرنـي الوقـت أتبعثـر=تعالـي وأسعفـي بطيبـك غريـقٍ تـاه ربـانـه
دخيلـك لا تخلينـي بـعـد هالـيـوم أتحـسّـر=دخيلك دفّـي أحضـان بغيابـك حييييـل بردانـه
أميرة حب وإخلاص وعلـى وصفـك أبـد مقـدر=وتبطي ماوفـت حقـك بحـور الشعـر وأوزانـه
وإذا جيت أوصفـك مالـي ياكـود الفـل والعنبـر=وكل الغيـد مـن حولـك ورودٍ !! بـس ذبلانـه
يابنت العـز ماقلـت القصيـد وغايتـي أفخـر ؟؟=ولكن أكتـب أبيـاتٍ يكـون (الصـدق) عنوانـه[/poem]
\
/
مودتي للجميع
المواضيع المتشابهه
نواف المزيريب 
العرض المتطور
