[grade="00008B 00008B 00008B 00008B 00008B"]
السلام عليكم ورحمة الله وبركاته
الأولى : ايش فيك تأخرتي؟
الثانيه : ساعه قاعده ادور على عباتي 00انتي ما شفتي الحريم
يتضاربون عند العبايات 00العبايات تلخبطت
الثالثه : يا ليتنا ما رحنا زواجهم
زحمه والبزران يتضاربون بقشر البرتقال ويلعبون
بالمويه
الأولى : ما شفتي ذيك اللي كبت القهوه على الحرمه اللي
كانت نايمه؟
الثالثه : لا والله ما شفتها 00انا ما شفت ولا شي في
الزواج 00طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته خلود؟
الأولى : مو حلو 00محنقط عليها والسحاب باين
الأولى: انا اعجبني مكياج أمل 00تقول ان زوجة خالها جابته
لها هدية من باريس
الثالثه : هههههه من باريس 00تضحك عليك يا هبلا 00تلقينه من
محلات ابو عشره
وقــــــــــفه (تعب)
***************
الغريب والعجيب انهم واثناء حديثهم في السياره يقولون
لبعضهم 00خلاص يا بنات بس 000ترى ما يجوز نتكلم على الناس0
تكــــــــــــــــــــــــمله
الثانيه : صح والله كلامك يا اختي 000ما يجوزنتكلم عليهم 00بس
شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها 00هههههههه متوصيه فيك 00شكلها بتخطبك
لولدها
الثانيه : وجع في شكلها هي وولدها 00قاعده تقطع لي من اللحم
الكبار اللي ما ينوكل
وهي طايحه في اللحم الزين0
العشاء
الثالثه : والعشا كله دسم و شحم
الأولى : بارد
الثانيه :اللحم كبار
الثانيه : وفيه حريم ما تعشوا 00قاعدين على الكراسي اللي
في الكوشه 00شايفين نفسهم
الأولى : حتى ام العروسه 00ما تعشت مسكينه 00طول الوقت
قاعده تبكي
الثالثه : هههههههههه تبكي من الفرحه يا هبلا 00ما شفتي
صدرها منتفخ من الفلوس
بس 00خلاص 00ما يجوز 00
صح والله 000ما يجوز 000بس شفتي 000وشفتي 00وشفتي
الحين حسنات هالحريم راحت كلها للحريم الي حشوا فيهم
للكاتبه نوره الرومي مجلة الحياة
[/grade]
المواضيع المتشابهه
العرض المتطور
